ئاسه‌وار دزێک له جوانڕۆ ده‌ستگیر کرا

 

سهراب کهریزی، به‌رپرسی پاراستنی ده‌زگای داپڵۆسێنه‌ری ( ئیتلاعات) له نێو سوپای کۆماری ئیسلامی ئێران له جوانڕۆ، له‌ گوندی سه‌فی ئاوای نزیکی شاری جوانڕۆ که سه‌رقاڵی دزینی یه‌کێک له کۆنترین ئاسه‌واره‌کانی قه‌ڵای سه‌فیخان بوو له لایان هێزه‌کانی ئینتزامی‌یه‌وه ده‌ستگیر کرا. هێزی ئینتزامی که یه‌کێکه له هێزه نیزامی ‎‌یه‌کانی کۆماری ئیسلامی ئێران، دژایه‌تیه‌کی زۆریان له گه‌ڵ هێزی سوپا دا هه‌یه، به تایبه‌ت له گه‌ڵ ناوبراو دا.

 

 قه‌ڵای سه‌فیخان یه‌کێکه له‌و ٨ قه‌ڵا دێرینانه‌ی جوانڕۆ که نازناوی قه‌ڵای جوانرۆیان ده‌رکرد بوو، به داخه‌وه که له‌و ٨ قه‌ڵایه ئیستا ته‌نیا٤ قه‌ڵای ماوه، ئه‌ویش ڕۆژانه دوژمنانی کورد له ڕێگه‌ی نۆکه‌رانیانه‌وه هه‌وڵی دزین و له به‌یندانی ده‌ده‌ن.

سهراب کهریزی خه‌ڵکی شائاباد یا ئیسلام ئابادی ئیستایه، که‌سێکی دڕنده وچه‌وسێنه‌ره، گه‌لێک به ناوبانگه له چه‌وساندنه‌وه‌ی خه‌ڵکی کوردستان، ناوبرا پێشتر ئه‌ندامی ڕێکخراوی موجاهیدینی خه‌لک بووه، به‌ نهێنی هاوکاری ڕێژیمی کردووه و پاش ئه‌وه‌ی خۆی ده‌گه‌یه‌نێته‌وه ئێران، گه‌وره‌ترین به‌رپرسایه‌تی پێده‌درێت، بۆ ئازاردانی خه‌ڵکی کوردستان ده‌ینێرنه ناوچه‌ی جوانڕۆ.

ماوه‌یه‌کی زۆره که یاسری ره‌فسه‌نجانی کوری هاشمی ره‌فسه‌نجانی سه‌ڕۆکی پێشوی کۆماری ئیسلامی ئێران وسه‌رۆكی ئیستای مه‌سڵحه‌تی نیزام هه‌زینه‌یه‌کی زۆری ته‌رخان کردووه بۆ دزینی تاڵان کردنی هه‌موو ئاسه‌واره‌کانی کوردستان له باشوورو ڕۆژهه ‎‌ڵاته‌وه، جێگای داخه که هیندێک کوردیش به‌هۆی پاره‌وه فریویان خواردوه وهاوکاری یاسر ڕه‌فسه‌نجانی ده‌که‌ن،له‌دزینی ئاسه‌واری وڵاته‌که‌ی خۆیاندا، ئه‌و نۆکه‌رانه ئه‌وه‌یان له یاد چووه که ‌پێناسه‌ی شارستانیه‌تی مێژوی هه‌ر وڵاتێک ئاسه‌واره دێرینه‌کانیانه. شار وناوچه‌کانی کوردستانێش یه‌کێکن له‌ دێرینترین شاره‌کانی جیهان، که خاوه‌نی چه‌ندین ئاسه‌واری مێژووییه، که شارستانیه‌تی کۆنی کوردستان بۆ مێژوو ده‌گێڕینه‌وه.

له ڕێگه‌ی ئه م نووسینه‌وه : داوا ده‌که‌م له‌و کورده خۆ فرۆشانه که به پاره‌ی دوژمن فریویان خواردووه و هاوبه‌شی یاسری ڕه‌فسه‌نجانی ده‌که‌ن واز له‌و کاره خراپه‌یان بێنن، ئه‌گینا ناو و نیشانی ته‌واویان له هه‌موو میدیا کوردی‌یه‌کاندا بڵاو ده‌که‌مه‌وه بۆ ئه‌وه‌ی خه‌ڵک و مێژوو نه‌فره‌تیان لێ بکه‌ن .

 

شوانکاره .    ٣١−١٢−٢٠٠٤