Ö:: سروودی ژنان...

نووسینی: حه‌مه‌سه‌عید حه‌سه‌ن

سروودی ژنان...

یاخی به‌ له‌و کۆمه‌ڵه‌ی
به‌ ئینسانت نازانێ،
له‌و کولتووره‌ی به‌ چاوی
سووکه‌وه‌ بۆت ده‌ڕوانێ.

یاخی به‌ له‌و ڕێسایه‌ی
گوێ بۆ ده‌نگت ناگرێ،
یاخی به‌ له‌و یاسایه‌ی
گۆشاوگۆش سه‌رت ده‌بڕێ.

یاخی به‌ له‌ دابی باو
له‌ هه‌ڕه‌شه‌ و زه‌بری پیاو،
یاخی به‌ له‌ قه‌فه‌ز و
له‌ هێزی زێڕ و دراو.

وڵاتێکی ژێرده‌سته‌ی
ڕابه‌ بۆ ئازادیی خۆت،
قه‌ڵای وره‌ت قایم بێ،
بشکێنه‌ کۆتی ئه‌ستۆت.

ئه‌ی شاکاری خوای مه‌زن!
چاو ببڕه‌ ئاسۆی ڕۆشن،
یاخی به‌ ئه‌ی مامۆستای
به‌رگه‌ی ژان و خه‌م گرتن.

ئه‌ی ڕه‌مزی جوانسالاری
زاتی بڵندی خودا،
جوانیی خۆی له‌ ڕێی تۆوه‌،‌
نیشانی دنیا ده‌دا.

ئه‌ی جوانترین بوونه‌وه‌ر!
ئه‌ی به‌خشنده‌ و داهێنه‌ر!
مل که‌چ مه‌که‌ بۆ گوشار،
خۆت مه‌ده‌ ده‌ستی قه‌ده‌ر.

ڕابه‌ ئه‌ی ژنی بوێر!
بۆ داد و بۆ یه‌کسانی،
بۆ ژیانێ تژی بێ
له‌ هیوا و کامه‌رانی.

نووسینی: حه‌مه‌سه‌عید حه‌سه‌ن
07. 02. 2007

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.