Ö:: په‌یامی پشتیوانی کۆمیته‌ی سویسی حیزبی دێموکڕاتی کوردستان- ئێران

کۆمیته‌ی سویسی حیزبی دێموکڕاتی کوردستان- ئێران

په‌یامی پشتیوانی کۆمیته‌ی سویسی حیزبی دێموکڕاتی کوردستان- ئێران
هه‌روه‌ک له‌ ڕاگه‌یاندراوه‌ گشتیه‌کاندا هاتووه‌، هه‌واڵمان پێگه‌یشت که‌ بنه‌ماڵه‌یه‌کی کوردی په‌ناخواز له‌ وڵاتی سویس به ‌ناوی خالیدی ئه‌میری هاوڕێ له‌ گه‌ڵ تێکڕای ئه‌ندامانی خێزانه‌که‌ی که‌ ماوه‌ی 3 ساڵه‌ وه‌ک هه‌زاران کوردیی ئێرانی له‌ده‌ست زوڵم و زۆر و نابه‌رابه‌ری ڕێژیمی ترۆریستپه‌روه‌ری کۆماری ئیسلامی به‌ هۆی هه‌بوونی کێشه‌ی سیاسی و په‌یوه‌ندی له‌ گه‌ڵ پارتێکی سیاسی کوردی که‌ تێکۆشانی ئاشکرای له‌ ناو خۆی ئێران قه‌ده‌غه‌ ڕاگه‌ییاندراوه‌ و ته‌نانه‌ت له‌ ده‌ره‌وه‌ی ئێرانیش ئه‌ندامان و لایه‌نگرانی ده‌درێنه‌ به‌ر هێڕشی دڕندانه‌ی ده‌ستی سنوربه‌زێن و خه‌ڵک له ‌خوێن گه‌وزێنی ترۆریستی ڕێژیمی ئاخوندی، ڕای کردووه‌ و داوای سه‌ره‌کیترین مافی ئینسانی خۆی واته‌ مافیی په‌نابه‌ریی له‌ وڵاتی سویس  کرووه‌ ‌که‌ هه‌ر له‌و وڵاته‌ واته‌ سویس کۆڵه‌که‌ی بینای به‌شه‌ردۆستی و مافی په‌نابه‌ری بۆ گشت دنیا چه‌قاوه‌، به‌ڵام به‌داخه‌وه‌ به‌پێچه‌وانه‌ی پرنسیبه‌ به‌شه‌ردۆسته‌کان و کنوانسیون 1951 ژنێف بۆ چه‌نده‌مین جاره‌ داواکاریه‌که‌یان له‌ لایان ئیداره‌ی په‌نابه‌ری وڵاتی ناوبراوه‌وه‌ ڕه‌دکراوه‌ته‌وه‌، نه‌ک له‌مافی خۆیان له‌ وڵاتی سویس که‌ مافیی په‌نابه‌رییه‌ بێبه‌ش کراون، به‌ڵکوو به‌داخه‌وه‌ وڵاتی سویس به‌ هه‌ره‌شه‌ی ناردنه‌وه‌یان بۆ وڵاتێکی وه‌ک ئێران که ڕێژیمه‌که‌ی ‌له‌ ڕیزی پێشه‌وه‌ی پێشیلکارانی مافی مرۆڤ و ئه‌نجامده‌رانی سزای ئێعدام و گه‌وره‌ ترۆریست و پاڵپشتی پته‌وی ترۆریستی نێوده‌وڵه‌تییه‌ مافی ژیانی ئاسایشیان ده‌خرێته‌ ژێر هه‌ڕه‌شه‌وه‌.

هه‌ربه‌م بۆنه‌یه‌وه‌ کۆمیته‌ی سویسی حیزبی دێموکراتی کوردستان- ئێران پشتیوانی به‌شه‌ر دۆستانه‌ی خۆی  له‌ کاک خالید ئه‌میری و بنه‌ماڵه‌که‌ی ڕاده‌گه‌ێنێ و جێبه‌جێکردنی ئه‌و بڕیاره‌ی وڵاتی سویس ئیدانه‌ ده‌کا و دژ به‌ هه‌ر پرنسیب و ئیدعا و یاسایه‌کی مرۆڤ دۆستی‌ و کنوانسیون 1951 ژنێفی ده‌زانێ. هه‌روها داو له‌ وڵاتی سویس ده‌کا که‌ چاو به‌سه‌ر بڕیاری دراو له‌سه‌ر دۆسیه‌ی ناوبراودا بخشێنێته‌وه‌.

کۆمیته‌ی سویسی حیزبی دێموکڕاتی کوردستان- ئێران

سویس 09 ـ 01 ـ 2007

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.