Ö:: ئاگاداری

حیزبی دێمۆکراتی کوردستانی ئێران. کۆمیته‌ی کارلستاد

ئاگاداری
به‌داخ و که‌سه‌رێکی زۆره‌وه‌ ده‌بێ ڕابگه‌یه‌نین که‌ مام ره‌حمان شکارچی ئه‌ندامی کۆن و پێشمه‌رگه‌ی دێرینی  حزبی دێمۆکراتی کوردستانی ئێران به‌ هۆی نه‌خۆشیه‌کی بێ ئامان له‌ ئێواره‌ی رۆژی سێ شه‌ممه‌ ڕێکه‌وتی 28.11.2006 له‌ وڵاتی سوید شاری شیل دڵی گه‌وره‌و پاکی له‌ لێدان که‌وت و بۆ هه‌تا هه‌تایه‌ ماڵ ئاوایی له‌ گه‌ل و نیستمان کرد.

مام ره‌حمان شکارچی ساڵی 1293 له‌ گوندی ترکه‌شی سه‌ر به‌ ناوچه‌ی به‌ری مێرگانی پیرانشار له‌ بنه‌ماڵه‌یه‌کی هه‌ژارو ده‌ست کورت چاوی به‌دنیای پرله‌ ڕه‌نج و کوێره‌وه‌ری هه‌ڵێناله‌ رۆژگاری ئه‌و کات دا به‌ هۆی بێ ده‌ره‌تانی و هه‌ژاری و بایه‌خ نه‌دانی رێژیم به‌ کوردستان له‌ باری فه‌رهه‌نگیه‌وه‌ که‌م گوندی کوردستان هه‌بوه‌ که‌ ئیمکاناتی خوێندنی، په‌روه‌رده‌و فێرکردنی بۆ دابین کرابێ و خه‌ڵک له‌ نیعمه‌تی خۆ پێ گه‌یاندن له‌ باری زانستییه‌وه بێ به‌ش نه‌بوبن.

بۆیه‌ مام ره‌حمان وه‌ک زۆربه‌ی مناڵانی کوردستان به‌ هۆی باری ناڵه‌باری ماڵیه‌وه‌ به‌ ناچاری، وێرای باوکی هه‌ژاری، له‌شی ناسکی لاوانه‌یی ده‌بێته‌ به‌کاری تاقه‌ت پروکێن بۆ مه‌به‌ستی دابین کردنی بژیوی ژیان و گوزه‌رانی ماڵه‌وه‌یان له‌م سه‌رده‌مه‌دا ده‌رگای قوتابخانه‌ به‌رووی دا نه‌کرایه‌وه‌.

مه‌رحووم پاش تێک چوونی کۆماری کوردستان وبوژانه‌وه‌ی ته‌شکیلاتی حیزبی دێمۆکرات وه‌ک لاوێکی خوێن گه‌رم و گه‌ل دۆست و نیشتمان په‌روه‌ر له‌ ساڵی 1327 په‌یوه‌ندی به‌ ریزه‌کانی ته‌شکیلاتی نه‌هێنی حیزبه‌وه‌ ده‌گرێ و وه‌ک ئه‌ندامێکی چالاک و هه‌ڵسوور، وه‌ک ئه‌ڵقه‌ی به‌هێزی په‌‌یوه‌ندی نێوان رێکخراوه‌کان و شانه‌کانی ته‌شکیلات وه‌ ئه‌ستۆ ده‌گرێ و زۆربه‌ی کاره‌کانی په‌یوه‌ندی راسته‌وخۆیان له‌ گه‌ڵ کادرو به‌رپرسه‌کانی وته‌شکیلاتی ئه‌وکات ده‌بێ و له‌ سنووری کارو چالاکیه‌کانی سیاسی و ته‌شکیلاتی خۆی دا زۆر به‌دڵ سۆزیه‌وه‌ ئه‌رکه‌کانی حیزبی خۆی به‌رێوه‌ ده‌با.

مام ره‌حمان له‌ ساڵی 1997 ئاواره‌ی و په‌ریوه‌ی هه‌نده‌ران بوو و له‌ وڵاتی سوید شاری شیل له‌ گه‌ڵ بنه‌ماله‌که‌ی نیشته‌جێ بوون.

مام ره‌حمان له‌ ژیانی غوربه‌ت و ئاواره‌ییش دا دڵی بۆ ئازادی و رزگاری گه‌له‌ به‌شخوراوه‌که‌ی لێده‌داو زۆر به‌ سه‌رنجه‌وه‌ گوێ بیسی ده‌نگ و باس و ئه‌م روداوانه‌ بو که‌ په‌یوه‌ندی راسته‌وخۆیان به‌ بارودۆخی ئه‌م رۆی کوردستانه‌وه‌ هه‌بوه.

جارێکی تر هه‌زاران سڵاو ده‌نێرین بۆ گیانی پاکی مام ره‌حمان شکارچی و هه‌موو ڕێبوارانی ڕێگای ئازادی و سه‌ربه‌ستی کوردستان.

سه‌ری ڕێزوو نه‌وازش ووه‌فاداری داده‌نوێنین له‌ ئاست خه‌بات و تێکۆسان و ماندو نه‌ناسی ئه‌م مرۆڤه‌ به‌رزه‌ و ئینسان دۆسته‌ .‌

‌حیزبی دێمۆکراتی کوردستانی ئێران. کۆمیته‌ی کارلستاد


وه‌ک به‌رێوه‌به‌ری ماڵپه‌ری گیاره‌نگ له‌ ناخی دڵه‌وه‌ سه‌ره‌خۆشی له‌ بنه‌ماڵه‌ و که‌س و کاری کاک محه‌ممه‌د شکارچی ده‌که‌م و خۆم به‌ شه‌ریکی خه‌می له‌ ده‌ستچووی باوکتان ده‌زانم و هیوای ته‌مه‌ن درێژیتان بۆ به‌ ئاوات ده‌خوازم

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.