Ö:: په‌یامی پشتیوانی

کومیته ی وانکۆ‌ڤێری حیزبی دیموکراتی کوردستان - ئێران له وڵاتی کانادا.

کۆمه‌ڵانی ئازادیخوازی خه‌ڵکی کوردستان!
بنه‌ماڵه‌ی سه‌ربه‌رزی شه‌هیدان!
ئه‌ندامان و لایه‌نگرانی ‌‌حیزبی دیموکراتی کوردستان- ئێران!
له کاتێک دا به هوی ئه‌و ئاڵ و گۆره بنه‌ره‌تیانه‌ی که له جیهان به گشتی و ناوچه‌ی ڕۆژهه‌ڵاتی نێوه راست به تایبه‌تی پێکهاتو و بزوتنه‌وه‌ی دیموکراسیخوازی ڕۆژ له گه‌ڵ ڕۆژ له په‌ره گرتن دایه و ئاسۆ‌ێکی ڕون بۆ گه‌لی مافخوراوی کورد چاوه‌ڕوان ده‌کرێ،له هه‌موو کاتێک پتر خه‌باتگێرانی کوردستان به گشتی و رۆله تیکۆشه‌ر و قوتابیه به وه‌فاکانی شه‌هیدانی سه‌روه‌رمان قازی و قاسملو و شه‌ڕه‌فکه‌ندی به تایبه‌تی پێویستیکی مێژوویان به یه‌کگرتویی و یه‌کڕیزی له پێناو گێشتن به ئامانجه به‌رزه نه‌ته‌وایه‌تیه‌کانمان هه‌یه، به هوی هه‌ڵس‌وکه‌وتی نه‌گونجاو له گه‌ڵ سیاسه‌ت و پڕه‌نسیبه‌کانی نێو خۆیی حیزبی دێموکراتی کوردستانی ئێران له لایه‌ن قۆڵی زۆرینه‌ی ده‌سه‌ڵاتداری کومیته‌ی ناوه‌ندی دوای کۆنگره‌ی 13ی حیزب، که به‌ هۆی خوڵقاندنی قه‌یرانێکی قوڵی ته‌شکیلاتی و سیاسی له ناو حیزب و ریکخراوه سینفیه‌کانی وه‌ک یه‌کێتی لاوانی دیموکرات و یه‌کێتی ژنانی دیموکراتی کوردستانی ئێرانی سه‌ر به حیزبی دیموکراتی کوردستانی ئێران، و هه‌وڵی بێ وچانی هاوڕیانی که‌مینه‌ی کومیته‌ی ناوه‌ندی و دۆستان و خه‌مخۆرانی بزوتنه‌وه‌ی ئازادیخوازانه‌ی کوردستان و دوو حیزبی دۆست و برامان یه‌کێتی نیشتمانی کوردستان و پارتی دیموکراتی کوردستان بۆ پاراستنی یه‌کڕیزی و یه‌کگرتویی ڕیزه‌کانی حیزبی دیموکراتی کوردستانی ئێران و ڕه‌تکردنه‌وه‌ی هه‌موی ئه‌و هه‌وڵه پیرۆزانه له لایه‌ن قۆڵی ده‌سه‌ڵاتداری کومیته‌ی ناوه‌ندی حیزبی دیموکراتی کوردستانی ئێران له پیناو پاراستنی به‌رژه‌وه‌ندی  شه‌خسی و پاوانخوازی خۆیاندا، له‌ت بون و لیکترازانێن به سه‌ر حیزبی دیموکراتی کوردستانی ئێراندا سه‌پاند که بوو به‌ هۆی داخ و که‌سه‌رێکی زۆر بۆ ئازادیخوازانی کوردستان به گشتی و ئه‌ندامان و لایه‌نگرانی حیزبی دیمو کراتی کوردستانی ئێران به تایبه‌تی.

ئێمه هیوادارین له داهاتویکی زۆر نزیکدا له گه‌ڵ هاوریانی پێشوماندا له به‌ره‌یکی یه‌کگرتوی دژی دوژمنانی
کورد دا هاو خه‌بات بین.

ئێمه جارێکیتر په‌یمان و به‌ڵێنیه‌کانمان له گه‌ل شه‌هیدانی هه‌رگیز نه‌مرمان نوێ ده‌که‌ینه‌وه که تا گه‌یشتن به ئامانجه پیرۆزه‌کانی نه‌ته‌وایه‌تیمان درێژه‌ده‌ری ڕێبازیان بین.

له کۆتاییدا پشتگری خۆمان له وه‌فادارانی راسته‌قینه‌ی شه‌هیدان به تایبه‌تی شه‌هیدانی ڕێبه‌رمان قازی و قاسملو و شه‌ڕه‌فکه‌ندی، واتا ڕۆڵه خه‌باتگێر و تێکۆشه‌ره‌کانی حیزبی دیموکراتی کوردستان - ئیران ده‌رده‌بڕین.

کومیته ی وانکۆ‌ڤێری حیزبی دیموکراتی کوردستان - ئێران له وڵاتی کانادا.

10/12/2006ی زایینی

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.