Ö:: په‌یامی‌ پشتیوانی‌ ئه‌ندامان و لایه‌نگرانی‌ حیزب له‌ ناوچه‌ی‌ سه‌رده‌شت

ئه‌نداما‌ن و هه‌وادارانی حیزب له‌ شاری‌ سه‌رده‌شت

په‌یامی‌ پشتیوانی‌ ئه‌ندامان و لایه‌نگرانی‌ حیزب له‌ ناوچه‌ی‌ سه‌رده‌شت
ئێمه‌ زۆربه‌ی‌ زۆری‌ هه‌واداران و ئه‌ندامانی‌ حیزب له‌ شاری‌ سه‌رده‌شت ئاماده‌یی‌ خۆمان بۆ هه‌ر چه‌شنه‌ هاوكاری‌یه‌كی‌ ئێوه‌ی‌ به‌رێز وه‌ك حیزبی‌ دیمۆكرات ( باڵی‌ رێفۆرمخواز ) راده‌گه‌یه‌نین.
ده‌مانهه‌وێ‌: (ئه‌م حیزبه‌):

 1 ـ وه‌فاداری‌ سه‌رجه‌م شه‌هیدانی‌ حیزب، به‌تایبه‌تی‌ شه‌هیدانی‌ سه‌ركرده‌، پێشه‌وا، قاسملوو و شه‌ره‌فكه‌ندی‌ بێت.

2 ـ پێشكه‌وتن خواز بێت و مه‌یدان بۆ هاتنی‌ كه‌سانی‌ رووناكبیر بۆ نێو رێبه‌رایه‌تیی‌ خۆش بكات. بۆ ئه‌وه‌ی‌ رێبه‌ریی‌ حیزب بتوانێ‌ به‌ شێوه‌یه‌كی‌ سه‌رده‌میانه‌ وڵامده‌ری‌ پرسیاره‌كان  بێت.

3 ـ هه‌رچی‌ زووتر بۆ گه‌یشتن به‌ كاناڵێكی‌ ته‌له‌ڤزیونی‌ هه‌وڵ بدات، بۆ ئه‌وه‌ی‌ ئه‌م كاناڵه‌ ببێته‌ ئامرازێك بۆ چالاك كردنه‌وه‌ی‌ حیزب‌و تواناكانی‌ تێكۆشه‌رانی‌ نێوخۆی‌ وڵات و ده‌ره‌وه‌ی‌ وڵات.

( پێویسته‌ بزانن كه‌ تیشك تی‌ڤی‌ ده‌یتوانی‌ ئه‌م كاره‌ بكات به‌ڵام مه‌سئولیه‌تی‌ نادرووستی‌ تیشك تا ئێستاش نه‌یهێشتووه‌ ئه‌م ته‌له‌ڤزیۆنه‌ ده‌نگی‌ دیموكرات و خه‌ڵكی‌ بێت.) هیوادارین به‌ شێوه‌یه‌كی‌ جیددی‌ هه‌وڵ بده‌ن كه‌ ببنه‌ جێی‌ شانازی‌ خه‌ڵكی‌ كوردستان.

4 ـ ده‌مانهه‌وێ‌ دیموكرات پێشكه‌وتووترین و پێشكه‌وتنخوازترین حیزب بێت هه‌ر هه‌مووتان یه‌كده‌نگ و ته‌با بن و ئێمه‌ و جیهان بڵێن: حیزبی‌ دیمۆكرات هه‌رگیز نامرێ‌.

5 ـ ده‌مانهه‌وێ‌ دڵنیامان بكه‌نه‌وه‌ كه‌ یه‌ك ده‌نگن و دیسان نامانگرێنن و تووشی‌ خه‌فه‌تمان ناكه‌نه‌وه‌. پێویسته‌ بڵێین چه‌ندین ساڵ چاوه‌روانی‌ هاتنی‌ ته‌له‌ڤزیۆنی‌ دیمووكرات بووین، ئینتیزارتان نه‌بێ‌ كه‌ دووباره‌ به‌و ئه‌ندازه‌یه‌ چاوه‌ڕوان بمێنینه‌وه‌.

ئاوات، له‌لایه‌ن ژماره‌یه‌ك له‌ هه‌واداران و ئه‌ندامانی‌ حیزب له‌ شاری‌ سه‌رده‌شت هه‌رچه‌ند چه‌ندین نوێنه‌ر بۆ لای‌ ئێوه‌ به‌رێ‌ كراون، هیوادارم وڵامی‌ پێویستیان بدرێته‌وه‌ كه‌ ببێته‌ جێی‌ خۆشحاڵی‌ ئێمه‌.

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.