Ö:: ڕاگه‌یه‌ندراوێک بۆ بیر و ڕای گشتیی

 

ڕاگه‌یه‌ندراوێک بۆ بیر و ڕای گشتیی
له‌ لایه‌ن زۆرینه‌ی ئه‌ندامانی حیزبی دێموکراتی کوردستان له‌ ئۆسترالیا
هاونیشتیمانیانی به‌ڕێز!
خه‌ڵکی به‌شه‌ره‌فی کوردستان!
ئه‌ندامان و دۆستانی حیزبه‌ خۆشه‌ویسته‌که‌مان!

به‌دوای بڵاوبوونه‌وه‌ی به‌یاننامه‌ی کۆمه‌ڵێک له‌ ئه‌ندامانی ده‌فته‌ری سیاسی و ئه‌ندامان، جێگره‌کان و موشاویرانی کۆمیته‌ی ناوه‌ندی حیزبی دێموکراتی کوردستانی ئێران دا، که‌ به‌داخه‌وه‌ له‌و به‌یاننامه‌یه‌دا ئاماژه‌یان به‌ قبوڵکردنی له‌تبوونی حیزب کردووه‌. له‌ لایه‌ن که‌س یان که‌سانێکه‌وه‌ به‌ مه‌به‌ستی چه‌واشه‌کردنی بیروڕای گشتیی هێندێک هه‌وڵی نه‌شیاو ده‌ستیان پیکردووه‌.

یه‌کێک له‌و هه‌وڵانه‌ بڵاوکردنه‌وه‌ی ڕاگه‌یه‌نراوێکه‌ به‌ناوی کۆمیته‌ی ئوسترالیای حیزبه‌وه‌ که‌ هیچ شه‌رعیه‌تێکی نی‌یه‌، له‌به‌ر ئه‌وه‌ی به‌داخه‌وه‌ له‌ دووساڵ پێش ئیستاوه‌ ئێمه‌ له‌ وڵاتی ئۆسترلیا ئۆرگانێکمان به‌ناوی کۆمیته‌ی ئه‌و وڵاته‌وه‌ نی‌یه‌

ئێمه‌ ڕاده‌گه‌یه‌نین که‌ پشتیوانی له به‌یاننامه‌ی کۆمه‌ڵێک له‌ ئه‌ندامانی ده‌فته‌ری سیاسی و ئه‌ندامان، جێگره‌کان و موشاویرانی کۆمیته‌ی ناوه‌ندی حیزبی دێموکراتی کوردستانی ئێران،‌ درێژه‌ده‌رانی ڕاسته‌قینه‌ی ڕێگای شه‌هیدانی سه‌روه‌رمان قازی و قاسملوو و شه‌ره‌فکه‌ندی ده‌که‌ین و به‌ته‌واوی له‌گه‌ڵیانین.

زۆرینه‌ی ئه‌ندامانی حیزبی دێموکراتی کوردستانی ئێران – ئۆسترالیا

2006-12-07

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.