Ö:: پشتیوانی کۆمه‌ڵێک له‌ ڕۆژنامه‌نووسان و ڕۆشنبیرانی ناوخۆی کوردستان له‌ حیزبی دێموکراتی کوردستان

کۆمه‌ڵێک له‌ ڕۆژنامه‌نووسان و ڕۆشنبیرانی ناوخۆی کوردستان

پشتیوانی کۆمه‌ڵێک له‌ ڕۆژنامه‌نووسان و ڕۆشنبیرانی ناوخۆی کوردستان له‌ حیزبی دێموکراتی کوردستان
هاونیشتمانانی به‌ڕێز
کۆمه‌ڵانی هه‌راوی خه‌ڵکی کوردستان
ئه‌ندامان، لایه‌نگران و دۆستانی حیزبی دێموکراتی کوردستانی ئێران
له‌ کاتێکدا رۆژهه‌ڵاتی ناوه‌ڕاست به‌ قۆناغێکی هه‌ستیار و مێژووییدا تێده‌په‌ڕێ و کوردستانی پارچه‌پارچه‌کراوی ئێمه‌ش چاوه‌روانی وه‌دیهاتنی ئاواته‌ له‌مێژینه‌کانی خۆیه‌تی و پتر له‌ هه‌موو کاتێک حه‌وجێی یه‌کڕیزی و هه‌بوونی پلاتفۆڕمێکی هاوبه‌ش و پێکهێنانی به‌ره‌یه‌کی یه‌کگرتوو بۆ ده‌سته‌‌‌به‌رکردنی مافه ‌سیاسی ،فه‌رهه‌نگی و کۆمه‌ڵایه‌تییه‌کانی گه‌لی سته‌م لێکراوی کوردین؛
به‌ داخ و که‌سه‌رێکی زۆره‌وه‌ حیزبی دێموکراتی کوردستانی ئێران ؛حیزبی قازی و قاسملوو و شه‌ره‌فکه‌ندی بۆ جارێکی دیکه‌ شاهیدی لێکدابڕانی دڵته‌زین و سه‌رسووڕهێنه‌ری ڕۆڵه‌کانی خۆی بوو.
ئیمه‌ کۆمه‌ڵێک له‌ ڕۆشنبیران و ڕۆژنامه‌نووسانی ناوخۆی وڵات به‌
  په‌رۆشه‌وه‌ و به‌ ئاگادارێکی چڕوپڕه‌وه‌ له‌ ره‌وتی ناکۆکیه‌کانی ناو حیزب له‌ داوی کۆنگره‌ی13له‌ هاوینی ساڵی 1383 هه‌تاوی‌ به‌ تایبه‌ت چوارمانگی ڕابردوو، لامان وایه‌ له‌م ڕووداوه‌ دا به‌ په‌له‌ی یه‌که‌م زۆرینه‌ی ئه‌ندامانی کۆمیته‌ی ناوه‌ندی حیزبی دێموکراتی کوردستانی ئێران ؛به‌ زۆر هۆی وه‌کوو له‌ به‌رچاونه‌گرتنی به‌رژه‌وه‌ندیه‌ گشتیه‌کانی گه‌لی کورد به‌ گشتی  و خوودی حیزب به‌ تایبه‌تی ،پاوانخوازی،ناوچه‌گه‌رایی ،سیاسه‌تی حه‌زف و ته‌ردی ئه‌ندامانی ناڕازی و مونته‌قید و وه‌رنه‌گرتنی ره‌خنه‌ و ئینتیقادی بنیاتنه‌ر  له‌ باقی هاوڕێیانی خۆیان وکوو شه‌ریک و هاوخه‌بات ؛ تاوانبارن و حیزبیان تووشی قه‌یران و له‌تبوون و خه‌ڵکی کوردیشیان تووشی ناهۆمێدێکی دیکه‌ کرد.
ئێمه‌
  وه‌کوو کۆمه‌ڵێک له‌ دڵسۆزان و ڕۆشنبیرانی ناوخۆی وڵات وێڕای مه‌حکوومکردنی عامیلانی له‌تبوون و په‌رته‌وازه‌بوونی حیزبی دیموکڕات؛ پشتیوانی خۆمان له‌ ره‌وتی حیزبی دیموکراتی کوردستان- ئێران به‌ ڕێبه‌ریی تێکۆشه‌ری له‌مێژینه‌ی گه‌له‌که‌مان به‌ڕێز مامۆستا عه‌بدوڵڵای حه‌سه‌نزاده‌ و هاوڕێیانی راده‌گه‌ینین و چاوه‌ڕوانین ڕه‌خنه‌ و گازنده‌کانی ئێمه‌ی دڵسۆزی گه‌لی کورد و دۆستی حیزبه‌ تێکۆشه‌ره‌که‌تان له‌م‌ قۆناغه‌ تازه‌یه‌ی‌ خه‌باتی ڕه‌وای گه‌له‌که‌مان له‌ به‌رچاو بگرن و هیوادارین بۆشایی نه‌بوونی په‌یوه‌ندێکی ئه‌کتیو و دوولایه‌نه‌ له‌ گه‌ڵ کۆی چین و توێژه‌کانی خه‌ڵکی کوردستانی  بنده‌ستی ئێران  به‌ گشتی و ڕۆشنبیران و ڕۆژنامه‌نووسانی نيوخۆی وڵات به تایبه‌تی به‌‌ به‌هادان به‌ سه‌رنج و پێشنیاره‌ بنیاتنه‌ره‌که‌نیان له‌ ڕووی فیکری،سیاسی،کۆمه‌ڵایه‌تی، ئایینیه‌وه‌ و به‌ چاکسازی فیکری،سازمانی و سیاسیه‌وه‌ پڕبکه‌نه‌وه‌ و به‌ پێڕه‌وکردنی سیاسه‌تێکی هه‌مه‌لایه‌نه‌ و فره‌ره‌هه‌ند ،هۆی  ڕه‌زامه‌ندی  گه‌له‌ چه‌وساوه‌که‌مان و ئه‌ندامان و لایه‌نگرانتان پێک بێنن.
سه‌رکه‌وێ خه‌باتی ڕزگاریخوازانه‌ی گه‌لی کورد
کۆمه‌ڵێک له‌ ڕۆژنامه‌نووسان و ڕۆشنبیرانی ناوخۆی کوردستان
 
14/12/2006 – 23ی سه‌رماوه‌زی
 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.