Ö:: چاوپێکه‌‌وتنێکی دۆستانه

کومیته‌ی ڤانکۆڤێری حیزبی دێموکراتی کوردستان ڕۆژئاوای کانادا

ڕۆژی پینج شه‌ممه ڕێکه‌وتی 1ی فیوریه‌ی 2007ی زایینی له سه‌ر داوای کومیته‌ی ڤانکۆڤێری حیزبی دێموکراتی کوردستان له ڕۆژئاوای کانادا، چاوپێکه‌‌وتنێکی دۆستانه له نێوان کومیته‌ی حیزبی دێموکراتی کوردستان که پێک هاتبو له هاورێیان ئه‌نوه‌ر که‌ریمی به‌رپرسی کومیته‌ی حیزب، خه‌لیل ئه‌شکانی به‌رپرسی په‌یوه‌ندیه‌کان و عوسمان مه‌حمودی به‌رپرسی ته‌شکیلات، و کومیته‌کانی پارتی دێموکراتی کوردستان که پێک هاتبو له به‌ڕێزان کاک بازید و کاک عه‌دنان و هه‌روه‌ها یه‌کێتی نیشتمانی کوردستان که پێک هاتبو له به‌ڕێزان سه‌میره خان و دکتور ڕێبوار، ئه‌نجام درا.

سه‌ره‌تا له لایه‌ن کومیته‌ی حیزبی دیموکراتی کوردستان به خێر هاتنی هه‌ڤاڵانی یه‌کێتی نیشتیمانی کوردستان و پارتی دێموکراتی کوردستان کرا.دواتر باسێ هۆکاره کانی له‌تبونه نه‌خوازراوه‌که‌ی حیزبی دێموکراتی کوردستانی ئێران و ئه‌و روداوه دل ته‌زێنانه‌ی ئه‌م دوایانه‌ی نێو که‌مپه‌که‌کانی حیزب کرا و له لایه‌ن کومیته‌ی حیزبی دێموکراتی کوردستان،سپاس و پێ زانینی هاوڕی یانی حیزبییان سه‌باره‌ت به هه‌وڵی ده‌ڵسۆزانه‌ی هه‌ڤالانی پارتی دیموکراتی کوردستان و یه‌کێتی نیشتیمانی کوردستان وهه‌ر وه‌ها حکومه‌تی هه‌رێمی کوردستان که چه پێش له‌تبون بۆ پاراستنی یه‌ک پارچه‌یی قه‌واره‌ی حیزب، و چه دوای له‌تبونی نه‌خوازراوی حیزب بۆ هێور کردنه‌وه‌ی جه‌وی ناسالم و هاڵۆزی ناو که‌مپه‌کانی حیزب دایان پێ ڕاگه‌یاندن و باسێکی وردیش له‌ سه‌ر هێڵه گشتی یه‌کانی ڕێبازی ئێمه وه‌ک حیزبی دێموکراتی کوردستان پێشکه‌ش کرا.
نوێنه‌رانی پارتی و یه‌کێتی له ڤانکۆڤێر پێ ناخوش بونی خۆیان له له‌تبونی حیزبی دێموکراتی کوردستانی ئێران ده‌ربڕی و له هه‌مان کات دا سور بونی خۆیان له په‌یوه‌ندی و هاوکاری به‌رده‌وام له گه‌ڵ کومیته‌ی حیزبی دێموکراتی کوردستان ڕاگه‌یاند و سپاسی کومیته‌ی حزبیان کرد سه‌باره‌ت به پێک هێنانی ئه‌و چاوپێکه‌وتنه. پێویسته بگوتریه ئه‌م چاو پێکه‌وتنه پتر له 2 کاتژمێری خایاند.

کومیته‌ی ڤانکۆڤێری حیزبی دێموکراتی کوردستان ڕۆژئاوای کانادا

3 ی فیوریه‌ی 2007ی زایینی

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.