Ö:: چیرۆکی کورته‌بنه‌کان‌و درێژه‌کان

وه‌رگێڕانی: که‌ریم تاقانه

چیرۆکی کورته‌بنه‌کان و درێژه‌کان
نووسینی: سید ابراهیم نبوی
وه‌رگێڕانی: که‌ریم تاقانه
ـ له‌مه‌ولا هه‌موو ده‌بێ وه‌ک یه‌ک
بن..
خه‌ڵک ناچار بوون که سمێڵیان ئه‌وه‌نده بێڵنه‌وه تا ده‌گاته سه‌ر سینگیان.
دوای ئه‌وه، کوڕانی قۆزو خۆش‌تیپ نیگه‌ران بوون و شۆڕشیان کردو گوتیان:
-
له‌مڕۆ به‌دواوه‌ هه‌مووان ده‌بێ سمێڵ بتاشن و مووی سه‌ر بێڵنه‌وه به‌شێوه‌یه‌ک بگاته نێو شان..  ئه‌مجاره‌یان ده‌لاکه‌کان نیگه‌ران بوون و شۆڕشیان کردو گوتیان:
ـ هه‌موو ده‌بێ مووی سه‌ر چاک بکه‌ن و ده‌سکاریی ڕیش نه‌که‌ن به‌شێوه‌یه‌ک تا ده‌گاته سه‌ر ناوکه!..
ـ له‌به‌ر چی له مه‌مله‌که‌ت‌دا ئه‌منییه‌ت نییه؟
ده‌سه‌ڵاتداران هه‌موویانیان خسته زیندانه‌وه‌و.. بۆ ئه‌وه‌ی بیسه‌لمێنن که ئه‌منییه‌ت هه‌یه، چه‌ند که‌سێکیان لێ‌زیندوو هێشتنه‌وه..

سه‌رچاوه:
قصه کوتوله‌ها و درازها، نوشته سید ابراهیم نبوی
نووسینی: سید ابراهیم نبوی
وه‌رگێڕانی له فارسییه‌وه: که‌ریم تاقانه 


ڕاستییه‌كان. وه‌رگێڕانی: که‌ریم تاقانه

1] مشک په‌روه‌نده‌کانی خوارد، پشیله‌ مشکه‌ی خوارد، سه‌گ پشیله‌ی خوارد، کارمه‌ندانی شاره‌وانی سه‌گه‌یان ده‌رمانداو کرد، شاره‌وان به‌ تاوانی دزی و گه‌نده‌ڵی ده‌سگیر کرا، مشکه‌کان په‌روه‌نده‌ی شاره‌وانییان خوارد.

2] مشکێک پاش بیست ساڵ هه‌ڵاتن، ڕۆژێک له‌ ڕاکردن ڕاوه‌ستا و پێنج ده‌قیقه بیری کرده‌وه‌، پشیله‌یه‌ک خواردی.

3] کابرایه‌کی واقیعی بوو، هه‌میشه له‌ به‌رامبه‌ر ئاوێنه‌دا هه‌ستی به‌ ناڕاحه‌تی ده‌کرد.

4] به‌خت یارت بوو که عه‌شق چاوانتی کوێر کرد ئه‌گینا ناچار بووی واقیعی پیسی ژیان ببینی.

5] ڕۆژێکیان عوبێد زاکانی به ئیره‌ج میرزای گوت: "زۆر چاک بوو ئێمه له کاتی خۆیدا مردین."

6] مرۆڤێکی هه‌ژار و کڵۆڵ خه‌ونی باشی دیت، چیدی له‌ خه‌و هه‌ڵنه‌ستا.

7] کابرایه‌کی شۆڕشگێڕ بیست ساڵ له زینداندا بوو. پاش سه‌رکه‌وتنی شۆڕش له‌به‌رئه‌وه‌ی شاره‌زایی له هیچ کارێکدا نه‌بوو، بوو به سه‌رۆکی زیندان!

8] کابرایه‌ک ئه‌وه‌نده‌ی درۆشم دا، قوڕگی گیرا و ده‌نگی نووسا، بۆیه سیاسه‌تی بێده‌نگیی هه‌ڵبژارد.

9] مرۆڤێک وای بیر ده‌کرده‌وه که هه‌موو دنیا دوژمنیه‌تی؛ بردیان و ته‌واوی خه‌ڵکی دنیایان پێ پیشان دا. دیتی هیچ کامیان ناناسێ!

10] که ته‌مه‌نی 20 ساڵ بوو، تیرۆریست بوو،
که بوو به 25 ساڵ، بوو به ئانارشیست،
که بوو به 30 ساڵ، بوو به ئینسانێکی توندڕه‌و،
که بوو به 35 ساڵ، بوو به میانه‌ڕه‌و،
له ته‌مه‌نی 40 ساڵی‌دا، بوو به لیبرال،
که بوو به 45 ساڵ، بوو به کۆنه‌پارێز،
له ته‌مه‌نی 50 ساڵیدا بوو به لایه‌نگیری "ئیستیبداد" و سه‌ره‌ڕۆیی،
له ته‌مه‌نی 55 ساڵیدا له هه‌وڵێکی تیرۆریستی، به‌ده‌ستی تیرۆریستێکی 20 ساڵانه کوژرا.
11]
جاری وا هه‌یه خه‌ڵکی وڵاتێک هێنده نه‌جیب و پاک و شه‌رمنن که هه‌تا له ڕوویان هه‌ڵبێ و به سه‌رۆکه‌کانی وڵاته‌که‌یان بڵێن، بچۆ ئه‌و لاوه و واز بێنه‌، ده ساڵ ده‌خایه‌نێ.
سه‌رچاوه:
قصه کوتوله‌ها و درازها
نووسینی: سید ابراهیم نبوی
وه‌رگێڕانی: که‌ریم تاقانه

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.