Ö:: به‌ڕێوه‌ چوونی سێمینارێک له‌ تۆرونتوی کانادا

حیزبی دێموکراتی کوردستان

به‌ڕێوه‌ چوونی سێمینارێک له‌ تۆرونتوی کانادا
ڕۆژی یه‌كشه‌ممۆ ڕێکه‌وتی 21 ژانویه‌ی 2007 له‌ سه‌ر داوای کۆمیته‌ی تۆڕۆنتوی کانادا، سمینارێک بۆ هاوڕیان کاک عه‌بدوڵا  سه‌یدا و کاک حه‌سه‌ن حاته‌می، له‌ ساڵۆنی ماڵی کورد له‌ شاری تۆرنتۆ  پێک هات.
سه‌ره‌تا کاک لوقمانی ئه‌مینی، ئه‌ندامی کۆمیته‌ی ڕۆژهه‌ڵاتی کانادای حیزبی دێمۆکڕاتی کوردستان، ‌به‌خێر هاتنی به‌شدارانی کرد و دواتر مه‌به‌ستی کۆبوونه‌وه‌که‌ی ڕاگه‌یاند، که‌ له‌سه‌ر دوو له‌ت بونی (حدکا) و باس له‌ به‌شێک له‌و ئاڵ‌وگۆڕانه‌یه‌ که‌ له‌ (حدک- ئیران) به‌ پێی هێڵه‌ گشتیه‌کان ده‌بێ پێک بێ.

کاک حه‌سه‌نی حاته‌می له‌ سه‌ر هۆیه‌کانی له‌تبوونی حیزب دواو ئاماژه‌ی به‌ پێشێل کردنی بڕیارێکی کۆنگره‌ی 12، له‌لایه‌ن به‌ڕێز کاک مسته‌فا هیجری و هاوقۆله‌کانی کرد، که‌ هه‌وڵدانیان بۆ یه‌کده‌ست کردنی حیزب له‌ کۆنگره‌ی 13 و دوای کۆنگره‌ دابووه‌.

هێنانه‌کایه‌ی خۆیی و ناخۆیی، هه‌ڵپه‌ساردنی جیا بیران، جیاوازی دانان له‌ وه‌رگرتنی پێشمه‌رگه‌و پله‌ دان به‌ کادره‌کان به‌ قازانجی جه‌ناحی، ده‌ستێوه‌ردان له‌ کارو باری ڕێکخراوه‌ سینفی یه‌کانی ژنان و لاوان، ڕی نه‌دان به‌ لێزانان و شاره‌زایان به‌ تیشک تی وی و پێشگیری له‌ خوێندنی کادرو پێشمه‌رگه‌ جیابیره‌کان و...

هه‌روه‌ها له‌ سیاسه‌تی نادروستی ده‌ره‌وه‌ی حیزبی، کاک مسته‌فا و هاوبیره‌کانی ئاماژه‌ به‌ دۆستایه‌تی له‌گه‌ڵ پان ئێرانیسته‌کاندا کرا، که‌ زه‌ره‌ری له‌ قازانجی پتربوو.

گۆڕینه‌وه‌ی نامه‌ له‌گه‌ڵ نه‌زمی ئه‌فشار- ئازه‌ريیه‌کی تاراوگه‌نشین- که‌ له‌ودا هه‌م جوغرافیای کوردستان له‌ لایه‌ن نه‌زمی ئه‌فشار سڕاوه‌ته‌وه‌ و هه‌م سمکۆ وه‌ک : ڕێبه‌رێکی به‌ هێزی به‌ شێک له‌ جوڵانه‌وه‌ی مێژووی گه‌له‌که‌مان، بێ‌رێزی پێکراوه‌ و به‌ "دزو تاڵانچی و قاتڵ" ناوبراوه‌،

هه‌ڵسه‌نگاندی پێش کۆنگره‌ی 10 وله‌ ماوه‌ی کۆنگره‌کانی 11و12و هاوسه‌نگیه‌کانی تێدا پارێزراو هێندێک چاککاری و ڕئفۆرمی تێدا کران، که‌ به‌ گشتی دوو بیرو بۆچوون له‌ حیزب دا بوون هه‌تا پێش له‌تبوون که‌ به‌م شێوه‌یه ‌پێناسه‌ کران؛
1 ـبیروڕاو کرده‌وه‌کانی یه‌کگرتووخوازان

ئه‌لف: وه‌سه‌ریه‌ک خستنه‌وه‌ی بنه‌ماڵه‌ی دێموکرات

ب: ئازادی بیرو ڕا ده‌ربڕین و نوسین له‌ دوای کۆنگره‌ی 10 له‌سه‌ر هه‌موو سیاسه‌ته‌کانی حیزب

پ: پاراستنی سه‌ربه‌خۆیی حیزب له‌ ئاسته‌مترین ڕۆژه‌کانی ژیانیدا

ت: وه‌گه‌ڕخستنه‌وه‌ی یه‌کيةتيى لاوان و په‌ره‌پێدان به‌ تێکۆشانی ژنان

س: ده‌رکردنی گۆڤاری تیشک

ج: ده‌رکردنی بۆڵته‌نی زانیاری بۆ ده‌فته‌ری سیاسی

چ: چالاکىیه‌کانی فیرکردن و مامۆستایه‌تی له‌ ده‌وره‌کانی سیاسی

ح: بڵاو کردنه‌وه‌ی گۆڤاری منداڵان و ژنان

خ: ئیمتیاز دانی زیاتر له‌ قه‌واره‌ی موخالیفان بۆ پاراستنی یه‌کڕیزی حیزب

2 ـ بیروڕاو کرده‌وه‌کانی پاوانخوازان (یه‌کده‌ست خوازان)

ئه‌لف: ناڕازی بوون له‌یه‌کگرتنه‌وه‌ی دوو باڵی حیزب

ب: که‌ڵک وه‌رگرتنی نادروست له‌ ده‌ربڕینی ئازادی بیروڕاو که‌ڵک وه‌رگرتن له‌ ئیحساساتی غه‌ڵه‌تی ناوچه‌گه‌رایی بۆ کۆ کردنه‌وه‌ی ده‌نگی هێزی چه‌پڵه‌!

پ: دژایه‌تی له‌گه‌ڵ فێدرالیسم- که‌ ئه‌گه‌ر دژایه‌تی‌یان له‌گه‌ڵ نه‌کردبا، له‌ کۆنگره‌ی 12 په‌سند ده‌کرا.

ت: زاڵکردنی روانگه‌ی ئه‌منیه‌تی له‌ نێو‌ حیزبدا.

س: خۆ به‌میراتگری شه‌هیدانی ڕێبه‌ر- قازی، قاسملوو و شه‌ڕه‌فکه‌ندی نيشاندان.

کاک عه‌بدوڵلا سه‌یدا  له‌ سه‌ر هێڵه‌ گشتیه‌کان و ڕێبازی نوێی حیزبی دێمۆکڕاتی کوردستان دوا.

ئازادی به‌یان و ده‌ربڕینی بیروڕای بۆ به‌شداران شی کرده‌وه‌ که‌ یه‌کێک له‌ گرنگترین خاڵه‌کانی  تێکۆشانی هه‌ر مرۆڤێکی ئازاد بیر و کۆمه‌ڵێکه‌ که‌ بۆ دابین کردنی ئازادی و دێمۆکراسی خه‌بات ده‌کا و تێده‌کۆشێ.

له‌ درێژه‌ی قسه‌کانی‌دا له‌و زه‌مینه‌دا وتی: هه‌ڵبژێردراوی زۆرایه‌تی رێبه‌ری کۆنگره‌ی 13 نه‌ ته‌نیا هه‌وڵی بۆ ئه‌م خاڵه‌ گرینگه‌ نه‌دا به‌ڵکوو له‌ سه‌ر ده‌ربڕینی  بیروڕا، که‌سانی وه‌ک به‌ڕێزان کاک ئه‌حمه‌د عه‌زیزی هه‌ڵپه‌سێردران و دوا تر که‌سانی دیکه‌ش وه‌ک رێزدار کاک جه‌لیل گادانی بێ‌رێزیشی پێکرا.

خه‌بات به‌ دژی کۆماری ئیسلامی ئیران وه‌ک سه‌ره‌کی ترین دوژمنی نه‌ته‌وه‌که‌مان، بۆ ئێمه‌ گرینگترین مه‌سه‌له‌ی تێکۆشانی سیاسی یه‌ و له‌وه‌ به‌دوا ئه‌و تواناو هێزه‌ی له‌ نێوخۆی حیزب دا به‌ کێشه‌ نێوخۆيىیه‌کانه‌وه‌ سه‌رقاڵ ببوو، ئازاد ده‌کرێ بۆ خه‌بات له‌ گه‌ڵ دوژمنانی نه‌ته‌وه‌که‌مان.

ناوبراو ئاماژه‌ی به‌وه‌کرد که‌: یه‌کێک له‌و مه‌به‌ستانه‌ی که‌ ده‌بێ هه‌نگاوی بۆ هه‌ڵبگیرێ، پێک هێنانی شیوه‌یه‌ک هاوکاری و هاو خه‌باتی له‌ نێو حیزب و ڕێکخراوه‌ سیاسیه‌کان و که‌سایه‌تی و تێکۆشه‌ره‌ ناسراوه‌کانی گه‌له‌که‌مان له‌ ڕۆژهه‌ڵاتی کوردستان؛ که‌ له‌ ژێر هه‌ر ناوێک و به‌ ته‌وافقی هه‌مولایه‌ک بێ. له‌سه‌ر ئه‌و ئه‌ساسه‌ له‌ (حدکا) داواکرا که‌ به‌ جێگای که‌ڵک وه‌رگرتن له‌ کرده‌وه‌ی توندوتیژی فیزیکی، ئه‌گه ر بڕوایان به‌ پۆلۆرالیزمی سیاسی هه‌یه‌ و به ‌کرده‌وه‌ هه‌ست به‌  دروستکردنی یه‌کیه‌تییه‌ک له‌ نێوان هێزه‌ سیاسی‌یه‌کان له‌ رۆژهه‌ڵاتی کوردستان ده‌که‌ن، ڕێگای هاوکاری و هاو خه‌باتی له‌ گه‌ڵ (حدک)و هه‌مو تیکۆشه‌رانی ڕێی ئازادی و مافی نه‌ته‌وایه‌تی بگرێته‌ به‌ر.

له‌سه‌ر ئه‌و ئه‌ساسه‌ که‌ له‌ هێڵه‌ گشتییه‌کاندا ده‌ڵێین:"کوردستان یه‌ک وڵاته‌ و کورد یه‌ک نه‌ته‌وه‌یه‌، دابه‌ش کراون"
دروست کردنی هاوپه‌یمانیه‌کی کوردی له‌ نێوان هه‌موو هێزه‌ سیاسییه‌کانی کورد به‌ پێویستی‌یه‌کی سه‌ره‌کی خه‌باتی رزگاریخوازانه‌ی کورد ده‌ژمێردرێ. کورد بۆ ئه‌وه‌ی بتوانێ له‌ دنیای ده‌ره‌وه‌، بۆ هێنانه‌ به‌رباسی ویست و داخوازی‌یه‌کان و مافی نه‌ته‌وه‌ی کورد به‌ یه‌ک زمان قسه‌ بکا، یه‌که‌م هه‌نگاو پێویستی به‌و هاوپه‌یمانه‌تی‌یه‌ هه‌یه‌. دوای ئه‌و باسانه‌، چه‌ندین که‌س له‌ به‌شداران به‌ هێنانه‌ گۆڕی پرسیار و ده‌ربڕینی  بیروڕای خۆیان له‌و  پێوه‌ندی‌یانه

دا چالاکانه‌ له‌ باسه‌کاندا به‌شداری‌یان کرد و وه‌ڵامی پێویست به‌ پرسیاری به‌شداران درایه‌وه‌.

حیزبی دێموکراتی کوردستان

کۆمیته‌ی رۆژهه‌ڵاتی کانادا 22-1-2007



 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.