Ö:: پشتیوانی ئه‌ندامانی شاری بۆرۆسی سوئێد له‌ حیزبی دێموکراتی کوردستا

حیزبی دێموکراتی کوردستان- ئێران

پشتیوانی ئه‌ندامانی شاری بۆرۆسی سوئێد له‌ حیزبی دێموکراتی کوردستان
له‌ درێژه‌ی ریزه چالاکییه‌کانی کۆمیته‌ی یوتۆبۆری سوئێد، سه‌رنجتان بۆ ئه‌م ڕاپۆرته‌ی خواره‌وه ڕاده‌کێشین.
ڕۆژی یه‌ک‌شه‌ممه‌ ڕێکه‌وتی 14/1/2007 ی زایینی هه‌یئه‌تیکی پێکهاتوو له‌ به‌ڕێزان نه‌به‌ز عه‌لیدۆست ئه‌ندامی هه‌یئه‌تی ئیجڕایی کۆمیته‌ی سوئێد، به‌ یاوه‌ری هاورێیان محیه‌دین‌خان ئه‌حمه‌دی به‌رپرسی کۆمیته‌ی یۆتۆبۆری،هاوڕێ به‌همه‌ن بابامیری ئه‌ندامی کۆمیته‌ی یوتۆبۆری و هاوڕێ شوانه‌ جوانمێری ئه‌ندامی ده‌سته‌ی به‌ڕێوه‌به‌ریی یه‌کییه‌تی لاوان به‌ مه‌به‌ستی دیدارو چاوپێکه‌وتن له‌گه‌ڵ هاوڕێیانی حیزبی دانیشتووی شاری‌بۆرۆس سه‌ردانی ئه‌و شاره‌یان کردو له‌ لایه‌ن ئه‌ندامانی حیزب له‌و شاره‌ به‌ گه‌رمی پێشوازیان لێکرا.

سه‌ره‌تا کۆبونه‌وه‌که‌ به‌ ده‌قیقه‌یه‌ک بێده‌نگی بۆ ڕێزگرتن له‌گیانی پاکی شه‌هیدانی سوورخه‌ڵاتی حیزب و گه‌له‌که‌مان ده‌ستی پێ کرد. پاشان هاورێ ئازاد سوله‌یمانی ئه‌ندامی ده‌سته‌ی به‌ڕێوه‌به‌ریی یه‌کییه‌تی لاوان له‌ ده‌ره‌وه‌ی وڵات و به‌رپرسی یه‌کییه‌تی کوردان له‌ شاری بۆرۆس هه‌یئه‌تی حیزبی به‌ خێرهێنا.

له‌درێژه‌ی کۆبوونه‌وه‌که‌دا هاورێمان نه‌به‌ز عه‌لیدۆست ئه‌ندامی هه‌یئه‌تی ئیجڕایی کۆمیته‌ی سوئێد باسێکی به‌نرخی له‌سه‌ر دووله‌ت‌بوونی حیزبی دێموکڕاتی کوردستانی ئێران پێشکه‌ش به‌ به‌شدارانی کۆبوونه‌وه‌کردو تیشکی خسته‌سه‌ر هۆیه‌کانی له‌ت‌بوونی حیزب.دواتر هاوڕێیان کاک محیه‌دین ‌خان‌ئه‌حمه‌دی و کاک به‌همه‌ن‌بابامیری هه‌ر‌کامه‌یان به‌ نۆره‌ی خۆی ئاماژه‌یان به‌ وه‌زعی له‌ت‌بوونی نه‌خوازراوی حیزب کرد.

له‌دوای پشوودانێک، ئه‌ندامانی حیزبی دانیشتووی شاری بۆرۆس زۆر چالاکانه‌ به‌شداری باسه‌کان بوون و به‌ئاراسته‌کردنی ڕاو بۆچوونه‌کانیان و هه‌روها ڕه‌خنه‌و پێشنیاری دڵسۆزانه‌و به‌ هێنانه‌گۆڕی کۆمه‌ڵێک پرسیار له‌مه‌ر بارودۆخی داسه‌پاو به‌سه‌ر حیزبدا ئه‌کتیو بوونی خۆیان نیشاندا.دیاره‌ وه‌ڵامی پرسیاره‌کانیان له‌ لایه‌ن کاک نه‌به‌ز عه‌لیدوست درایه‌وه.

دواتر هاورێ شوانه‌ جوانمێری باسێکی کورتی له‌مه‌ر ئه‌و کێشانه‌ی بوونه‌هۆی له‌تبوونی یه‌کییه‌تی لاوان پێشکه‌ش به‌ به‌شداران کرد.

سه‌رئه‌نجام ئه‌ندامانی حیزب له‌ شاری بۆرۆس وێڕای به‌داخبوون له‌ داسه‌پانی له‌تبوونێکی نه‌خوازراو به‌سه‌ر حیزبه‌که‌ماندا، پاش هه‌ڵبژاردنیی به‌رێوه‌به‌ریه‌کی سێ که‌سی بۆڕاپه‌راندنی ئه‌رکه‌ حیزبی و ته‌شکیلاتییه‌کانیان، ئاماده‌یی خۆیان بۆ درێژه‌دانی خه‌بات له‌ریزه‌کانی حیزبی دێموکراتی کوردستاندا دووپات کرده‌وه‌ و به‌لێنیان نوێ کرده‌وه‌ که‌‌ تاسه‌روه‌فاداری ڕێبازی شه‌هیدانی سه‌رکرده‌، نه‌مران پێشه‌وا قازی،قاسملوو شه‌ره‌فکه‌ندی بن.

حیزبی دێموکراتی کوردستان- ئێران

کۆمیته‌ی سوئێد

18 /1/2007

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.