Ö:: پشتیوانی جێگری به‌رپرسی ده‌سته‌ی نوێنه‌رایه‌تی گشتی یه‌کێتی لاوانی دیمۆکراتی کوردستانی

 

پشتیوانی جێگری به‌رپرسی ده‌سته‌ی نوێنه‌رایه‌تی گشتی یه‌کێتی لاوانی دیمۆکراتی کوردستانی ئێران له‌ ده‌ره‌وه‌ی وڵات.
هاونیشتیمانانی خۆشه‌ویست
کیژان و کوڕانی خوێن‌گه‌رمی دیمۆکرات
دۆستان و ئه‌ندامانی حیزبی دیمۆکراتی کوردستان .
هه‌ر وه‌کوو هه‌موو لایه‌ک ئاگادارن رێکه‌وتی 6.12.2006 زائینی به‌رامبه‌ر به‌ 15ی سه‌رماوه‌زی 1385 ی هه‌تاوی، دوای ماوه‌یه‌کی زۆر دانیشتن و هه‌وڵدان بۆ یه‌کریزی و ته‌بایی له‌ نێو ریزه‌کانی حیزب دا به‌ داخه‌وه‌ به‌ ئاکام نه‌گه‌یشتن و به‌شێکی به‌رچاو له‌ ئه‌ندامانی ده‌فته‌ری سیاسی و کومیته‌ی ناوه‌ندی و جێگره‌کان و مووشاویرانی کومیته‌ی ناوه‌ندی به‌ ده‌رکردنی به‌یاننامه‌یه‌ک، کۆتاییان به‌ دیالۆگ کردن له‌ سه‌ر کێشه‌ ناوخۆیه‌کانی حیزب دا هێنا و قۆڵی پاوانخوازی زۆرایه‌تی کومیته‌ی ناوه‌ندی به‌ ناره‌وا حیزبیان کرده‌ دوو به‌ش.

به‌ پێویستی ده‌زانم رابگه‌یه‌نم که‌ وه‌ک ئه‌ندامێکی 22 ساڵه‌ی ناو ریزه‌کانی ته‌شکیلاتی حیزب که‌ له‌و ماوه‌یه‌دا بێ پسانه‌وه‌ له‌ خزمه‌ت گه‌ل و نیشتیمانه‌که‌م دا بووم، وێڕای سپاس و رێزێکی بێ پایان بۆ دۆستان و هاوکارانی خۆشه‌ویستم له‌ ناو یه‌کێتی لاوان دا هه‌ڵوێستی خۆم روون بکه‌مه‌وه‌ هه‌ر بۆیه‌ به‌ هۆی ئه‌م به‌یاننامه‌یه‌وه‌ پشتیوانی خۆم له‌ به‌یاننامه‌که‌ی رێکه‌وتی 6.12.2006 راده‌گه‌یه‌نم و له‌و سه‌نگه‌ره‌ی دا که‌ باوه‌رم پێیه‌تی درێژه‌ به‌ خه‌بات و تێکۆشانی خۆم ده‌ده‌م.

پێویسته‌ بڵێم که‌ ئامانجی به‌رزی من گه‌یشتن به‌ مافی نه‌ته‌وایه‌تی خه‌ڵکی کوردستانه‌ و درێژه‌ پێدانی رێگای شه‌هیدان .

به‌ هیوای سه‌رکه‌وتن

سه‌لاح حاجی ره‌شیدی جێگری به‌رپرسی ده‌سته‌ی نوێنه‌رایه‌تی گشتی یه‌کێتی لاوانی دیمۆکراتی کوردستانی ئێران له‌ ده‌ره‌وه‌ی وڵات. 15.12.2006

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.