Ö:: راگه‌یاندنی خویندكارانی شاری ره‌به‌ت سه‌باره‌ت به سوكایه‌تی كردن به هونه‌رمه‌ندی

" خویندکارانی شاری ره‌به‌ت"

راگه‌یاندنی خویندكارانی شاری ره‌به‌ت سه‌باره‌ت به سوكایه‌تی كردن به هونه‌رمه‌ندی ناوداری گه‌له‌كه‌مان ماموه‌ستا"قاله‌مه‌ره" له‌لایه‌ن ئیمام جومعه ی شاری ره‌به‌ت
فه‌رهه‌نگ ‌و هونه‌ری هه‌ر گه‌لیک له دیارده هه‌ره به‌رچاوه‌کانی پێشکه‌وتنی ئه‌و گه‌له‌یه‌و هه‌میشه ئاوینه‌ی میژوو و شارستنیه‌تی ئه‌و نه‌ته‌وه بوه که ‌به‌ده‌ستی نوسه‌ران‌
و داهینه‌ران ‌و هونه‌روه‌ران به‌دی‌هاتوه. یه‌کیک له به‌رچاواوترین هونه‌ره‌كانی نه‌ته‌وه‌ی کوردیش موسیقایه که به‌شیکی گه‌وره له ژیاری مروقایه‌تی پیك دینیت. گه‌وره پیاوێك ده‌ڵێ: "بو ناسینی هه‌ر گه‌لیک موسیقای ئه‌و گه‌له بناسه". به‌راستیش ناسینی گه‌لی کورد له پیناو موسیقاكه‌ی دایه، که هه‌ر له‌سه‌ره‌تای ژیانی کورده‌وه هاوریی ژیان‌و به‌شیکی دانه‌براو له ناسنامه‌ی ئه‌و مروقه بوه‌. موسیقا هه‌میشه پیشانده‌ری په‌ژاره‌و ژانه‌کانی ئه‌و گه‌له چه‌وساوه بوه که ‌له کاتی ناخوشی‌دا خوی له ئامیزی به‌سوزی هاویشتوه تاکو هیور بیته‌وه. به‌لی ئه‌و موسیقا ره‌نگینه یه‌کیک له ده‌وڵه‌مه‌ندترین موسیقا که‌له‌پوریه‌کانی جیهانه که به‌ده‌ستی  هونه‌روه‌رانی ئه‌و گه‌له ره‌سه‌نه، بوێرانه و نه‌ترسانه به‌کوێره‌وه‌رێکی زۆر پاراستراوه. شمشاڵ یه‌کێک له‌و سازانه‌یه که تایبه‌ت به کوردستان و گه‌لی کورده‌و هاوده‌می ژانه‌کانی ئه‌و نه‌ته‌وه بوه‌.

یه‌کیک له‌و که‌سانه که به ته‌مه‌نیکی زۆرتر له هه‌شتا ساڵ ژیان به خویی وشمشاله‌که‌ی له‌پیناو ساریژ کردنی زامه‌کانی نه‌ته‌وی کورد تێکوشاوه‌و بی‌وچان له‌ راژه‌کردنی ئه‌و گه‌له‌دا بوه‌و تا ئیستا له چه‌ندان کور‌و کوبونه‌وی نه‌ته‌وه‌یی‌و نیونه‌ته‌وه‌یی له‌کوردستان‌و ولاتانی دراوسه‌ی کوردستان له‌بواری موسیقاوه به‌شداری کردووه، ماموه ستا قاله مه‌ره‌یه که به‌سوزی  بلویره‌‌که‌ی، موسیقای ره‌سه‌نی کوردی به گه‌لی کوردو گه‌لانی‌تر ناساندوه‌. له‌و رییه‌دا کویره‌وه‌ری‌و ده‌ربه‌ده‌ری نه‌ماوه که نه‌یچێژێت‌ و به ‌داخیکی زۆر نه‌ ته‌نها رێزی لێ نه‌گیراوه به‌ڵکو بێ‌‌ریزیشی پێکراوه؛ بۆ وینه له‌ رۆژی چوارشه‌ممه، رێکه‌وتی 22 سه‌رماوه‌زی 1385 له کاتیکدا که راویژکاران‌و شاره‌وانی باژیری ره‌به‌ت له بونیکی شیاو دا بو رێزگرتن له‌و که‌سایه‌تیه مه‌زنه به به‌شداری خۆی کۆرێکیان پێکهینا بوو بۆ دانانی کۆته‌ڵی رێزدار له گوره‌پانیک که هه‌ر به ناوی ئه‌و کراوه‌ته‌وه، له لایه‌ن خه‌لکی ره‌به‌ت پێشوازیه‌کی گه‌رمی لێکرا؛ ئیمام جومعه‌ش به شێوازی تایبه‌ت به‌ خۆی به‌پیری ئه‌و هونه‌رمه‌نده پایه‌به‌رزه‌وه چو‌و و به چه‌ند وشه‌ی ناریک‌و ناشیاو ‌‌‌و دور له که‌سایه‌تی مرۆڤ سوکایه‌تی به‌م که‌سایتیه مه‌زنه کرد و هه‌روه‌ها به‌م شێوازه ناجوانه فه‌رهه‌نگ‌و ژیاری هه‌زاران ساڵه‌ی شاری خۆری (شارستانیه‌تی موساسیر) برده ژێر پرسیار.

ئێمه‌ی خوێندکارانی شاری ره‌به‌ت ئه‌و کاره ناجونمیرانه شه‌ر‌مه‌زار ده‌که‌ین‌و هاواری نارزایه‌تی خۆمان هاوبیر له ‌گه‌ڵ خه‌ڵکی ره‌به‌ت به‌رامبه‌ر به‌و کاره، هه‌ر به‌سوزی بلوێری ماموه‌ستای گه‌وره‌و به‌رێز به گوێی هه‌مو نه‌ته‌وه‌ی کورد ده‌گه‌یینین ‌و داخوازین که ئیمام جومعه‌ی ر‌ه‌به‌ت به زووترین کات به شێوازیکی ئاشکرا داوای لێبوردن له ماموه‌ستای شمشال‌ژ‌ه‌ن بکات.

" خویندکارانی شاری ره‌به‌ت"

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.