Ö:: پشتیوانی کۆمه‌ڵێک له ئه‌ندامان و لایه‌نگرانی حیزبی دێموکڕاتی کوردستان ـ ئێران له هوله‌ند

ئه‌ندامان و لایه‌نگرانی حیزبی دێموکڕاتی کوردستان ـ ئێران له هوله‌ند

پشتیوانی کۆمه‌ڵێک له ئه‌ندامان و لایه‌نگرانی حیزبی دێموکڕاتی کوردستان ـ ئێران له هوله‌ند
کۆمهڵانی خه‌ڵکی تێکۆشه‌ری کوردستان
پێشمه‌رگه قاره‌مانه‌کانی ڕێگای ئازادی کوردستان
ئه‌ندامان و لایه‌نگرانی حیزبی دێموکڕاتی کوردستان ـ ئێران
به داخێکی زۆره‌وه هه‌وڵه‌کانی دڵسۆزانی حیزبه خۆشه‌ویسته‌که‌مان بۆ پاراستنی یه‌کیه‌تی ڕیزه‌کانی حیزب به ئاکام نه‌گه‌یشت و له‌تبونێکی نه‌خوازراو به سه‌ر حیزبی دێموکڕاتی کوردستان دا سه‌پا ئه‌و ڕوداوه ناخۆشه بێشک دڵی هه‌ر کوردێکی دڵسۆزی غه‌مبار کردوه و به تایبه‌ت بنه‌ماڵه ی دێموکڕاتی له په‌ژاره دا تاساندووه، ئێستا که ئه‌و ڕوداوه ناخۆشه به سه‌ر دڵسۆزانی حیزبه‌که‌مان دا سه‌پاوه، پێویسته به خۆمان دا بێینه‌وه و بۆ زیندو ڕاگرتنی حیزبی دێموکڕاتی کوردستان هه‌رچی له ده‌ستمان دێ بیکه‌ین و له جیاتی ئه‌وه بکه‌وینه دژایه‌تی له گه‌ڵ یه‌کتر، هه‌مو کاتی خۆمان ته‌رخان بکه‌ین بۆ به‌ره‌و پێش بردنی سیاسه‌تی دروست  و ڕێبازی ڕێبه‌رانی شه‌هیدمان .

ئێمه کۆمه‌ڵێک له ئه‌ندامان و لایه‌نگرانی حیزب له وڵاتی هوله‌ند، ئه‌و سیاسه‌تی دروست و ڕێبازی شه‌هیدانی ڕێبه‌رمان، پێشه‌وا قازی محه‌ممه‌د، دوکتور قاسملو و دوکتور شه‌ڕه‌فکه‌ندی له هێڵه گشتی‌یه‌کانی ڕێبازی حیزبی دێمو‌کڕاتی کوردستان ـ ئێران دا ده‌بینین و بۆ به‌ڕێوه‌چونی ئه‌و ڕێبازه ئوسولیه و پێشگیری له هه‌ر کرده‌وه‌یه‌کی دژبه‌ر له نێوان هه‌ردو باڵه‌که‌ی حیزبی دێموکڕات دا، پشتیوانی خۆمان له حیزبی دێموکڕاتی کوردستان ـ ئێران ڕاده‌گه‌یه‌نین، به‌م زوانه‌ش کومیته‌ی حیزبی دێموکڕاتی کوردستان ـ ئێران له وڵاتی هوله‌ند ده‌ست به چالاکیه‌کانی ده‌کا.

 سه‌رکه‌وتن بۆ خه‌باتی ڕه‌وای گه‌له‌که‌مان
سه‌ربه‌رزی بۆ هه‌مو شه‌هیدانی ڕێگای ئازادی، به تایبه‌ت سه‌روه‌رانی ڕێبه‌رمان قازی، قاسملو، شه‌ڕه‌فکه‌ندی
سه‌رکه‌وتن بۆ حیزبی دێموکڕاتی کوردستان ـ ئێران
 مه‌رگ و نه‌مان بۆ کۆماری ئیسلامی ئێران، قاتڵی ڕێبه‌رانی شه‌هیدمان
کۆمه‌ڵێک له ئه‌ندامان و لایه‌نگرانی حیزبی دێموکڕاتی کوردستان ـ ئێران
له وڵاتی هوله‌ند

 15 /12/2006

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.