Ö:: سیمیناری کۆمیته‌ی حیزبی دیمۆکراتی کوردستان له‌ شاری لینتس له‌ وڵاتی ئوتریش

حیزبی دیمۆکراتی کوردستان کۆمیته‌ی ئوتریش

سیمیناری کۆمیته‌ی حیزبی دیمۆکراتی کوردستان له‌ شاری لینتس له‌ وڵاتی ئوتریش
له‌ رۆژی شه‌ممه‌ 3.2.2007 له‌ شاری لینتس له‌ وڵاتی ئوتریش کۆمیته‌ی حیزب له‌ م وڵاته‌ سیمیناره‌کی بۆ کورده‌کانی دانیشتوی پارێزگای ئۆبه‌رئۆسترایش سازدا که‌ به‌رنامه‌ که‌ چوار کاتژمێری خایاند (له‌ سه‌عاتی 2 تا 6 ئێواره‌ به‌ کاتی ناوه‌ندی ئۆرۆپا).

مه‌به‌ستی ئه‌م سیمیناره‌ تیشک خستنه‌ سه‌ر ئه‌م رووداوه‌ی دوای بوو که‌ به‌سه‌ر حیزبه‌که‌مان داسه‌پا واتا قه‌بوڵکردنی دوله‌تبونی حیزبه‌که‌مان به‌ شێوه‌یه‌کی ره‌سمی له‌ لایه‌ن که‌مینه‌ی کۆمیته‌ی ناوه‌ندی ئه‌و کاتی حیزبی دیمۆکراتی کوردستانی ئێران، هه‌روه‌ها ناساندنی کۆمیته‌ی تازه‌ی حیزب و نوێکردنه‌وه‌ی په‌یوه‌ندی له‌ گه‌ڵ کورده‌کانی ئه‌م ده‌ڤه‌ر.

له‌ به‌ینی به‌شداری ده‌یان که‌س له‌ کورده‌کانی  ئه‌م ناوچه‌یه‌دا، هه‌روه‌ها نوێنه‌ری چه‌ند حیزب و ڕێکخراویش به‌ شداری ئه‌م سیمیناره‌یان کرد:

  • نوێنه‌ری به‌شێك له‌ و حیزب و ڕێکخرانه‌ی به‌شدار بوون بریتیه‌ له‌:
  • به‌ڕێز کاک عه‌لی گه‌رمیانی نوێنه‌ری یه‌کیه‌تی نیشتیمانی کوردستان له‌و مه‌ڵبه‌نده‌
  • به‌ڕێز کاک شێرزاد بۆزالی قسه‌که‌ری پارتی دیمۆکراتی کوردستان عێراق له‌و به‌ڵبه‌نده‌
  • به‌ڕێز کاک مه‌جید دۆسکی نوێنه‌ری پارتی دیمۆکراتی کوردستان عێراق له‌و به‌ڵبه‌نده
  • به‌رێز کاک عه‌بدوڵڵا حوسه‌ین نوێنه‌ری حیزبی دیمۆکراتی کوردستان سوریه له‌و به‌ڵبه‌نده ‌

‌به‌رنامه‌که‌ که‌ له‌م بڕگانه‌ی خواره‌وه‌ پێک هاتبو به‌ شیوه‌یه‌کی زۆر ڕێک و پێک به‌ڕێوه‌ چوو 4 کاتژمێر درێژه‌ی کێشا:

سه‌رتا سرودی نه‌ته‌وایه‌تی ئه‌ی ڕه‌قیب
ده‌قیقه‌یه‌ک بێ ده‌نگی بۆ گیانی پاکی شه‌هیدا
ئه‌مجار ناساندنی هاوڕێیانی کۆمیته‌ی ئوتریش به‌ به‌شدارانی ئه‌و سیمیناره‌ له‌ لایه‌ن کاک په‌رۆش قادری یه‌وه‌ که‌ نوێنه‌رایه‌تی کۆمیته ی حیزبی‌ له‌م ناوچه‌یه‌ی به‌ ئه‌ستۆوه‌یه‌.
له‌ بڕگه‌یه‌کی تری به‌رنامه‌که‌دا هێڵه‌گشتیه‌کانی ڕێبازی ئێمه‌ له‌ لایه‌ن کاک خدر هه‌مزه‌نژاد به‌رپرسی کۆمیته‌ی حیزب له‌ ولاتی ئوتریش بۆ به‌شداربوان خوێندرایه‌وه‌.
پاشان له‌ لایه‌ن کاک محه‌ممه‌دی فه‌قێ عه‌لی به‌شی ته‌شکیلاتی و ڕاگه‌یاندنی حیزبی له کۆمیته‌ی‌ ئوتریش باسێك له‌ سه‌ر رابردو ئێستاو داهاتووی حیزبه‌که‌مان پێشکه‌ش کرا.
ته‌وه‌ری ئه‌م باسه‌ هه‌ڵسه‌نگاندن و سه‌نگ و سوژن کردنی رابردوی حیزبه‌که‌مان به‌ تایبه‌تی ئه‌و کۆسپانه‌ی که‌ له‌ درێژه‌ی خه‌باتی ئه‌م حیزبه‌دا هاتونه‌ته‌ سه‌ر ڕێگای، هه‌ر وه‌ها تیشک خستنه‌ سه‌ر ئه‌و هه‌مو ده‌ستکه‌وته‌ به‌ نرخانه‌ی که‌ تا ئێستا حیزبی دیـۆکراتی کوردستان پێشکه‌ش به‌ باره‌گای شۆرشی نه‌ته‌وه‌ی گه‌لی کوردی کردوه‌.
کاک محه‌ممه‌د له‌ به‌شێکی تری ئاخاوتنه‌که‌ی بۆ به‌شداران زۆر به‌ وردی له‌ سه‌ر ئه‌م دووله‌تبونه‌ زۆره‌ملیه‌ دواو هۆیه‌کانی بۆ به‌شداران روونکرده‌وه‌.
هه‌ر له‌و کاته‌دا پێداگربوو له‌سه‌رئه‌وه‌ که‌ حیزبی دیمۆکراتی کوردستان ئه‌وپه‌ڕی هه‌وڵی خۆی ده‌دات بۆ هه‌رچی زیاتر لێکنیزیک بونه‌وه‌ی هێزه‌ سیاسیه‌کانی کورد له‌ کوردستان به‌ گشتی و رۆژهه‌ڵاتی کوردستان به‌ تایبه‌تی.
له‌ ئاخروئۆخری وته‌کانیدا کاک محه‌ممه‌د له‌سه‌ر به‌رنامه‌ی کاری حیزب دواو قه‌ول و به‌ڵێنی دا به‌ به‌شداران که‌ تا سه‌ر حیزبه‌کامان وه‌فاداری رێگای پڕ له‌ شانازی شه‌هیده‌ سه‌ربه‌رزه‌کانمان ده‌بێت، بۆ ئه‌وه‌ی ئه‌م ئه‌رکه‌شی به‌ شێوه‌یه‌کی شیاو لێهاتوانه‌و دور له‌ هه‌ڵه‌ی سیاس قه‌ره‌بو نه‌کراوه‌ به‌ڕێوه‌ برد بێ، پێویسته‌ حیزبی دیمۆکراتی کوردستان به‌ سیاسه‌ته‌کانی خۆیدا بچێته‌وه‌ و بۆ ئه‌م پێداچونه‌وه‌ش نابێ هیچ ترسێکی له‌ ئاڵوگۆری پێویست و به‌ جێ هه‌بێت.
هه‌روه‌ها پێداگربوو له‌ سه‌ر ئه‌وه‌ی که‌ ده‌بێ حیزب ئه‌م سێنترالیستیه‌ی که‌ دوای کۆنگره‌ی 13 و تا کاتی قه‌بوڵی دوله‌تبونی حیزبی دیمۆکراتی کوردستانی ئێران وه‌ک ره‌موزنه‌یه‌ک به‌ربینگی به‌ به‌رێوه‌چونی کاروباری حیزبی گرتبوو جارێکیتر دوپات نه‌بێته‌وه‌ و بۆ هه‌رچه‌شنه‌کارێک و له‌ هه‌رشوێنێکی که‌ گونجاوه‌ له‌ ئه‌قڵی به‌ کۆمه‌ڵ و ‌هێزو شاره‌زای تاکه‌کانی به‌ ئه‌زمون و لێزان که‌ڵکی پێویست وه‌رگیرێ.
پێویسته‌ بگوترێ که‌ له‌ درێژه‌ی ته‌وای ئه‌م به‌رنامه‌یه‌دا به‌  پرۆژێکتۆر وێنه‌ی شه‌هیدانی سه‌ربه‌رز و چه‌ندین وێنه‌و دروشمی تایبه‌ت له‌ سه‌ر دیواری ساڵۆنه‌که‌ بۆ به‌شداران نیشاندرا. که‌ تام‌وچێژێکی تایبه‌تی به‌ رازاندنه‌وه‌ی ساڵۆنه‌که ‌دابوو.
ئاخرین به‌شی به‌رنامه‌که‌ که‌ بۆ پرسیارو وه‌ڵام دانرابوو به‌شدارانی به‌ڕێز باس و پرسیاره‌کانی خۆیانیان هێنا ئاراوه‌ و له‌ لایه‌ن هاوڕێیانه‌وه‌‌ جوابه‌کانیان وه‌رگرته‌وه‌.
جێگای باسه‌ که‌ به‌شداران ئه‌م سیمیناره‌یان به‌ سیمینارێکی سه‌رکه‌وتوو له‌ چه‌شنی خۆیدا وه‌سفکرد و ئاواتیان خواست که‌ له‌م چه‌شنه‌ سیمینارانه‌یان زیاتر بۆ بگیردرێت و به‌شێکیش له‌ کورده‌کانی ئه‌وێ ئاماده‌ی خۆیان بۆ هه‌ر چه‌شنه‌ کاروبارێکی حیزبی ڕاگه‌یاند که‌ لێره‌وه‌ له‌ به‌شداربونوو هاوکاریان رێز ده‌گرین و هیوادارین نمونه‌یان هه‌ر له‌ زیادبوون دابێت، هه‌روا به‌ ره‌خنه‌و پێشنیارو پرسیار ئه‌رکی خۆیان له‌ خزمه‌ت به‌ گه‌لی کورد له‌ ریزه‌کانی حیزبی دیمۆکراتی کوردستان.

حیزبی دیمۆکراتی کوردستان
کۆمیته‌ی ئوتریش

 وییه‌ن4.2.2007













 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.