Ö:: ئاوێنه‌ی میژو به‌رانبه‌ر درۆزن

نووسینی: نزار کوێستانی

ئه‌مرۆکه نه‌وه‌ی راستیپه‌ره‌ست به‌قا به زمانی درۆ په‌روه‌ری ناکه‌ن و خۆشباوه‌ره‌کان ته‌مه‌نیان کۆتایی هاتوه. درۆ کردن هۆنه‌ری مومکین نیه، فێڵکاری له وێژدانی خۆت هاسانه، و هونه‌ری مرۆڤ له راستی کوتن یدایه. خۆ له" میرابۆ" که دانیشتوانی پاریسی خه‌ڵه‌تاند، یان له باوکی درۆ"تالیران" که خه‌ڵکی بۆ ناپلێئۆن به درۆی دابه‌شکردنی زه‌وی‌وزار، هه‌ڵی فریواندن و... درۆزنتر ده‌بن! که پاش مردنی له قه‌بره‌که‌شیدا جێیان پێ ره‌وا نه‌بینی و ده‌ریان هێنا.

شاکانی ئێران حاشایان له نه‌ته‌وه‌ی کورد ده‌کرد و زمانه‌که‌شیان پێ ره‌وا نه ده‌بێنی و به " گ..." یان زاراوه‌یه‌کی پارسیان داده‌نا. سه ددام‌ و حیزبه به‌عسه‌که‌ی کوردیان له سه‌ر خاکی خۆشیدا به میوان داده‌نا. جا له هه‌موشیان درۆ زاڵتر تۆرکانێکن به تایبه‌ت ژنراله که‌متیاره پیره‌کانیان ئێستاشی ده‌گه‌لدا بێت له‌وانه‌ی هاودرۆیان ده‌رسیان وه‌ر نه گرتوه و کورد به تورک داده‌نێن. وێرای رێزم بۆ هه‌مو نه‌ته‌وه‌یه‌ک، چۆن رێزم بۆ نه‌ته‌وه‌ی خۆم هه‌یه و سه‌ره‌رای ئه‌وه‌ی له باوکێ کورد و دایکێ تۆرک هاتومه دونیا و له مه‌لبه‌ندی خۆشمان نه‌مان هێشت چه‌قۆ کێشه‌کانی مه‌لا حه‌سه‌نی نه‌غه‌ده‌یه‌کی دیکه‌مان بۆ دروست بکه‌نه‌وه، ئه‌گه‌رچی باوه‌رم به چه‌کی دیالۆگ هه‌یه به‌ڵام شه‌رکردن به‌رانبه‌ر سوپای هێرشکه‌ری تورک به شه‌رێکی پیرۆزی نیشتمانی بۆ هه‌مو نیشتمانپه‌روه‌رێکی کوردستانی ده‌زانم .

له هه‌ر حاڵدا چاوه‌روانی دوعا کردن بۆمان له داگیرکه‌ران جگه له ساویلکه‌یی شتێکی دی ناتوانێ ببێت. با بێینه‌وه سه‌ر باسی خۆمان و له‌م رۆژانه دا زۆر به کۆماری ئازه‌ربایجان و کوردستانمانماندا هه‌ڵکوت که شیاوی زیاتریان هه‌یه، به‌ڵام ئایا بیرمان له‌وه کردوه‌ته‌وه که ته‌رکیبی حه‌شیمه‌تی و هه‌روه‌ها کۆمه‌لایه‌تی شاره تێکه‌لاو نشینه‌کانمان گۆرانی زۆری به سه‌ردا هاتوه بۆ وێنه له" ماکۆوه" تا" تیکانته‌په‌ی هه‌وشار"(تکابی) ئێستا به هۆی شه‌ره‌وه به هه‌زاران، هه‌زار مالی کورد له لادێکانه‌وه رویان له شاره نزیکه کانیان کردوه .

دیاره به هۆی سوتان و کوشتو بر و ترس و تۆقان له ده‌س هێزی داگیرکه‌ری کۆماری ئیسلامی ئه‌م حاله‌ته دروست بوه و ده‌بێ زۆر ژیرانه هه‌لس‌وکه‌وت بکه‌ین به هۆی توندره‌وانی ئازه‌ری نابێ توشی هه‌ڵه‌ی قه‌ره‌بو نه‌کراوه بێین .

به‌ڵام به‌م سیاسه‌ته گرفنچکاویانه‌مان چۆن مه‌سیری راستیمان لێ ناشیوێ...

به تێپه‌رینی زه‌مان به‌ره به‌ره پانتایی خاکی کوردستان به‌ر ته‌نگتر کراوه‌ته‌وه بۆ وێنه" زیڕۆ به‌هادری" گوته‌نی" ورمێیان" وه‌ک سه‌نده‌لییه‌کی دانیشتن له نێو خاکی کوردستاندا چه‌قاندوه و تورکی قه‌ره پاپاقیان له نه‌غه‌ده خزاندوه و تورکی قه‌شقاییان له میاندواو دامه‌زراندوه و به کورتی هه‌ر چوارده خێڵه‌که‌ی" تورکی هه‌وشار" یان له ده‌وروبه‌ری ماکۆوه تا ئه‌ولاتری تیکان ته‌په بڵاویان کردوه‌نه‌وه . دیاره له لای باشوریشه‌وه هه‌موان ده‌زانین که له سالی1963 دا کێشه له سه‌ر کورد وکوردستانی بونی موسڵ ده‌کرا، که‌چی له د‌ه‌وروبه‌ری سالی 1973 دا کێشه‌که له سه‌ر که‌رکوک بو.

له باری درێژایی خاکی کوردستان، واته جیا کردنه‌وه‌ی ئوستانه‌کانی هه‌مه‌دان و لورستان له خاکی کوردستان له ده‌ورانی میرانی ئه‌رده‌لان و به زۆر به ته‌فریس کردنیان به ده‌س شاکانی قاجار بۆ قه‌ره‌بو کردنه‌وه‌ی په‌یماننامه‌کانی " تورکه‌مه‌نچای" و" گوڵستان" و ته‌نانه‌ت حرسی داگیرکاریان تا ئه‌و جێگایه برده پێش که تا نزیک کرماشانی به ته‌واو کوردنشینیشیان هه‌ر به ئازه‌ربایجان داده‌نا.

ئه‌مرۆکه‌ش وه‌ک ده‌بینین رۆژ به رۆژ پولداره‌کانی تورک زه‌وی کورده‌کانی ده‌ورو به‌ری شاره تێکه‌لاو نشینه‌کان له کوردان ده‌کرن. دیاره ئه‌گه‌ر کارخانه‌ی لێ دانێن و کار بۆ دانیشتوانی ده‌وروبه‌ری په‌یدا بێ و به‌‌شیان له کارخانه که‌شدا ببێت ئه‌وه له خۆیدا شتێکی پۆزیتیوه، به‌لام وه‌ک ئه‌وه‌ی که له ناوچه‌ی ساین قه‌ڵا دا د‌ه‌یبینین ئه‌و زه‌مینانه‌ی که کردراون هه‌روا مانه‌وه !! .

مه‌به‌ستم له درۆ کردنی ده‌سه‌لاتدارانه که به که‌له‌ک و درۆ و ته‌ماح وه‌به‌رنان خاکی کوردستان تالان ده‌که‌ن.

با بزانین هێندێک له ده‌سه‌لاتدارانی خۆمان که داوای دێمۆکراسی بۆ خه‌لک ده‌که‌ن و به‌لام له نێو مال و شوێنی کاریان به‌رێوه بردنی له بیر ده‌که‌ن و یان داوای فیدرالی بۆ ئێران و کوردستان ده‌که‌ن به‌لام ده‌سه لاتی پاوان کراوی خۆیان دابه‌ش ناکه‌ن و هه‌ر خه‌لک خه‌‌لکیانه و پێیان وایه هه‌ر ئه‌وان له ساحه‌که دان و له خه‌یالی چاره‌که سه‌ده‌یه‌ک پێشدا ده‌دوێن چ قه‌ول و قه‌راره‌کانی خۆیان بردونه سه‌ری یا حافز گوته‌نی: چۆن به خه‌لوه‌ت می روند ئان کار دیگه‌ر می کونه‌ند" .

به راستی "ته‌قییه" هه‌ر له شیعه‌کانی وه‌ک خاته‌می که ئیدعای گوفتگوی نێوان ته‌مه‌دونه‌کانی ده‌کرد و به‌ره‌و ئامریکای لاتین و ئیتالیا و... هه‌لێ ده‌دان، جوانه که وتووێژی نێوان میاندواو مه‌هابادی بۆ رێک نه‌ده‌خرا که‌چی بۆ هه‌مو جیهانی راده‌گه‌یاند!!

هیوادارم پێویست به فاکت نه‌کات و چه‌ند موخاته‌بێکی هاورێی دێمۆکراتم به خۆیاندا بێنه‌وه و ئه‌وه‌شیان له بیر نه‌چێت که حیزبی تود‌ه‌ش توشی نه‌خۆشی درۆ هات و ئه‌نجامه‌که‌شی بینی. لیره‌دا روی پرسیارم له هه‌مو دیمۆکراسی خوازان ئه‌وه‌یه که ره‌عایه‌تی که‌مایه‌تی بکه‌ن، یه‌که‌م به هۆی ئه‌وه‌ی که مه‌رجی سه‌ره‌کی دێمۆکراسیه که ده‌سه‌لاتدار مافی که‌مایه‌تی بپارێزی و دوهه‌م له کۆمه‌لگه‌ی ئێمه دا هه‌ر وه‌ک ده‌رکه‌وتوه هه‌ر که‌مایه‌تی راستی بۆ چون و نمونه‌که‌ی زۆربه‌ی خه‌لکی ئێران ئه‌م وه‌زعه‌یان به سه‌رماندا هێناوه .

ده میلیون کوردی گه‌وره زیندانه‌که‌ی کوردستان ده‌بێت رو له‌وه‌رگرتنی پێناسه‌ی نه‌ته‌وه‌یی خۆیان بکه‌ن و به راستیش هه‌ر رێکخراوه‌یه‌ک به‌و رێژه‌ی که ئێستا هه‌ن وه‌لامده‌ر نین، بۆچی نابی لانی که‌م هه‌ر یه‌کیان ده‌هه‌زار که‌سیان له به‌ر ده‌ست بێت. ئه‌مه‌ش نمونه‌یه‌کی دیکه له ئێغراقی هێندێکیانه که دواتر باسی ده‌که‌ین.

nzari_kwestan@yahoo.com

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.