Ö:: كۆچی دوایی سابیر نه‌زه‌ری  ئه‌ندامی حیزبی دیمۆكراتی كوردستانی ئێران

كۆمیته‌ی كارلستادی حیزبی دیمۆكراتی كوردستانی ئێران

كۆچی دوایی سابیر نه‌زه‌ری  ئه‌ندامی حیزبی دیمۆكراتی كوردستانی ئێران.
سابیر نه‌زه‌ری له‌ ساڵی ١٩٥٧ له‌ بنه‌ماڵه‌یه‌كی فه‌قیر و هه‌ژار له‌ گووندی قه‌یتوول سه‌ربه‌ سه‌لاسی باوه‌جانی چاوی به‌ دوونیا هه‌ڵ هێنا.
پاش هاتنه‌ سه‌ر كاری ڕژیمی کۆماری ئیسلامی ئێران بنه‌ماڵه‌ی كاك سابیر په‌ڕیوه‌ی كوردستانی عێراق بوون و وه‌ك په‌نابه‌ر له‌ ئۆردووگای چوارقوڕنه‌ درێژه‌یان به‌ ژیانی پڕ ده‌رد و ڕه‌نجی ئاواره‌یی دا.
ناوبراو هه‌ر له‌و ئۆردووگایه‌ په‌یوه‌ندی به‌ ته‌شكیلاتی حیزبی دیمۆكراتی كوردستانی ئێرانه‌وه‌ گرتوو و وه‌ك ئه‌ندامێكی چالاك به‌شداری له‌ كۆڕ و كۆبوونه‌وه‌كانی حیزبیدا ده‌كرد.
به‌ڵام ناوبراو به‌هۆی سه‌ختی ژیانی ده‌ربه‌ده‌ری و به‌رپرسایه‌تی به‌خێوكردنی ژن و منداڵه‌كانی جێگه‌ی ئه‌ندامه‌تی ته‌شكیلاتی گۆڕی و وه‌ك لایه‌نگر و دڵسۆزێكی هه‌میشه‌یی حیزب وه‌فادار به‌و ڕێبازه‌ مایه‌وه‌ تا كاتی ماڵئاوایی كردنی.
ئه‌وه‌بوو مه‌رگی نابه‌وه‌خت و كووتووپڕ مه‌ودای ژیانی پێ نه‌دا و له‌ ڕێكه‌وتی ٢٨/١٢/٢٠٠٥ ماڵئاوایی یه‌كجاری له‌ خێزان و شه‌ش منداڵه‌ خنجیلانه‌كه‌ی و ته‌واوی دۆست و خزمانی كرد. له‌ ڕێكه‌وتی ١٣/١/٢٠٠٦ له‌ گۆڕستانی گه‌وره‌ی شاری كارلستاد به‌ به‌شداری خزمان و دۆستان به‌ خاك سپێردرا.

كۆمیته‌ی كارلستادی حیزبی دیمۆكراتی كوردستانی ئێران

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.