Ö:: له سالروژی هه‌له‌بجه یادیك له بان زه‌رده

 یاهو داله‌هو

له سالروژی هه‌له‌بجه یادیك له بان زه‌رده
هه‌ر مشتتیك له خاك كوردستان وه خوین پاك جوانه‌كان میلله‌ت كورد ئاویاری بیه‌س، و سه‌راسه‌ر تاریخ كورد پره له حماسه و فداكاری، خوین و قوربانی ئرا وه ده‌س هاوردن سه‌ره‌تایته‌رین حقوق ئنسانییان.

ئه‌مما كاره‌سات هه‌له‌بجه وه راسی توانی نوقته‌ی ئه‌وج كوردكوشی له تاریخ مودرن بوود. كاره‌سات هه‌له‌بچه ئی حهقیقه‌ته سابت كرد كه دوشمه‌ن نه ته‌نیا پیشمه‌رگه‌كان و فعالیه‌ل سیاسی كورد كوشی و ئیعدام كه‌یت، به‌لكو ته‌نیا كورد بیین كافییه كه كاره‌ساتیك خویناوی جور هه‌له‌بچه له حه‌ق میلله‌ت كورد ئنجام بییه‌ت.

18 سال پیش له روژه كان 15ـ18 مارس 1988 زیاتر له 5000 منال، ژن و پیاگ كورد بیینه شه م و له ئاگر نه وروز سزیان. و زیاتر له 7000 كه س زه خمی بین. ئیمروژه ئیتر هه لبجه یه ك شار بویچك له هه ورامان نییه. ئیسه ناو هه لبجه یه ی سیمبول نه سل كوشی كورد و ره مز مقاومه ت مله ت كورده ئرا حقوق ئنسانیه كانیان.

ئه ما ده وله ته كان، جریانه سیاسیه كان فره تر له كاره سات هه لبجه سو ئستفاده سیاسی و ته لیغاتی كردنه تا كار و كوشش ئرا عه لاج ده رد و ژان و ئاسه وار كاره سات هه لبجه. فره كه س له ویری نچیه س ك له شوون بومباران شیمیایی هه لبجه فره له ده له ته كان دونیا ئه و نه سل كوشی كورده نادیده گردن و یا له موقابلیا بی ده نگ مان، بازی ولاتیش ته نیا وه خاتر دوشمه ن دوشمه ن بین لی باره وه بی ده نگ نه مان. له شوون 18 سال هه لبجه هه ر مای وه ژان و ده ردوه پیچ خوی، كه متر كه سیك گوش ده یته هاوار ده رد و ره نج مردم ئه و شاره.

ئه گه ر ئیمروژ كاره سات هه لبجه له سه راسه ر دونیا ناسیاگه، له به شیكتر له كوردستان له داله هو دیار كوردان گورد و ئه سیل كاره سات بان زرده ئرا كه م كه س و لایان ناسیاگه. هه ر ئه دوشمه نه ك كاره سات هه لبجه قومان له بان زه رده ی داله هو له كرماشان له22ـ7ـ1988 ته نیا نزیك چوار مانگ له شوون هه لبجه، وه بومباران شیمایی بی وه بایس مرگ زیاتر له 275 كه س زه خمی بین زیاتر له 1000 كه س. داخه كه م به ر خلاف كاره سات هه لبجه ك له دونیا ناسیاگه، كاره ساته كه ی بان زه رده ی داله هو نه ك هه ر دونیا له لی بیخه وه ره، حه تا له ناو كورده كانیش كه م كه س لی جنایه ته ئاگاداره. ئه وه لین خه وه رنگار داخلی و خارجی، خه وه ر نگار بی بی سی فرانسیس هاریسون بی ك ئرا ئه ولین جار له شوون 17 سال له سه ر كاره سات خویناوی زه رده ی داله هو یه ی گوزارش ئاماده كرد

http://news.bbc.co.uk/2/hi/programmes/from_our_own_correspondent/4341368.stm
من ك خوم من منال ئه و ناوچه مه، تا دیین گوزارشه كه ی فرانسیس هاریسون له ئه وج كاره سات زه رده ی داله هو بیخه وه ر بیم. ته نیا ناو بازی له قوربانییه كان زه رده له مراسم پرس وپو له ده م ژنه كان شنه فتویم. ئه گه ر كاره سات هه لبجه له دادگا لاهه باس كریه ت، ئه گه ر ئرا قوربانییه كان هه لبجه هه ر سال مراسم یادبوود گیریه ت نیشانه ی دلسوزی و ئه همه یت كورده كانه. ئه ما ئرا كاره سات زه رده ی داله هو له فكر چیه س، نیشانه ی بی ته فاوه تی نه سل ئه وه ل ئنقلاب یارسانیه كان و كرماشانییه كان و بیخه وه ری نه سل جوان خارج كشوره كه تا ئیسه لی باره وه بی ده نگ بیینه. كاره سات زه رده ی داله هو توانی نیشانه یك له مه حرومیه ت و له پراویز قه‌رار گردن مردم یارسان بوود كه ته نیا گونایان كورد ئه سیل بیین و خاون پاكترین و ئه سیلترین میرات فه رهه نگی وئایینی كورده.

له شوون سه ر خوه شی له بنه ماله قوربانییه كان كاره سات هه لبجه و پیشنیار كه یم ك له 22ـ7ـ2007 یه ی مراسم ئرا ناساندن كاره ساته كه ی زه رده داله هو وا ئحترام دانان ئرا قوربانییه كان ئه و كاره‌ساته بگیریه ت.

یاهو داله‌هو

 سه‌ره‌وه‌. ده‌سپێک.

ئه‌م بابه‌ته‌ چاپ بکه‌!

   ئه‌م بابه‌ته‌ بۆ هاوڕێکه‌ت بنێره:

© www.giareng.com
All rights reserved 2005.