Ö:: په‌یامی پرسه‌و سه‌ره‌خۆشی

حیزبی دێمۆکراتی کوردستان کۆمیته‌ی نۆروێژ

په‌یامی پرسه‌و سه‌ره‌خۆشی
به‌داخ
و که‌سه‌رێکی زۆره‌وه‌ ئاگادار کراین که‌ خۆشکه‌ مریه‌م جانمه‌ردی دایکی خۆشکه‌ کوبرا، خوشکه‌ ره‌عنا، کاک که‌ریم ئه‌ڵاوه‌یسی به‌ هۆی نه‌خۆشی سه‌ره‌تان له‌ ته‌مه‌نی 79 ساڵی دا له‌ ڕؤژی دوو شه‌ممه‌ ڕێکه‌وتی 12.03.2007 کۆچی دوایی کرد.

خوشکه‌ مریه‌م وه‌ک هه‌ر ژنه‌ شۆرشگێرێکی کورد به‌ هۆی تێکه‌ڵ بوونی بنه‌ماڵه‌یی له‌ گه‌ڵ حیزبی دێمۆکراتی کوردستان توشی مه‌ینه‌تی و زووڵموو زۆری رژیمی داگیرکه‌ری کۆماری ئیسلامی ببوو.

له‌ دوای شۆرشی گه‌لانی ئێران به‌هۆی بوونی کورو کچی ئه‌و دایکه‌ نیشتمان په‌روه‌ره‌ ناراسته‌وخۆ له‌ خزمه‌ت به‌رژه‌وه‌ندی خه‌باتی رزگاری کورد به‌ڕێبه‌رایه‌تی حیزبی دێمۆکراتی کوردستانی ئێران دابوو، وه‌ به‌ده‌یان جار له‌هاتوچۆکردن بۆلای پێشمه‌رگه‌کانی حیزبدا ئه‌رکی هێنان وبردنی نامه‌و په‌یامه‌کانی حیزب بۆ ناو خه‌ڵک به‌رێوه‌ ده‌برد، وه‌هه‌ر له‌و راستایه‌دا دوو جار له‌ لایه‌ن به‌کرێگیراوانی ئه‌و رژیمه‌ گیراو له‌ زیندان کرا.

ئێمه‌ وه‌ک حیزبی دێمۆکراتی کوردستان کۆمیته‌ی نۆروێژ پرسه‌و سه‌ره‌خۆشی خۆمان ئاراسته‌ی ئه‌و بنه‌ماڵه‌ به‌رێزه‌ ده‌که‌ین، وه‌خۆمان به‌ هاوبه‌شی خه‌موو په‌ژاره‌یان ده‌زانین.

هه‌ر به‌و بۆنه‌وه‌ راده‌گه‌یه‌نین که‌ ڕێووره‌سمی پرسه‌و سه‌ره‌خۆشی ئه‌و خوالێخۆشبویه‌ له‌ ڕێکه‌وتی 16.03.2007 ڕۆژی هه‌ینی له‌ کاتژمێر  4 هه‌تا 9 پاشنیوه‌رۆ له‌ هۆڵی فۆڵکێت هوسی لیله‌سترۆم به‌رێوه‌ ده‌چێت، هاتنتان ده‌بێته‌ هۆی سه‌بووری دڵی بنه‌ماڵه‌ی خوالێخۆشبوو.

شوێن

Stor gata
Folket hus Lillestr
øm

بۆ په‌یوه‌ندی
ژماره‌ ته‌له‌فوونه‌کانی

004795900916
004763844405

ئێمه‌ش وه‌ک به‌ڕیوه‌به‌رانی ماڵپه‌ری گیاره‌نگ سه‌ره‌خۆشی له‌ کاک که‌ریم ئه‌لاوه‌یسی و خوشکه‌ کوبرا و خوشکه‌ ڕه‌عنا و تێکرای ئه‌ندامانی بنه‌ماڵه‌ی خوشکه‌ مریه‌م جانمه‌ردی ده‌که‌ین، و هیوادارین که‌ باقی ئازیزانیان ته‌مه‌نیان درێژ بێت.

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.