Ö:: دیسان له‌ مهاباد خوێن رژا ! 

كۆمه‌ڵه‌ی مافی مرۆڤی كورد- ئه‌وروپا 

دیسان له‌ مهاباد خوێن رژا ! 
به‌ گوێره‌ی هه‌والی گه‌ییشتو له‌ مهاباده‌وه‌‌ دیسان هیزه‌کانی سه‌رکوتکه‌ری کۆماری ئیسلامی ئیران هێرشیان کردوته‌ سه‌ر جه‌ماوه‌ری خه‌لک و به‌ شێوه‌یه‌کی نا ئینسانی و دژه‌ مرۆڤی و دور له‌ هه‌ر پرینسیپیکی کۆمه‌لگای مه‌ده‌نی له‌ مه‌نتیقی زۆری و لێدان و کوشتن و زیندانی کردن که‌لکیان وه‌رگرتوه‌ و که‌وتونه‌ته‌ گیانی خه‌لکی بێدیفاعی کوردوستان و بۆ ئه‌و جاره‌ش خه‌لکی شۆرشگێڕی مهاباد که‌وتوته‌ به‌ر غه‌زه‌ب و شاڵاوی خوێنڕیژان و دیکتاتۆرمه‌نسه‌بانی کۆماری ئیسلامی ئیران و خه‌لکیان خستۆته‌ ناو زیندانه‌کان، و به‌ لێدان و کوشتن تێده‌کۆشن ده‌سته‌ڵاتی دیکتاتۆرانه‌ی خۆیان به‌ سه‌ر خه‌لک دا ڕاگرن و به‌ میتۆدی ترساندن و کوشتن و راونان خه‌لکی کوردوستان بۆ گه‌ییشتن به‌ مافه‌کانی خۆیان چاوترسێن بکه‌ن،ئه‌م جاره‌ لاوی شۆڕشگێر به‌همه‌ن مرادی بۆته‌ قوربانی هه‌ڵسوو که‌وتی دژه‌ ئینسانی ئورگانه‌کانی حکومه‌ت و هاته‌ ریزی قوربانیان،ئیمه‌ وه‌ک کۆمه‌ڵه‌ی مافی مرۆڤی کورد له‌ ئوروپا سه‌ره‌خۆشی خۆمان ئاراسته‌ی دایک و باوک و که‌س و کاری به‌همه‌ن و خه‌لکی کوردوستان ده‌که‌ین و هاوکات راده‌گه‌یه‌نین به‌ کوشتن و ئازار و ئه‌شکه‌نجه‌ خه‌لک چاوترسێن نابن،مخابن خه‌لکێکی ئازاده‌ و شۆڕشگێر بۆ گه‌ییشتن به‌ مافه‌ ره‌واکانی خۆیان له‌ به‌رامبه‌ر هه‌ر چه‌شنه‌ زه‌بر و زه‌نگێک له‌ هه‌مو جۆره‌ خه‌باتیکی دیمۆکراتیک که‌لک وه‌رده‌گرن بۆ گه‌ییشتن به‌ ئامانجه‌کانیان، هاوکات حکومه‌تی ئیسلامی ئیران هوشیار ده‌که‌ینه‌وه‌ زه‌بر و زه‌نگ و کوشتار و به‌ به‌ند کێشانی گه‌ل و که‌لک وه‌رگرتن له‌ میتودی خه‌فه‌قان هیچ ئاکامێکی باشی به‌ دواوه‌ نابیت و دوارۆژی ئه‌و ڕژیمه‌ دیکتاتۆرانه‌یان وه‌ بیر ده‌خه‌ینه‌وه‌ که‌ له‌ دژ گه‌ل میتودی نادیمۆکراتیکیان به‌کار هیناوه‌ و که‌وتونه‌ته‌ به‌ر شاڵاوی تۆڵه‌ و مه‌حو کراونه‌ته‌‌وه‌.

به‌ له‌به‌ر چاوگرتنی مافی مرۆڤ و تاک له‌ ئیران و کوردوستان، پیشێلکردنی مافی تاک و به‌رژه‌وه‌ندیه‌کانی گشتی خه‌لک زۆر به‌ ئاسانی ده‌خرێنه‌ ژێر پیی و ئۆرگانه‌کانی حاکمییه‌ت به‌ بێ له‌ به‌ر چاوگرتن و ناسینی هه‌ر چه‌شنه‌ ئازادیه‌ک، مافی مرۆڤ ده‌خه‌نه‌ ژێر پی، و ئه‌م هه‌ڵس و که‌وته‌ نا دێمۆکراتیک و ناشارستانیه،‌ ده‌بێته‌ هۆی مداخله‌ و ئێعتڕازی ئه‌و هێزانه‌ی‌ که‌ بڕوایان به‌ دیمۆکڕاسی هه‌یه‌ و له‌ درێژه‌ی خۆیدا ده‌توانێ ببێته‌ ئاکامی ده‌ستدریژی و مداخله‌ی فیزیکی و نیزامی ئه‌و هێزانه‌ و ئه‌وه‌نده‌ی تر ماڵویرانی و خوێنڕشتن زیاتر بکات و ئاکامیکی ناخۆش و ناله‌بار له‌ ناو کۆمه‌ڵگا دا بخوڵقێنێت،دیسان حاکمان وشیارده‌که‌ینه‌وه‌ ده‌ست له‌و میتوده‌ نادێمۆکراتیکانه‌‌ هه‌ڵگرن و ڕیگای دیالۆگ بگرنه‌ پێش.ئێمه‌ وه‌ک کۆمه‌ڵه‌ی مافی مرۆڤی کورد له‌ ئوروپا له‌ دژ هه‌ر چه‌شنه‌ زۆرداریه‌ک راده‌وه‌ستین و ده‌نگی گه‌ل و زوڵم لێکراوان به‌ گویی نیهاده‌ دیمۆکراتیکه‌کانی ئوروپا ده‌گه‌یه‌نین.

كۆمه‌ڵه‌ی مافی مرۆڤی كورد- ئه‌وروپا 

20060218  

Kurdish Human Rights Association                     Fax / Tel: +468 6610880
Artemisg 19, NB                                               kmfsverige@gmail.com
115 42   Stockholm

     SWEDEN

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.