Ö:: کۆمیته‌ی حدک- ئێران: پیرۆزبای له‌ ژنانی کورد ده‌کات به‌ بۆنه‌ی 8 مارس رۆژی جیهانی ژن.

کۆمیته‌ی سویسی حیزبی دێموکراتی کوردستان

کۆمیته‌ی حیزبی دێموکراتی کوردستان-ئێران: پیرۆزبای له‌ ژنانی کورد ده‌کات به‌ بۆنه‌ی 8 مارس رۆژی جیهانی ژن.
8
ی مارس رۆژی جیهانی ژن به‌ هه‌مو ژنانی جیهان به‌ تایبه‌ت ژنانی کوردستان پیرۆزبای ده‌ڵێم، هیوادارم له‌ ڕۆژێکا یادی ئه‌و ڕۆژه‌ پیرۆزه‌ بکه‌ینه‌وه‌ که‌ ژن واته‌ نیوه‌ی کۆمه‌ڵ به‌ مافه‌کانی خۆی گه‌یشتبێت، به‌داخه‌وه‌ ئێستا ئێمه‌ له‌کاتێکا یادی ئه‌و ڕۆژه‌ پیرۆزه‌ ده‌که‌ینه‌وه‌ که‌ ژنانی کوردستان به‌تایبه‌ت ڕۆژهه‌ڵاتی کوردستان له‌ سه‌ره‌تای ترین مافه‌کانی خۆیان بێبه‌شن، هه‌روه‌ک له‌ هه‌واڵه‌کاندا هاتوه‌ هه‌ر ئێستا 5 ژنی کورد له‌ ڕۆژهه‌ڵاتی کوردستان سزای ئیعدامیان بۆ بڕاوه‌ته‌وه‌ و چاوه‌ڕوانی جێبه‌جێ کردنی ئه‌و سزا گه‌وریه‌ن. جێگای خۆیه‌تی هه‌ر لێره‌وه‌ ئه‌و سزا ناڕه‌ویه‌ ئیدانه‌ بکه‌ین.

هه‌رچه‌ند ژنانی کورد له‌و چه‌ند ساڵه‌ی دوای دا هه‌وڵاکانیان چڕتر کردۆته‌وه‌ بۆ وه‌ده‌ست هێنانی مافه‌کانی خۆیان، به‌ڕواڵه‌ت پیاوانی دێموکرات و ماف خوازی کوردیش چ وه‌ک حیزب و ڕێکخراوه‌، چ وه‌ک ڕه‌وشه‌نبیرو که‌سایه‌تی سه‌ربه‌خۆ هاوکات له‌گه‌ڵ خه‌بات بۆ وه‌ده‌ست هێنانی مافه‌ نه‌ته‌وایه‌تیه‌کانی کورد، تێده‌کۆشن بۆ مافه‌کانی ژنیش، به‌ڵام به‌داخه‌وه‌ نه‌تواندراوه‌ سه‌ره‌تایترین مافه‌کانی ژن وه‌ده‌ست بێنن، دیاره‌ وه‌ده‌ست هێنای مافی ژن له‌ کۆمه‌ڵگای ئێمه‌ی کورد دا کارێکی ئه‌سته‌متره‌ له‌ چاو کۆمه‌ڵگاکانی تری دنیا، چونکه‌ جیا له‌وه‌ی ئێمه‌ی کورد وه‌ک نه‌ته‌وه‌ به‌خاک و نیشتیمان و زمان و که‌لتور...وه‌ له‌ لایان ڕێژمانێکی سه‌رکوتگه‌ر، دژه‌ی ته‌واوی ئازادیه‌کان داگیرکراوین و مافمان پێشێل ده‌کری، له‌ هه‌مانکاتدا داب و نه‌ریتی دواکه‌وتوی کۆموڵگاکه‌ی خۆشمان بوونه‌ هۆی ئه‌وه‌ی به‌دیدێکی سوک و به‌دبئنانه‌وه‌ بڕوانه‌ ژن. ژنانی کۆمه‌ڵگای ئێمه‌ داوینی خۆیان و خۆشیان لێ به‌ڵایه‌، هه‌رهه‌نگاوێکیان که‌ بۆ وه‌ده‌ست هێنانی مافه‌کانی خۆیان هه‌ڵیان ناوه‌ته‌وه‌ کۆسپی خراوه‌ته‌ سه‌رڕێ، ته‌نانه‌ت زۆر کرده‌وه‌ی بچوک که‌ له ‌گه‌ڵ سه‌ره‌تایترین مافه‌کانی ژن و مرۆڤیش نامۆنین له‌له‌یان ده‌سه‌ڵات، کۆمه‌ڵگاو ته‌نانه‌ت ئه‌ندامه‌نی بنه‌ماڵه‌کانیان وه‌ک گه‌وره‌ ترین تاوان دێته‌ ئه‌ژماردن و زۆر چار سزاکه‌ی تا مه‌رگ به‌ سامناکترین شێوه‌ وه‌ک سه‌نگه‌سار و هه‌ڵاوسین و زۆر جار گۆڕ گومکردن... ده‌ڕوات، هه‌ر ئه‌و قانون و که‌لتوره‌ ناله‌بارانه‌ن ده‌بنه‌ هۆی ئه‌وه‌ی ساڵانه‌ هه‌زاران ژن خۆیان له‌ده‌ست ژیان خه‌لاس بکه‌ن، په‌نابه‌رن بۆ ئاگر له‌ خۆ به‌ردان. ژن له‌ کۆمه‌ڵگه‌ی ئێمه‌دا هه‌ر له‌کاتی له‌دایک بونیه‌وه‌ له‌ لایان دایک و باوکه‌کانیانه‌وه‌ ناشکوریان پێده‌کرێ و له‌ وه‌ی که‌ وه‌ک کچ هاتونه‌ دنیا جۆرێک تاوانباریان ده‌که‌ن، هه‌روه‌ک بۆ خۆیان کچ بونیان هه‌ڵبژاردبێت، هیچ کاتێک له‌دایک بونی کۆرپه‌یه‌کی کچ سه‌دی یه‌کی ئه‌و شادیه‌ی کورپه‌ی کوڕ به‌ خێزانه‌کان نابه‌خشێت، ئه‌وه‌ له‌ کات چونه‌ قوتابخانه‌دا و دواتر له‌ناو هاتنه‌ ناوکاروباری کۆمه‌ڵایه‌تی، سیاسی و ئیداریه‌کانیشدا پله‌ به‌ پله‌ زه‌ق تر ده‌بێته‌وه‌. زۆر چار ژن وه‌ک ئامرازێک بۆ کاروباری مال و نۆکه‌ر یان به‌ قه‌ولی کوردی قه‌ره‌واشی مێر چاو لێده‌کرێت، ئه‌و وته‌ کۆنانه‌ که‌ بۆنی ژن کوژیان لێ دێت ده‌که‌ن به‌تۆقی هه‌تا هه‌تایه‌ی ژیانی ژن که‌ ده‌ڵێن " ژن و ماڵ"...

سه‌ره‌ڕای ئه‌وه‌ش هه‌روه‌ک له‌سه‌ره‌وه‌ باسمان کرد ئێمه‌ به‌نه‌ته‌وه‌ و نیشتیمانه‌وه‌ مافخوراوین، به‌خۆشێوه‌ ژنی کورد به‌ هه‌وڵ و تێکۆشانی خۆی و پشت به‌ پیاوانی به‌ڕاست دێموکرات هاتۆته‌ مه‌یدان بۆ وه‌ده‌ست هێنانی مافه‌کانی خۆی و له‌ خه‌بات بۆ وه‌ده‌ست هێنانی مافی نه‌ته‌وایه‌تیش شان به‌شانی پیاوان له‌ مه‌یداندایه، هیوادارین بتوانین به هه‌وڵ و تێکۆشانمان به‌ هه‌موو مافه‌کانی خۆمان بگه‌ین. هیوادرین "ژن و ژیان" جێگای "ژن وماڵ" "ژن و ژان" بگرێته‌وه‌.
نوسینی: ئاره‌زوو عه‌بدوڵڵا مه‌نش، ئه‌ندامی به‌شی ڕاگه‌یاندن له‌ کۆمیته‌ی سویسی حیزبی دێموکراتی کوردستان . . 2007.03.7

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.