Ö:: به‌ڕێوه‌چونی شه‌وئاهه‌نگێک بۆ رێزگرتن له‌ هه‌شتی مارس و نه‌ورۆزانه‌یه‌ک

حیزبی دیمۆکراتی کوردستان کۆمیته‌ی ئوتریش

به‌ڕێوه‌چونی شه‌وئاهه‌نگێک بۆ رێزگرتن له‌ هه‌شتی مارس و نه‌ورۆزانه‌یه‌ک بۆ کورده‌کانی دانیشتوی وڵاتی ئوتریش
سه‌ر له‌ ئێواره‌ی ڕۆژی
10 مارس2007 له‌ پارێزگای ئۆبه‌رئۆسته رایش کۆمیته‌ی هێزه‌ سیاسیه‌کانی کوردستان و رێکخراوه‌ کوردیه‌کان که‌ بریتی بوون له:
رێکخراوی کولتوری کوردی لێۆندینگ
بنه‌ماله‌کانی کورد له‌ پارێزگای ئۆبه‌رئۆسته‌رایش
رێکخراوی کورده‌کانی سوریه‌ له‌ ئوتریش
حیزبی دیمۆکراتی کوردستان
پارتی دیمۆکراتی کوردستان
پارتی دیمۆکراتی کوردستان سوریه‌ (البارتی)
پارتی ئازادی کورد سوریه
 شه‌وئاهه‌نگێکیان بۆ ڕێزگرتن له
8 ی مارس رۆژی نێونه‌ته‌وه‌ی ژنان ونه‌ورۆزانه‌یه‌ک بۆ کورده‌کانی ئه‌و ده‌ڤه‌ره‌ و ده‌وروبه‌ری پێکهێنا.
له‌ به‌ینی به‌شداران دا که‌ نیزیکه‌ی‌
300 ۳۰۰نه‌فه‌ر ده‌بون نوێنه‌ری چه‌ندین حیزب و ڕێکخراوی کوردستانی ئوتریشی و هه‌روه‌ها شه‌خسیه‌تی سیاسی و هونه‌ری ده‌بینران.
به‌شێک له‌م ڕێکخراو شه‌خسیه‌تانه‌ بریتی بوون له‌:
به‌رێز کاک تارق عقراوی باڵێۆزی عراق له‌ وڵاتی ئوتریش
به‌رێزها‌اراڵد سایدڵ شاره‌داری تراون و نوێنه‌ری حیزبی سوسیال دێمۆکراتی ئوتریش
به‌رێز ئۆتتۆ گوومپینگه‌ر ئه‌ندامی پارڵمان و نوێنه‌ری حیزبی گه‌ل
هونه‌رمه‌ندی به‌رێز کاک ئیسماعیل جومعه که‌ چه‌ند ئاهه‌نگێکیشی پێشکێش به‌ به‌شداران کرد‌
هونه‌رمه‌ندی به‌رێز کاک دڵشاد سه‌عید
نوێنه‌رایه‌تی حیزبه‌کانی به‌شدار له‌م رێو ره‌سمه‌دا و هه‌روه‌ها نوێنه‌ری رێکخراوه‌ کوردیه‌کان له‌م مه‌ڵبه‌نده‌.
 بڕگه‌ی یه‌که‌می به‌رنامه‌که‌ بریتی بوو له‌:
سرودی نه‌ته‌وایه‌تی ئه‌ی ره‌قیب و پاشان ده‌قیقه‌یه‌ک بێده‌نگی بۆ رێزگرتن له‌ گیانی پاکی شه‌هیدان.
په‌ یامی به‌خێرهاتن و پیرۆزبای کۆمیته‌ی ئاماده‌کاری به‌م بۆنه‌یه‌وه‌ خوێندرایه‌وه‌ و پاشان به‌رێز کاک تارق عقراوی باڵێۆزی عراق له‌ وڵاتی ئوتریش په‌یامی ئه‌م وڵاته‌ی گه‌یانده‌ به‌شداران و به‌رێزها‌اراڵد سایدڵ شاره‌داری تراون و نوێنه‌ری حیزبی سوسیال دێمۆکراتی ئوتریش باسێکی کورتی پێشکه‌ش کرد و خۆشحالی خۆی له‌وه‌ ده‌ربڕی که‌ بۆ ئه‌م بۆنه‌ پیرۆزه‌ ئه‌و شاره‌مان هه‌ڵبژاردوه‌ له‌وێ ئه‌م به‌رنامه‌یه‌ به‌ڕێوه‌ ده‌چێ هیوای خواست که‌ له‌ مه‌به‌ولاوه‌ زیاتر له‌ م ده‌ڤه‌ره‌ کۆرو کۆبونه‌وه‌ی له‌م بابه‌ته‌ پێک بێنین.
له‌ کۆتای په‌یامه‌کان دا نۆره‌ گه‌یشته‌ به‌رێز ئۆتتۆ گوومپینگه‌ر ئه‌ندامی پارڵمان و نوێنه‌ری حیزبی گه‌ل که‌ ئه‌ویش  به‌ نوێنه‌رایه‌تی له‌ لایه‌ن پارێزگاری ئۆبه‌رئۆسته‌رایشه‌وه‌ و هه‌روه‌ها حیزبی گه‌ل پیرۆزبای پێشکه‌شی به‌شداران کرد.
په‌یامێکی زۆر به‌ به‌رێوبه‌رانی ئه‌م به‌رنامه‌یه‌ گه‌یشتبون که‌ په‌یامی کۆمیته‌ی حیزبی دیمۆکراتی کوردستانیش له‌ نێویان دابوو له‌ لایه‌ن خاتوو سلاڤا ئێشاره‌یان پێکراو سوپاسیان لێکرا.
له‌ په‌راوێزی ئه‌م ڕێوڕه‌سمه‌دا هاوڕێیانی کۆمیته‌ی ئوتریشی حیزبی دیمۆکراتی کوردستان توانیان له‌ گه‌ڵ چه‌ندین شه‌خسییه‌ت و نوێنه‌ری رێکخراو پێکهاته‌ سیاسی و کۆمه‌ڵایه‌تیه‌کان و یه‌ک له‌وان به‌رێز کاک تارق عقراوی باڵێۆزی عراق له‌ وڵاتی ئوتریش و به‌رێزها‌اراڵد سایدڵ شاره‌داری تراون و نوێنه‌ری حیزبی سوسیال دێمۆکراتی ئوتریش  ته‌ماس بگرن و نوێنه‌رایه‌تی حیزبی دیمۆکراتیان پێ بناسێنن.
 بڕگه‌ی دوهه‌می ئه‌م شه‌وئاهنگه‌ بریتی بوو له‌:
گۆرانی وهه‌ڵپه‌ڕکێ که‌ تا کاتژمێر
12 ی شه‌وی خایاندو ئه‌م به‌شه‌ هونه‌ریه‌ به‌ هونه‌ری هونه‌رمه‌ندان کاک ئیسماعیل جومعه‌ کاک محه‌ممه‌د ته‌ها ئاکره‌ی خاتو په‌نا و هونه‌ر‌مه‌ندی لاو هاوران‌ هه‌روه‌ها کۆما ئازادی رازایه‌وه‌.
پێویسته‌ بگوتره‌ که‌ نوێنه‌رایه‌تی حیزب له‌م ده‌ڤه‌ره‌ به‌ هاوکاری کۆمیته‌ی حیزب له‌ ئوتریش توانیبوی ئه‌رکی سه‌ره‌کی ئه‌م ڕێوڕه‌سمه‌ بگرێته‌ ئه‌ستو که‌ جێگای ڕێز و سوپاسه‌.

حیزبی دیمۆکراتی کوردستان کۆمیته‌ی ئوتریش
12-03-2007 وییه‌ن ئوتریش





 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.