:: وه‌درۆخستنه‌وه‌ی هه‌واڵێکی "کوردستان مێدیا" له‌ لایه‌ن خالید عه‌زیزی‌

خالید عه‌زیزی‌

وه‌درۆخستنه‌وه‌ی هه‌واڵێکی "کوردستان مێدیا" له‌ لایه‌ن خالید عه‌زیزی‌

له‌ ڕێکه‌وتی 2007/01/09 دا، سایتی "کوردستان مێدیاKurdistanmedia " هه‌واڵیکی له‌ ژێر ناوی " به‌یانیه‌ی چه‌ند که‌سێکی به‌شدار له‌ کاروباری سیاسی به‌ بۆنه‌ی قه‌یرانی نه‌بوونی سووته‌مه‌نی له‌ کوردستان دا" بڵاوکردۆته‌وه و ناوی منیشی وه‌ک که‌سێک که‌ به‌یانیه‌که‌ی ئیمزا کردوه‌، هێناوه‌.

له‌وپێوه‌ندی‌یه‌ دا ڕاده‌گه‌یه‌نم که‌:

1.       من به‌ هیچ شێوه‌یه‌ک ئاگام له‌ بڵاوبوونه‌وه‌ی ئه‌و به‌یانیه‌یه‌ نه‌بووه‌ و دیاره‌ ئه‌و نامه‌یه‌شم ئیمزا نه‌کردوه‌. که‌ وا بوو ئه‌و هه‌واڵه‌ی "کوردستان مێدیا" له‌ پێوه‌ندی له‌ گه‌ڵ ناو و ئیمزای من له‌و به‌یانیه ‌دا ته‌واو ناڕاست و درۆیه.

2.       نووسه‌ری هه‌واڵی "کوردستان میدیا"، بێ ئه‌وه‌ی ئاماژه‌ به‌ سه‌رچاوه‌ی ئه‌م به‌یانیه‌یه‌‌ بکا و بنووسێ له‌ چ جێگه‌یه‌ک وه‌ریان گرتوه‌، هه‌ر وه‌ک ئه‌وه‌ی سه‌د مێشێان له‌ خه‌ڵفێک دا دۆزیبێته‌وه‌، ته‌نانه‌ت بێ ئه‌وه‌ی نێوه‌رۆکی به‌یانیه‌که‌شیان به‌ لاوه‌ گرینگ بێ، به‌ دوای ناوی من دا و له‌ نێو پرانتیز دا، لێکدانه‌وه‌یه‌کی ساویلکانه‌یان کردوه‌ که‌ فڕی به‌ سه‌ربابه‌تی به‌یانیه‌که‌وه‌ نیه‌.

3.       هه‌رچه‌ند ئه‌م به‌یانیه‌ {وه‌ک پێشتر باسم کرد} پێوه‌ندیی به‌ منه‌وه‌ نیه‌، ‌به‌ڵام نووسینی نامه‌یه‌کی ئیعترازیی ئه‌وتۆ له‌ لایه‌ن کۆر و کۆمه‌ڵانی نێوخۆی وڵات که‌ ره‌خنه‌ له‌ که‌مترخه‌می و سیاسته‌کانی کۆماری ئیسلامی سه‌باره‌ت به‌ کوردستان ده‌گرن، به‌ کارێکی باش ده‌زانم.

خالید عه‌زیزی

 2007/01/10


 فارسی       Kurd

ده‌سپێک    هه‌واڵ   سیاسی   ئه‌ده‌ب‌وهونه‌ر   هزر   مافی‌مرۆڤ    کۆمه‌ڵایه‌تی   به‌ڵگه‌نامه‌کان    سکرتێری‌گشتی    په‌رتووک    پێوه‌ندی

رێبه‌رانی شه‌هید

پێشه‌وا قازی‌

دوكتور قاسملوو

دوكتور شه‌ره‌فکه‌ندی

 

ژماره‌ی نوێی كوردستان

ئۆرگانی كومیته‌ی ناوه‌ندیی

حیزبی دێموكراتی كوردستانی ئێران

 

ژماره‌ی نوێی دنیای منداڵان

پاشكۆی كوردستان

 

سایته‌کانی دیکه

:: ده‌فته‌ری نوێنه‌رایه‌تیی حیزب له ده‌ره‌وه

:: كۆنگره‌ی‌ نه‌ته‌وه‌كانی‌ ئێرانی‌ فیدرال

:: رادیۆ ده‌نگی کوردستانی ئێران

:: سایتی ته‌له‌فزیۆنی‌ تیشك (TISHK TV)

:: کاروانی نه‌مرانی دێموکرات

::  یه‌كیه‌تیی‌ خوێندكارانی‌ دێموكرات

:: سایتی یه‌کیه‌تیی لاوان (سوئێد)

:: ئاژانسی هه‌واڵنێری كوردستان مێدیا

.:: هه‌واڵ و راپۆرت ::.

 

به‌یانیه‌ی‌ چه‌ند كه‌سێكی‌ به‌شدار له‌ كاروباری‌ سیاسی‌دا به‌بۆنه‌ی‌ قه‌یرانی‌ نه‌بوونی‌ سووته‌مه‌نی‌ له‌ كوردستان دا

 

19-10-85

به‌بۆنه‌ی‌ سه‌رهه‌ڵدانی‌ قه‌یرانی‌ نه‌بوون‌و كه‌میی‌ سووته‌مه‌نی‌ له‌ شاره‌كانی‌ كوردستانی‌ ئێران دا‌و چاره‌سه‌رنه‌كردنی‌ ئه‌م قه‌یرانه‌ له‌لایه‌ن كاربه‌ده‌ستانی‌ رێژیمه‌وه‌، چه‌ند كه‌سێكی‌ به‌شدار له‌ كاروباری‌ سیاسی‌دا كه‌ زۆربه‌یان له‌ نێوخۆی‌ وڵاتدان‌و هێندێكیان پێشتر نوێنه‌ری‌ پارلمانی‌ رێژیم بوون‌و ئێستا له‌ژێر ناوی‌ جۆراوجۆردا وه‌ك ریفۆرمخوازانی‌ كوردو به‌ره‌ی‌ یه‌كگرتووی‌ كورد‌و... خه‌ریكی‌ كاروباری‌ سیاسین، پاش حه‌وتوویه‌ك له‌ سه‌رهه‌ڵدانی‌ ئه‌م قه‌یرانه‌ به‌یانیه‌یه‌كیان داوه‌ته‌ ده‌ره‌وه‌‌و تێیدا ره‌خنه‌یان له‌ كه‌مترخه‌میی‌ ده‌وڵه‌تی‌ ئه‌حمه‌دی‌نژاد بۆ چاره‌سه‌ركردنی‌ كێشه‌كه‌ گرتووه‌. به‌تایبه‌ت ره‌خنه‌یان له‌وه‌ گرتوه‌ كه‌ له‌كاتێك دا وه‌ها قه‌یرانێك له‌ شارێكی‌ فارس نشین دا (بۆ وێنه‌ سمنان) روو ده‌دا ده‌وڵه‌تی‌ ئه‌حمه‌دی‌نژاد له‌ رۆژێك دا چاره‌سه‌ری‌ ده‌كا، به‌ڵام خه‌ڵكی‌ كوردستان حه‌وتوویه‌كه‌ له‌ سه‌رمای‌ قورسیی‌ زستان دا سووته‌مه‌نییان نیه‌و ده‌بێ‌ له‌ سه‌رمای‌ چه‌ندین پله‌ی‌ ژێرسفردا ژیان ببه‌نه‌ سه‌ر.
ناوه‌كانی‌ به‌شێك له‌و كه‌سانه‌ی‌ كه‌ به‌یانیه‌كه‌یان ئیمزاكردوه‌ بریتین له‌: 1ـ عه‌بدوڵڵا ره‌مه‌زان زاده‌، وته‌بێژی‌ ده‌وڵه‌تی‌ خاته‌می‌‌و ئوستانداری‌ پێشووی‌ كوردستان، 2ـ به‌هائه‌دین ئه‌ه‌ب، نوێنه‌ری‌ پێشووی‌ مه‌جلیس 3ـ جه‌لال جه‌لالی‌زاده‌، نوێنه‌ری‌ پێشووی‌ مه‌جلیس‌و له‌ به‌ناو ریفۆرمخوازانی‌ كورد 4ـ محه‌ممه‌د ساڵح نیكبه‌خت، پارێزه‌ر 5ـ له‌تیف سه‌فه‌ری‌ 6ـ سه‌ید مه‌سعوود حوسێنی‌ 7ـ سه‌ید مه‌عرووف سه‌مه‌دی‌ 8ـ ره‌زا سۆهرابی‌ 9ـ محه‌ممه‌د محه‌ممه‌دره‌زایی‌، 10ـ ره‌حمان بێهمه‌نێش، 11ـ خالید ته‌وه‌كولی‌، به‌ناو ریفۆرمخوازانی‌ كورد 12ـ خالید عه‌زیزی‌، نوێنه‌ری‌ ئه‌و چه‌ند كه‌سه‌ی‌ كه‌ له‌ رێكه‌وتی‌ 15ی‌ سه‌رماوه‌زی‌ 1385دا له‌ حیزبی‌ دێموكراتی‌ كوردستانی‌ ئێران دابڕان. (وادیاره‌ خالید عه‌زیزی‌ بڕوای‌ به‌ دروشمی‌ روخاندنی‌ رێژیمی‌ كۆماری‌ ئیسلامی‌ نه‌ماوه‌‌و ئێستا له‌ ده‌ره‌وه‌ی‌ وڵاته‌ه‌وه‌ خه‌ریك خه‌باتی‌ مه‌ده‌نی‌ له‌ نێوخۆی‌ وڵات له‌ژێر سێبه‌ری‌ رێژیمی‌ تیرۆریستی‌ كۆماری‌ ئیسلامی‌دایه‌).

 

.:: ئه‌م لاپه‌ڕه‌یه بۆ هاوڕێکه‌تان ئی‌مه‌یل بکه‌ن::.

 

ئی‌مه‌یلی خۆتان :  

 

ئی‌مه‌یلی هاوڕێکه‌تان  

 

 

ده‌سپێک | هه‌واڵ |  سیاسی |  ئه‌ده‌ب‌وهونه‌ر |  هزر | مافی‌مرۆڤ |  کۆمه‌ڵایه‌تی |  به‌ڵگه‌نامه‌کان |  سکرتێری‌گشتی |  په‌رتووک |  پێوه‌ندی

دابین‌كردنی‌ مافه‌ نه‌ته‌وایه‌تی‌یه‌کانی گه‌لی‌ كورد له‌ چوارچێوه‌ی ئێرانێکی دێموكراتیكی‌ فیدراڵی‌ دا

  چوارشه‌ممه، ۲۰‌ی به‌فرانباری ۱۳۸۵ی هه‌تاوی

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

www.giareng.com
All rights reserved 2005.