Ö:: هه‌واڵێک له‌ شاری سه‌رده‌شت سه‌باره‌ت به‌ ته‌قه‌کردن له‌ ماشێنێکی خه‌ڵکی ئاسایی

هه‌والنێری گیاره‌نگ

هه‌واڵێک له‌ شاری سه‌رده‌شت سه‌باره‌ت به‌ ته‌قه‌کردن له‌ ماشێنێکی خه‌ڵکی ئاسایی
به‌ پێی هه‌واڵی گه‌یشتوو کاتژمێر 6ی ئێواره‌ی ڕۆژی 25ی فێبرواریی 2007 سێ که‌س له‌ دانیشتوانی گوندی قوڵتێ له‌ ناوچه‌ی سه‌رده‌شت بۆ کاری ڕۆژانه‌ی خۆیان به‌ ماشێن ده‌یان هه‌وێت بچن بۆ گوندی نیسکاوێ بۆ ئه‌وه‌ی هێندێک گیا و تفاقی خواردن بۆ مه‌ڕوماڵاته‌که‌یان بێنن. ئه‌و چه‌ند که‌سه‌ تازه‌ له‌ ئاوایی قوڵتێ به‌ره‌وه‌ نیسکاوێ که‌وتوونه‌ ڕێگا که‌ له‌ پڕ ڕا له‌ لایه‌ن ماشێنێکی پڕ له‌ چه‌کداری ڕێژیمه‌وه‌ ده‌درێنه‌ به‌ر ده‌سرێژی چه‌که‌کانی ده‌ستی ئه‌و به‌کرێگیراوانه‌ و ئه‌م سێ که‌سه‌ش ناچار ده‌بن ماشێنه‌که‌ ڕابگرن و له‌ ترسی گیران و ده‌ستبه‌سه‌ری به‌ره‌و شوێنێکی باشتر ڕاده‌که‌ن، به‌ داخه‌وه‌ یه‌کێک له‌ لاوه‌کان به‌ ناوی ئاوات بێ‌ستوه‌ کوڕی محه‌ممه‌د خه‌ڵکی بێژوێ و دانیشتووی گوندی قوڵتێ ناتوانێ ڕابکاو به‌ عه‌رز دا ده‌که‌وێ، ماشێنێ جه‌نایه‌تکارانی ڕێژیم له‌ ئاوات نێزیک ده‌بێته‌وه‌ و به‌ ئانقه‌ست به‌ سه‌ر لاقی ئاوات دا ده‌روا و لاقی ئاوات ورد ده‌کات. دوای ئه‌و ڕووداوه‌ له‌ لایه‌ن که‌س و کاری ئاواته‌وه‌، ئاوات به‌ره‌وه‌ نه‌خۆشخانه‌ی شاری مه‌هاباد به‌ڕی ده‌کرێ، که‌ به‌ داخه‌وه‌ دوکتور له‌ ساخ کردنه‌وه‌ی لاقی ئاوات نائومید ده‌بێ و به‌ که‌س و کاری گووتوه‌ که‌ لاقی ئاوات زۆر به‌ خه‌راپی و به‌ شێوه‌یه‌کی زۆر ترسناک ورد بووه‌ و گۆشت و ئێسقانی لاقی ناتواندرێ جارێکی دیکه‌ ساخ  بکرێته‌وه‌.

به‌ داخه‌وه‌ ساڵانه‌ له‌ کوردستان به‌ ده‌یان ڕووداوی له‌م چه‌شنه‌ له‌ لایه‌ن هێزه‌کانی ڕێژیمه‌وه‌ ده‌رحه‌ق به‌ خه‌ڵکی کوردستان ڕووده‌ده‌ن و کاره‌ساتی گه‌وره‌ و نه‌خوازراو به‌ سه‌ر خه‌ڵک دا ده‌سه‌پێنن و مافی مرۆڤ له‌ به‌رامبه‌ر ئه‌و کرده‌وانه‌ دا بێ ده‌نگه‌. ماڵپه‌ری گیاره‌نگ وێرای مه‌حکووم کردنی ئه‌م کرده‌وه‌ و جه‌نایه‌ته‌ی چه‌کدارانی به‌ خوێن تینوی کورد، هیوای چاک بوونه‌وه‌ و ساخی بۆ ئاواتی زامدار به‌ ئاوات ده‌خوازێ.

هه‌والنێری گیاره‌نگ

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.