Ö:: نامه‌یه‌ک له‌ هونه‌رمه‌ند نیاز شه‌یداوه‌: بۆ سه‌رجه‌م تێکۆشه‌رانی حزبی دیموکراتی کوردستان

نووسینی: نیاز شه‌یدا

سڵاو
نامه‌یه‌ک له‌ هونه‌رمه‌ند نیاز شه‌یداوه‌: بۆ سه‌رجه‌م تێکۆشه‌رانی حزبی دیموکراتی کوردستان
سه‌روه‌ران پاش سڵاوم بۆ یه‌ک به‌یه‌کی هه‌موولایه‌کتان، حه‌زم کرد ڕوونکردنه‌وه‌یه‌ک بده‌م.
من وه‌ک گۆرانی بێژێ له‌لایه‌ن کۆمیته‌ی فینله‌نده‌وه‌ بانگهێشت کراوم، بۆ به‌ڕێوه‌بردنی جه‌ژنی ڕێبه‌ندان و یادی 61 ساڵه‌ی دامه‌زراندنی کۆماری کوردستان. نه‌ک له
‌لایه‌ن که‌سێکی تایبه‌ته‌وه‌، بۆ ئه‌وه‌ی گۆرانی به‌سه‌ر مامۆستا ( عه‌بدوڵای حه‌سه‌ن زاده‌ ) دا بڵێم.

ئه‌وه‌ دووپات ده‌که‌مه‌وه‌ من له‌لایه‌ن هیچ که‌سێکه‌وه‌ پێم ڕانه‌گه‌یه‌ندراوه‌ گۆرانی بۆ مامۆستا بڵێم به‌ڵکو خۆم به‌ ڕه‌زامه‌ندی خۆم گۆرانیم گوتووه‌و ته‌نها ته‌نها به‌سه‌ر مامۆستاشدا نه‌م گوتووه‌ به‌ڵکو به‌سه‌رجه‌م تێکۆشه‌رو ڕابه‌ره‌کانی کورددا گوتوومه.

بۆ نمونه‌ گۆرانی موباره‌ک موباره‌کبێ یه‌کگرتن شاهیدی ئه‌م ڕاستحاڵیه‌م بۆ ده‌دات. که‌ به‌سه‌ر سه‌رجه‌م تێکۆشه‌ران و قاره‌مانانی گه‌له‌که‌ماندا گوتوومه‌.

ئاماده‌یشیم تێدایه‌، هه‌رکه‌سێک بۆ ته‌نها ڕۆژێک پێشمه‌رگه‌ بووبێت و تێکۆشه‌ر بوبێت، بۆ ڕزگاری کوردستان، من ئاماده‌م له‌ گۆرانی و هۆنراوه‌کانمدا یادی به‌رز ڕاگرم و ناوی به‌سه‌ر بکه‌مه‌وه‌، چونکه‌ من خۆم به‌ هونه‌رمه‌ندێکی هه‌ر چوار پارچه‌ی کوردستان ده‌زانم و ئاماده‌م له‌ خۆشی و شادی و هه‌موو بۆنه‌و جه‌ژنه‌کانی هه‌موو حزب و پارته‌کاندا به‌شداربم به‌ شانازییه‌وه‌. هیواشم ڕزگار بونی کورستان و ئازادی سه‌رتاسه‌ری کوردستانه‌.

له‌گه‌ڵ ڕێزم،

نووسینی: نیاز شه‌یدا...

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.