Ö:: کۆبوونه‌وه‌ی ته‌شکیلاتی ئه‌ندامانی حیزب له‌ شاری لینشۆپینگ

حیزبی دێموکراتی کوردستان – ئێران کۆمیته‌ی شاری لینشۆپینگ

کۆبوونه‌وه‌ی ته‌شکیلاتی ئه‌ندامانی حیزب له‌ شاری لینشۆپینگ
ئێواره‌ی
ڕۆژی 14.12.2006 کۆمیته‌ی لینشۆپینک کۆبوونه‌وه‌یه‌کی بۆ ئه‌ندامانی حیزب له‌و شاره‌دا پێکهێنا، که‌ زۆربه‌ی ئه‌ندامانی حیزب به‌شداریان تێداکرد، به‌رنامه‌ و باسه‌کانی ئه‌م کۆبوونه‌وه‌یه‌ به‌م شێوه‌یه‌ بوون.

سه‌عات 18.00 به‌ دقیقیه‌ک بێده‌نگی بۆ ڕێزگرتن له‌ گیانی پاکی شه‌هیدان کۆبوونه‌وه‌که‌ ده‌ستی پێکرد، کاک مه‌ریوان نستانی به‌رپرسی کۆمیته‌ی حیزب له‌ شاری لینشۆپینگ باسێکی سه‌باره‌ت به‌ ڕووداوه‌کانی ئه‌و ماوه‌یه‌ و دووبه‌ش بوونی حیزب پێشکه‌ش کرد، له‌ باسه‌که‌ی دا هه‌وڵه‌کانی ئۆپۆزیسیۆنی نێوخۆیی وه‌بیر هێنایه‌وه‌ و باسی قوڵتر بوونه‌وه‌ی کێشه‌ و گیروگرفته‌ نێوخۆیی‌یه‌کانی حیزبی کرد به‌ تایبه‌تیی به‌دوای کۆنگره‌ی سێزده‌هه‌می حیزب دا.

به‌ڕێزان کاک که‌مال حه‌سه‌نپوور و کاک حه‌مه‌ڕه‌سوڵ که‌ریمی ئه‌ندامانی کۆمیته‌ی سوئێدی حیزبی دێموکراتی کوردستان هه‌ریه‌که‌یان به‌نۆبه‌ی خۆی باسیان له‌سه‌ر قبوڵ کردنی به‌ ناچاری له‌تبوونی حیزب کرد و ئاوڕیان له‌ ڕابردووی ئه‌و گیروگرفتانه‌ دایه‌وه‌، کاک سمکۆ عیسازاده‌ش هه‌ر له‌و پێوه‌ندی‌یه‌دا چه‌ند وته‌یه‌کی پێشکه‌ش کرد.

به‌داوی قسه‌کانی ئه‌و به‌ڕێزانه‌دا ئه‌ندامانی به‌شداری کۆبوونه‌وه‌که‌ باس و پرسیار و پێشنیاره‌کانی خۆیان باسکردن و چالاکانه‌ به‌شداری باس و خواسه‌کان بوون، له‌ دوابه‌شی کاری کۆبوونه‌وه‌که‌دا له‌ لایه‌ن به‌ڕێوه‌به‌رانی کۆبوونه‌وه‌وه‌ وه‌ڵامی هه‌موو پرسیاره‌کانی به‌شداران درایه‌وه‌، پێویسته‌ ئاماژه‌ به‌وه‌ش بکه‌ین چ به‌ڕێوه‌به‌رانی کۆبوونه‌وه‌که‌ و چ ئه‌ندامانی به‌شدار له‌م کۆبوونه‌وه‌یه‌دا وێڕای ده‌ربڕینی نیگه‌رانیه‌کانیان له‌ دووبه‌ش بوونی حیزب جه‌ختیان له‌سه‌ر پێویستی بوون و نه‌پساندنی پێوه‌ندیه‌کان کرده‌وه‌.

حیزبی دێموکراتی کوردستان – ئێران
کۆمیته‌ی
شاری لینشۆپینگ
2006-12-15

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.