Ö:: به‌یاننامه‌یه‌کى هاوبه‌شی کۆمیته‌کانی بیتوێن و پشده‌ر

کۆمیته‌کانی بیتوێن و پشده‌ر

به‌یاننامه‌یه‌کى هاوبه‌شی کۆمیته‌کانی بیتوێن و پشده‌ر
بۆ ئاگادارى بینه‌ران و خوینه‌رانى هێژا
 شه‌وى 20 له‌ سه‌ر 21ى سه‌رماوه‌ز 1385 له‌ لایه‌ن ته‌له‌ویزیونى "تیشک "وه‌ هه‌واڵى پشتیوانى کۆمیته‌کانى حیزبى دێموکراتى کوردستانى ئێران، "کۆمیته‌ى پشده‌ر" و "کۆمیته‌ى بیتوێن" له‌ زۆرینه‌ى کۆمیته‌ى ناوه‌ندى هه‌لبژێراوى کۆنگره‌ى 13 بڵاو کراوه‌ته‌وه‌.

ئێمه‌ دۆستان و ئه‌ندامان و لایه‌نگرانى حیزبه‌ تێکۆشه‌ره‌که‌مان "حیزبى دێموکراتى کوردستان ـ ئێران" ئاگادار ده‌که‌ینه‌وه‌ که‌ ئه‌و هه‌واڵه‌ هیچ فڕێکى به‌ راستیه‌وه‌  نیه‌ و ئێمه‌ کۆمیته‌ ره‌سمیه‌کانى حیزب واته‌ کۆمیته‌ى پشده‌ر و بیتوێن به‌ زۆرینه‌ى نیزیک به‌ ته‌واوى ئه‌ندامانمانه‌وه‌ راده‌گه‌یه‌نین که‌ هیچ که‌س و لایه‌نێک بۆى نیه‌ به‌ ناوى ئێمه‌وه‌ قسه‌ بکات.

بۆ ئاگاداری کۆمه‌ڵانى گه‌لى کورد و حیزبى دێموکرات، ئێمه‌ هه‌ر دوو کۆمیته‌ به‌ جیا به‌یاننامه‌کانى پشتیوانى خۆمان له‌ سه‌ر سایته‌کان بڵاو کردوته‌وه و پشتیوانى خۆمان له‌ حیزبى دێموکراتى کوردستان ـ ئێران و له‌و راگه‌یاندراوه‌ که‌ له‌ بروارى 15/9/1385 بڵاو بۆته‌وه‌ راگه‌یاندوه‌ و ئیزن به‌ هیچ که‌س لایه‌نێک ناده‌ین به‌ ناوى ئێمه‌وه‌ هه‌ڵوێست بگریت و کۆمه‌ڵانى خه‌ڵکى کوردستان به‌ لاڕێ دا به‌رێت.

کۆمیته‌ى بیتوێن
کۆمیته‌ى پشده‌ر

21/9/1385

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.