Ö:: ڕاپۆرتی سیمیناری کۆمیته‌ی سوئێدی حیزبی دێموکڕاتی کوردستان- ئێران

حیزبی دێموکراتی کوردستان – ئێران کۆمیته‌ی سوئێد

سیمیناری کۆمیته‌ی سوئێدی حیزبی دێموکڕاتی کوردستان- ئێران
بۆ به‌ڕێزان کاک خالید عه‌زیزی و کاک ئه‌حمد عه‌زیزی
له‌ سه‌ر له‌ت بوونی حیزبی دێموکڕاتی کوردستانی ئێران

کاتژمێر 3 و نیوی پاش نیوه‌ڕۆی رۆژی یه‌ک شه‌ممه ‌ 17/12/2006ی زایینی سمینارێک سه‌باره‌ت به‌ هۆکاره‌کانی له‌ت بوونی حیزبی دیموکڕاتی کوردستانی ئێران له‌ لایه‌ن کۆمیته‌ی سویدی حیزبی دیموکڕاتی کوردستان- ئێران بۆ به‌ڕێزان کاک خالید عه‌زیزی و کا‌ک ئه‌حمدی عه‌زیزی له‌ ساڵۆنی ‌
Husbyträff له‌ ستۆکهۆڵم، پێک هات.

 سیمیناره‌که‌ به‌ ده‌قیقه‌یه‌ک بێ‌ده‌نگی راگرتن بۆ گیانی پاکی شه‌هیدانی حیزب‌و گه‌له‌که‌مان ده‌ستی به‌ کاری خۆی کرد. پاشان کاک ره‌حیم محه‌ممه‌دزاده‌ له‌ لایه‌ن کۆمیته‌ی سوئێدی حیزبی دێموکڕاتی کوردستان- ئێران، وێڕای پیرۆزبایی 26ی سه‌رماوه‌ز رۆژی پێشمه‌رگه‌ی کوردستان له‌ هه‌موو به‌شدارانی سیمینارکه‌، به‌ ناوی کۆمیته‌ی سوئێده‌وه‌ به‌خێرهاتنی ئاراسته‌ی به‌شداربووه‌کان کرد. له‌وسمیناره‌دا  کاک خالیدی عه‌زیزی له‌سه‌ر هۆکاره‌‌کانی له‌ت بوونی حیزب ‌و پلان و به‌رنامه‌ی کار و تێکۆشانی حیزبی دیموکڕاتی کوردستان- ئێران له ‌ژێر رۆشنایی هێڵه‌ گشتییه‌کاندا به‌ وردی بۆ به‌شدارانی سیمیناره‌که دوا، پاشان کاک ئه‌حمه‌دی عه‌زیزیش له‌ وتارێکی زانستیدا به‌ درێژه ‌باسی قه‌یرانه‌کانی ناوخۆیی و هۆکاریه‌کانی پێک هێنانی ئه‌و وه‌زعه‌ و ڕێگا چاره‌کانی کرد.‌

جێگای ئاماژه‌ پێکردنه‌ که‌ نزیک به‌ 300 که‌س که‌ له‌ نێو ئه‌واندا نوێنه‌ری زۆربه‌ی ڕێکخراوه‌ کوردستانییه‌کان ته‌شریفیان هه‌بوو،  به‌شداری سێمیناره‌که‌ بوون. 
دوای پشوویه‌ک چه‌ند که‌س له به‌شداران سرنج و پێشنیار و پرسیاری خۆیان هێنایه‌ به‌ر باس. دوابه‌شی سمینار ته‌رخان کرابوو بۆ وڵام دانه‌وه‌ به‌ پرسیاری به‌شداران له‌ لایه‌ن کاک خالید عه‌زیزی و کاک ئه‌حمه‌د عه‌زیزی‌یه‌وه‌.
له‌ ماوه‌ی سمیناره‌که‌دا که‌ناڵی ئاسمانی رۆژهه‌ڵات تێ‌ڤێ به‌ فیلم هه‌ڵگرتن‌ و رێپۆرتاژ ئاماده‌ کردن به‌شداری ڕیوڕه‌سمه‌که‌ بوون که‌ سوپاسی زه‌حمه‌ته‌کانیان ده‌که‌ین.
سمیناره‌که‌ سه‌عات 6ی ئێواره‌ کۆتایی پێ هات.

بۆ جارێکی دیکه‌ش به‌ ناوی کۆمیته‌ی سوئێدی حیزبی دێموکراتی کوردستان- ئێران سوپاسی هه‌موو ئه‌و  ڕێکخراو وکه‌سایه‌تیانه‌ ده‌که‌ین که‌ له‌و سیمیناره‌دا به‌شداریان کرد. هه‌روه‌ها سوپاس بۆ کاک خالید عه‌زیزی ‌و کاک ئه‌حمه‌د عه‌زیزی که‌ زۆر سه‌رکه‌وتوانه‌ سیمیناره‌که‌یان به‌ڕیوه‌ برد..

حیزبی دێموکراتی کوردستان – ئێران

کۆمیته‌ی سوئێد 2006/12/18















 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.