Ö:: كێخوای دزان....!!  

نووسینی: خالید شه‌یدا

له‌و دیوی دیواره‌
ڕوخاوه‌كه‌
دڵی په‌نجه‌ره‌
درزی داوه‌
ده‌رگاش زۆر شه‌كه‌ت و هیلاكه‌
هه‌ناسه‌ی نایێ
به‌ سه‌ر وورده‌ شووشه‌
ڕه‌ت ده‌بێ
خوێن له‌ ژێر پێ ی
فركه‌ی دێ
گۆڕ هه‌ڵكه‌نه‌كانیش
ددانیان له‌ مشار و قازمه‌
تیژ تره‌
بۆنی لاشه‌ی كه‌ری تۆپی دێ و
سه‌گه‌كان ده‌می خۆیان
تیا ناوه‌
له‌م شاره‌ سه‌ر لێ شێواو وێرانه‌
خه‌ڵك هه‌موو كش و ماته‌
نوقه‌یان لێوه‌ نایه‌ت
ده‌میان به‌ ده‌رزی و داو دووراوه‌
چۆڵه‌كه‌كانی سه‌ر دار و بن سوانده‌كان
ئه‌وانیش وه‌كوو جاران
جریوه‌یان لێوه‌ نایه‌ت
كه‌ له‌ ده‌رگاكان ده‌چیه‌ ده‌ره‌وه‌ و
ڕه‌ت ده‌بی
گوێت له‌ ده‌نگێكی
زۆر كز ده‌بێ
له‌ به‌ر كێخوای دزان
تۆقیوون
نوقه‌یان لێوه‌ نایه‌ت
كێخوای دزان زۆر دڵخۆشه‌
خاوه‌نی كۆشك و دۆلار و
ته‌كیه‌ و خانه‌قایه‌
ئه‌گه‌ر سه‌یری ناو
پێچی مێزه‌ره‌كه‌شی بكه‌یت
هه‌ر دۆلاره‌
كێخوای دزان زۆر ده‌وڵه‌مه‌ند و پاره‌داره‌
خاوه‌نی كارخانه‌ی هه‌مه‌ جۆره‌
كارخانه‌ی تایبه‌تیشی هه‌یه‌
ئه‌ویش كارخانه‌ی
خاولی و مه‌سینه‌یه‌
هه‌ر كه‌سێ دیده‌نیكه‌
خاولی و مه‌سینه‌یه‌كی
به‌ دیاری پێ ده‌دا
كێخوای دزان
خاوه‌نی مه‌زار و ته‌كیه‌ و خانه‌قایه‌
ده‌روێشیش
له‌ هه‌موو لایه‌ك
ده‌وره‌ی دایه‌
كه‌س بۆی نی یه‌
له‌ به‌ر ده‌می نوقه‌ بكا
ده‌بێت شه‌و و ڕۆژ
مه‌سینه‌ی بۆ هه‌ڵبگری و
زكری بۆ بكا
نووسینی: خالید شه‌یدا

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.