Ö:: ئه‌ی چاو ...!!!

نووسینی: خالید شه‌یدا

ئه‌ی چاو ...!!!
شه‌رم مه‌كه له‌ ڕوخسارم
من هه‌ر كه‌سه‌كه‌ی جارانم
كه‌ فرمێسكت بۆ ده‌ڕێشتم
له‌ دڵت دا ده‌بووه‌ زامی عه‌شق
بۆیه‌ ڕوخسارت ڕه‌نگی
عه‌شقی منی گرتبوو
ئێستاش دڵی به‌ وه‌فات
نازانم بۆ گۆڕاوه
به‌م شێوه‌یه‌ لێم ده‌ڕوانی
هه‌ر وه‌كوو نه‌مت دیوه‌ و
نه‌ ده‌مناسی ....
له‌ بیرت چوو
له‌ ڕۆژگاری هه‌موو ژوانه‌كانمان
كاتمان چۆن به‌سه‌ر ده‌برد
دار و دره‌خت نه‌ماوه‌
ڕه‌نگی من و تۆی نه‌گرتبێ
ئه‌وه‌ندی له‌ ژێری دانیشتووین
جێگای په‌نجه‌ی من و تۆی پێوه‌ نه‌بێ
گه‌ڵاكانیش له‌ ده‌فته‌ری
ڕۆژانی ته‌مه‌نیان نووسیویانه‌
شایه‌دحاڵن باش ده‌یزانن
شۆسته‌ نی یه‌ نه‌مان ناسێ
ئه‌وه‌ندی پیایدا ڕۆیشتووین
ئه‌گه‌ر سه‌یری گلۆپه‌كانی
سه‌ر جاده‌كه‌ی
ئه‌وانیش وێنه‌یان گرتووین
وێنه‌ی هه‌ر دووكمانی تێدا دیاره‌
قه‌ت له‌ به‌ر چاوان وون نابێ
گوڵ نه‌ماوه‌ له‌ قژ و په‌رچه‌مت نه‌دابێ
یان بۆنی ویت نه‌گرتبێ
ئه‌وه‌ندی من بۆم هێناوی
ئه‌گه‌ر جارێكی تر
به‌ به‌رده‌میان دا ڕه‌ت ببی
باش ده‌تناسنه‌وه‌
چونكه‌ بۆنی قژ و په‌رچه‌مت
له‌ وان ده‌چێ
له‌ بیرت چوو جار و باریش
كه‌ له‌ ته‌كما دانیشتبووی
له‌ شه‌رمانه‌ له‌رزت ده‌گرت
كه‌ تازه‌ منت ناسیبوو
وه‌كوو ئه‌وه‌ی كه‌ سه‌رمات بێ
منیش ناچار وه‌كوو
منداڵیكی ساوا
ده‌مگرتیه‌ ئامێز و ده‌مهه‌ژاندی
ئیتر به‌سه‌ ، شه‌رمی ناوێ
شه‌رم مه‌كه‌ له‌ ڕوخسارم
من هه‌ر ئه‌و كه‌سه‌ی جارانم
تاكوو ئێستاش وه‌كوو جاران
له‌ دڵه‌وه‌ نه‌گۆڕاوم....

نووسینی: خالید شه‌یدا

هانۆڤه‌ر
 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.