ڕوون كردنه‌وه‌یه‌كی كورت

 

ئه‌وڕۆ ٠٩-٠١-٢٠٠۵ ئه‌و وتاره‌ی به‌ڕێز( د.گوڵموراد مورادی)م له‌ ماڵپه‌ڕی برووسكه‌ خوێنده‌وه‌. له‌ به‌ر داوای به‌ڕێز كاك دوكتۆر به‌ په‌له‌ وه‌رم گێڕایه‌ سه‌ر زمانی كوردی، بۆیه‌ له‌ هه‌ڵه‌كان داوای چاوپۆشی ده‌كه‌م. حه‌زم كرد ئه‌وه‌ش ڕابگه‌یه‌نم، له‌ گه‌ڵ ئه‌وه‌ی زۆر ڕاستی مێژوویی له‌م وتاره‌دا هاتووه‌، به‌لإم منیش له‌و كه‌سانه‌م ئێستا وه‌ك جاران سه‌یری ئامریكا ناكه‌م. ناڵێم ئامریكا به‌ دوای به‌رژه‌وه‌ندی خۆی دا ناگه‌ڕێ، به‌لإم ئه‌م جاره‌یان به‌ پێچه‌وانه‌ی جاره‌كانی پێشوو به‌رژه‌وه‌ندی ئه‌و له‌ گه‌ڵ لانیكه‌م ئه‌و به‌شه‌ی كوردستان یه‌كده‌گرێته‌وه‌ تا داگیركه‌ران، هه‌ر بۆیه‌ سه‌ددام ده‌ڕووخێنێ و هه‌ڕه‌شه‌ش له‌ ئێران و سووریه‌ ده‌كا. به‌ كورتی كاك دوكتۆر (به‌ ڕای من) له‌ گه‌ڵ ئه‌وه‌ی ئه‌زموونێكی زۆری له‌ ماوه‌ی ته‌مه‌نی دا پێكه‌وه‌ ناوه‌ كه‌ زانینی بۆ ئێمه‌ مانان پێویسته‌، به‌لإم له‌م وتاره‌دا له‌ ڕوانگه‌ی دوو جه‌مسه‌ری سوسیالیزم و ئیمپێریالیزمه‌وه‌ سه‌یری كێشه‌كان ده‌كا.

پێویسته‌ ئه‌وه‌ش بڵێم كه‌ له‌ ده‌قه‌ فارسی یه‌كه‌دا زۆر جار ده‌سته‌واژه‌ی كه‌مه‌ نه‌ته‌وه‌یی یه‌كان له‌ باتی گه‌لی كورد له‌ كوردستانی عێراق هاتووه‌ كه‌ له‌ وه‌رگێڕانه‌كه‌دا من گه‌لی بنده‌ست یان نه‌ته‌وه‌ی بنده‌ستم جێگیری ئه‌و ده‌سته‌واژانه‌ كردووه‌.

به‌و هیوایه‌ی ئه‌وانه‌ی فارسی نازانن، له‌ ڕێگای ئه‌م وه‌رگێڕانه‌وه‌ له‌ بۆچوونه‌كانی كاك دوكتۆر بگه‌ن.

قادر ئه‌لیاسی ,ئوسلۆــ ٠٩-٠١-٢٠٠۵

 

هه‌ڵبژاردن له‌ عێراق و پێویستی به‌شداری كورد له‌و هه‌ڵبژاردنه‌دا

 

وه‌ك ئاگادارن ڕێكه‌وتی٣٠ ژانوویه‌ی٢٠٠۵واته‌ نزیكه‌ی ١٨ مانگ دوای ڕووخانی سه‌ددام حوسه‌ین، دیكتاتۆری به‌غدا، ده‌سه‌لإتدارانی ولإته‌ یه‌كگرتووه‌كانی ئامریكا بڕیاریان داوه‌ هه‌ڵبژاردنێكی سه‌رتاسه‌ری له‌ ناوخۆ و ده‌ره‌وه‌ی ولإت بۆ گشت گه‌لانی عێراق و به‌ تایبه‌ت ئه‌و كه‌سانه‌ی كه‌ له‌ ترسی سه‌ددام هه‌ڵهاتوون و له‌ ولإتانی دیكه‌ گیرساونه‌ته‌وه‌، به‌ڕێوه‌ به‌رن و؛ دوای ئه‌نجام دانی ئه‌و ئه‌ركه‌ ده‌سه‌لإت و به‌ڕێوه‌به‌ریی ولإت بده‌نه‌وه‌ ده‌ست نوێنه‌رانی هه‌ڵبژێراوی گه‌لانی عێراق.

لێره‌ پێویسته‌ له‌ مه‌ڕ باس و خواست و لێكدانه‌وه‌ سیاسی یه‌ پێوه‌ندی داره‌كان به‌و هه‌ڵبژاردنه‌وه‌  هه‌ڵوێسته‌یه‌ك بكه‌ین و چه‌لێ له‌ سه‌ر دوو خاڵی گرینگ بدوێین: تاقمێك بانگه‌شه‌ی بایكۆت كردنی ئه‌و هه‌ڵبژاردنه‌ ده‌كه‌ن و لایه‌نێكی دیكه‌ش ده‌بێژن كه‌ پێویسته‌ له‌و هه‌ڵبژاردنه‌دا به‌شداری بكه‌ین.

من وه‌ك كوردێك، ڕووی قسه‌م له‌ گه‌ڵ كورده‌ هاونه‌ته‌وه‌كانی خۆم له‌ عێراقه‌ و له‌و پێوه‌ندی یه‌دا له‌ سه‌ر به‌شداریان له‌و هه‌ڵبژاردنه‌ پێ داده‌گرم و به‌و هۆیانه‌ی خواره‌وه‌ به‌ پێویستی ده‌زانم به‌شدار بن:

ڕێگام بده‌ن باسه‌كه‌ به‌ هێنانه‌ گۆڕی چه‌ند پرسیار ده‌ست پێ بكه‌م. سه‌ره‌تا ده‌بێ بپرسین: ئایا ئامریكای جورج بۆش  له‌ قوولإیی دڵه‌وه‌ ده‌خوازێ گه‌لانی عێراق له‌ هه‌ڵبژاردنێكی ئازاددا به‌شدار بن و تۆ بڵێی خوازیاری هێنانه‌ كایه‌ی دیموكراسی له‌ عێراق دابێ؟!

دوویه‌م: به‌شداری له‌ هه‌ڵبژاردنی عێراق دا به‌ قازانجی كێ یه‌ و بایكۆت كردنی به‌ زیانی چ كه‌سێك ده‌شكێته‌وه‌؟

له‌ كۆتایی دا ده‌پرسین: منی كورد له‌ گه‌ڵ ئه‌وه‌ی دژی له‌ سه‌دا سه‌دی سیاسه‌تی پاوانخوازانه‌ و داگیركاری ئامریكام، له‌ هه‌ڵبژاردنێك دا كه‌ نموونه‌ی له‌ ئه‌فغانستان به‌ڕێوه‌ چووه‌ و به‌ قازانجی ئامریكا و هاوپه‌یمانانی شكاوه‌ته‌وه‌، (بۆ ده‌بێ) هاوده‌نگ بم و له‌ گشت هاوزمانانی كوردی عێراقی له‌ ناوخۆ و ده‌ره‌وه‌ بخوازم له‌و هه‌ڵبژاردنه‌دا به‌شداری بكه‌ن؟!

١− سیاسه‌تی ده‌ره‌وه‌ی ئامریكا كه‌ دژی گه‌لانی "جیهانی سێهه‌م " و لایه‌نگری ڕێژیمه‌ دیكتاتۆر و ناوه‌ندخوازه‌كان بووه‌، بۆ زۆربه‌ی زۆری خه‌ڵكی جیهان و به‌ تایبه‌ت گه‌لانی بن ده‌ستی ناوچه‌ له‌وانه‌ش گه‌لی كورد، ڕوون و ئاشكرایه‌.  هه‌ر وه‌ك بارزانی نه‌مر له‌ مه‌ڕ دیكتاتۆران "عه‌جه‌م" به‌ پێشه‌وا قازی موحه‌ممه‌د(مه‌هاتما گاندی ئێران) ده‌ڵێ: " كاتێك خاوه‌نی ده‌سه‌لإتن، له‌وپه‌ڕی بێڕه‌حمی و بێویژدانی و زاڵمی دان و زه‌مانێكیش بێ ده‌سه‌لإت ده‌كه‌ون، له‌ خۆ هه‌ژاركردن و بێتاوان نیشان دان هیچ كه‌س به‌ تۆزی پێ یان ناگا و بۆ نه‌جاتی گیان و ده‌سه‌لإتیان په‌نا ده‌به‌نه‌ به‌ر هه‌موو شتێك".  به‌ بڕوای من ده‌وڵه‌ته‌ یه‌ك له‌ دوای یه‌كه‌كانی ئامریكاش له‌م بۆچوونه‌ به‌ده‌ر نه‌بووه‌ و نی یه‌، كاتێك له‌ ناوچه‌یه‌ك دا له‌ دۆخێكی لاوازدایه‌، گشت جۆره‌ سۆز و به‌ڵێنی یه‌ك ده‌دا به‌و خه‌ڵكه‌ی كه‌ هاوكاری وی ده‌كه‌ن، وه‌ك سیاسه‌تی ئێستای له‌ هه‌مبه‌ر كورده‌كانی عێراق، به‌لإم له‌ گه‌ڵ ئه‌وه‌ی گه‌یشته‌ مه‌به‌ستی خۆی، هه‌موو سۆز و په‌یمانێك له‌ بیر ده‌كا. ئێمه‌ به‌ درێژایی مێژوو سیاسه‌تی ده‌ست تێوه‌ردانی قازانج ویستانه‌ و پاوانخوازانه‌ی ئامریكامان دیووه‌ و به‌ ڕه‌گ و پێسته‌وه‌ له‌ گه‌ڵی ئاشناین. ده‌وڵه‌ته‌ جۆراوجۆره‌كانی ئه‌م ولإته‌، به‌ تایبه‌ت ده‌سه‌لإتی كۆماریخوازه‌كان قه‌ت له‌ گه‌ڵ وه‌ده‌ستهێنانی مافی گه‌لانی بن ده‌ست نه‌بوون. بۆ سه‌لماندنی ئه‌م ڕاستی یه‌، ته‌نیا چاوخشانێك به‌ سیاسه‌تی ئامریكا له‌ مه‌ڕ كورد و ئه‌رمه‌ن دوای كونفرانسی لۆزانی ١٩٢٣ به‌سه‌، له‌ گه‌ڵ ئه‌وه‌ی پێش له‌و كونفرانسه‌، ده‌وڵه‌تی ئه‌وكاتی ئامریكا خۆی وه‌ك پشتیوانی گه‌له‌ زۆر لێ كراوه‌كان پیشان ده‌دا و ته‌نانه‌ت گه‌لإڵه‌ی ١٤ خاڵی "ودرو ویلسون"یان له‌ كونفرانسی سێڤێری ١٩٢٠ له‌ به‌رژه‌وه‌ندی كورد و ئه‌رمه‌ن گونجاند، به‌لإم وه‌ك دواتر ئاشكرا بوو، له‌ به‌ر پاراستنی به‌رژه‌وندی ڕێژیمه‌ دیكتاتۆره‌كانی توركیه‌ و ئێران و مه‌له‌ك فه‌یسه‌ڵی ده‌ستنێژی بریتانیا، له‌قه‌یان دا له‌ ئه‌و قه‌ول و به‌ڵێنی یانه‌ و كورد و ئه‌رمه‌ن یان ئه‌سپارده‌ ده‌ست قه‌سابخانه‌ و یان هه‌تڵه‌ و ئاواره‌ی دیاری دیكه‌یان كردن. له‌و پێوه‌ندی یه‌داگه‌لێك نموونه‌ هه‌یه‌، به‌لإم بۆ پێشگیری له‌ درێژبوونه‌وه‌ی وتاره‌كه‌، با مشت نموونه‌ی خه‌رواربێ.

كه‌وا بوو به‌و ئاكامه‌ ده‌گه‌ین كه‌ مشه‌خۆرانی تالإنچی و به‌ تایبه‌ت ئامریكا قه‌ت دۆست و دڵسۆزی گه‌لانی بن ده‌ست نه‌بوونه‌ و ڕه‌نگه‌ له‌ داهاتووش دا هه‌ر ئه‌و سیاسه‌ته‌ په‌یڕه‌و بكه‌ن. ئاواته‌خوازم من به‌ هه‌ڵه‌دا چووبم و ئامریكایی یه‌كان به‌و ئه‌زموونه‌ تاڵ و پڕ له‌ شووره‌یی یه‌ كه‌ تا ئێستا وه‌ده‌ستیان هێناوه‌، هاتبنه‌ سه‌ر عه‌قڵ و ئه‌م جاره‌ به‌ نه‌ته‌وه‌ بنده‌سته‌كان به‌ گشتی و به‌ ئێمه‌ی كورد كه‌ به‌ دڵه‌وه‌ له‌ ڕووخانی سه‌ددام دا یاریده‌مان دان، خه‌یانه‌ت نه‌كه‌ن. به‌لإم به‌داخه‌وه‌ وه‌ك به‌رنامه‌ی كاری هه‌ڵبژاردن كه‌ له‌ ژێر چاوه‌دێری ئه‌م ئاغایانه‌ لانیكه‌م له‌ ده‌ره‌وه‌ی عێراق پیشان ده‌دا، ئه‌مانه‌ به‌ كرده‌وه‌ ناخوازن گشت گه‌لانی عێراق له‌و هه‌ڵبژاردنه‌دا به‌شدار بن، گه‌رچی به‌ ڕواڵه‌ت به‌ سازكردنی هه‌را و هوریایه‌كی زۆره‌وه‌ وا ده‌نوێنن كه‌ ٩٢ میلیۆن دولاریان له‌ ١٤ ولإتی دنیادا بۆ ئه‌و مه‌به‌سته‌ ته‌رخان كردووه‌. ئێمه‌ ئه‌وه‌ باش ده‌زانین، به‌شداری ته‌واوی نه‌ته‌وه‌كانی عێراق له‌ هه‌ڵبژاردن دا له‌ گه‌ڵ سوود و به‌رژه‌وه‌ندی ئامریكا نایه‌ته‌وه‌، چوونكه‌ ئه‌و ولإته‌ به‌ دڵه‌وه‌ له‌ گه‌ڵ سیستمی فیدرالیزم و ویستی كورده‌كان دا نی یه‌. واته‌ ئه‌گه‌ر كورده‌كان له‌م هه‌ڵبژاردنه‌دا سه‌ركه‌ون، ده‌بێته‌ ڕێگر له‌ پێناوی پاراستنی به‌رژه‌وه‌ندی یه‌كانی ئامریكادا. به‌م شێوه‌یه‌ ئه‌وان له‌ گه‌ڵ حكوومه‌تێكی به‌ هێزی ناوه‌ندی ڕوو به‌ ڕوو نابن، به‌ڵكوو له‌ گه‌ڵ سیستمێكی فیدراڵی ده‌كه‌ونه‌ دان و ستانه‌وه‌ كه‌ له‌ هه‌ڵ لووشانی سه‌رمایه‌ی ولإت (عێراق) دا تووشی كێشه‌یان ده‌كا و به‌ ئاسانی بۆیان قووت نادرێ. له‌ ڕاستی دا سیناریۆیه‌كی ئه‌وتۆ باس ده‌كرێ كه‌ گوایه‌ ئامریكایی یه‌كان له‌ گه‌ڵ دژایه‌تی ڕواڵه‌تی یان له‌ ئاست ئێران دا، زۆر حه‌ز ده‌كه‌ن كه‌ شیعه‌كانی عێراقی لایه‌نگری خۆیان هه‌رچی زیاتر له‌ هه‌ڵبژاردن دا چالاك و به‌رچاو بن و له‌ پارلمان دا زۆرینه‌ وه‌ده‌ست بێنن تا به‌و هۆیه‌وه‌ ئامریكا بتوانێ یه‌كه‌م: حكوومه‌تێكی به‌ هێزی شیعه‌ی لایه‌نگری خۆی بهێنێته‌ سه‌ر كار و دوویه‌م: ئێران دڵخۆش كا به‌وه‌ی كه‌ شیعه‌كان له‌ عێراق دا حاكمن و له‌و ڕێگایه‌شه‌وه‌ پێوه‌ندی ولإته‌كه‌ی له‌ گه‌ڵ مه‌لاكانی ڕێژیمی ئێران خۆش كاته‌وه‌.

له‌ ڕاستی دا بۆ ئامریكا گرینگ نی یه‌ چ كه‌سێ و به‌ چ  بیر و باوه‌ڕێكه‌وه‌ له‌ ئێران یان له‌ عێراق ده‌سه‌لإت به‌ ده‌سته‌وه‌ ده‌گرێ، بۆ ئه‌وان گرینگ ئه‌وه‌یه‌ كه‌ عێراق بخه‌نه‌ ژێر ڕكێفی خۆیان و له‌و ڕێگایه‌وه‌ پێوه‌ندی یان له‌ گه‌ڵ ئێران باش كه‌نه‌وه‌. چاودێرانی سیاسی دان به‌وه‌دا ده‌نێن كه‌ زیانی له‌ ده‌ست دانی ئێران دوای شۆڕشی ١٩٧٩ بۆ ئامریكا، زۆر زه‌ره‌رمه‌ندتر بووه‌ له‌و زیان و خه‌ساره‌ته‌ گیانی و ماڵی یه‌ی كه‌ له‌ شه‌ڕ دژی ڤێتنام دا تووشی هات. كه‌وا بوو، هێنانه‌ ژێرڕكێفی ئێران یه‌كێك له‌ ئامانجه‌ گه‌وره‌كانی ئامریكایه‌. له‌و حاڵه‌دا ( سیاسه‌تی زاڵ بوون و گه‌ڵ كێشانی ئامریكا) به‌ سه‌ر گرینگترین زه‌خیره‌ و سه‌رچاوه‌ نه‌وتی یه‌كان و ناوچه‌ نیزامی یه‌كان دا جێگیر ده‌بێ.  به‌م پێ یه‌ پاكستان، ئه‌فغانستان و ژماره‌یه‌ك له‌ ولإتانی قه‌فقاز و ئازه‌ربایجان، توركیه‌، ئێران و عێراق و هه‌روه‌ها زۆربه‌ی ولإتانی عه‌ره‌بی ده‌كه‌ونه‌ ژێر چاودێری ڕاسته‌وخۆی ئامریكا.  باشه‌ له‌ ئاوا هه‌ل و مه‌رجێك دا ئه‌ركی ئێمه‌ و گه‌لانی ژێرسته‌می عێراق چی یه‌؟ ئایا ده‌بێ له‌ هه‌ڵبژاردن دا به‌شداری بكه‌ین یان ڕێگای بایكۆت (ده‌نگ نه‌دان) بگرینه‌ پێش؟!

ئێمه‌ ئاگادارین كه‌ بن لادنی له‌ بنه‌ڕه‌ت ئامریكایی، به‌لإم به‌ ڕواڵه‌ت دژی ئامریكا، داوای له‌ خه‌ڵكی عێراق كردووه‌ له‌و هه‌ڵبژاردنه‌دا به‌شداری نه‌كه‌ن، له‌ لایه‌كی دیكه‌وه‌ ئایه‌توڵلإ عه‌لی سیستانی وه‌ك به‌رزترین پله‌ی ئایینی شیعه‌ له‌ عێراق دا، داوا له‌ شیعه‌كان ده‌كا له‌ هه‌ڵبژاردن به‌شداری بكه‌ن.  ئه‌م دوو كه‌سه‌ (بن لادن و سیستانی) ئامریكای خه‌نی كردووه‌. چوونكه‌ ئه‌م دوو به‌ ناو ڕزگاریده‌ره‌ی گه‌لان نه‌ حه‌ز ده‌كه‌ن سونی یه‌كان به‌ شێوه‌یه‌كی به‌ربلإو به‌شداری بكه‌ن و نه‌ له‌ دڵه‌وه‌ پێ یان خۆشه‌ كورده‌كان به‌شدار بن.  بۆیه‌ ئه‌ركی نیشتمانی له‌ ئێمه‌ ده‌خوازێ كه‌ نه‌ له‌ سه‌نگه‌ری بن لادنه‌وه‌ هه‌ڵبژاردن بایكۆت بكه‌ین و نه‌ له‌ به‌ر دڵی ئایه‌توڵلإ سیستانی له‌ هه‌ڵبژاردن دا به‌شدار بین، به‌ڵكوو به‌ كوێری چاوی ئه‌و كه‌سانه‌ی كه‌ نایانه‌وێ سه‌ركه‌وتنی كورده‌كان له‌ سووچێكی ئازادی ئه‌و كوردستانه‌دا ببینن، به‌ گشت هێز و توانامانه‌وه‌ تێبكۆشین و خه‌ڵك هان بده‌ین تا  بچنه‌ پای سندووقه‌كانی ده‌نگ دان و پیشان بده‌ن كه‌ به‌ چاره‌نووس و داهاتووی خۆیان دڵگه‌رمن.  بێگومان به‌شداری نه‌كردنی ئێمه‌ی كورد، به‌ر له‌ گشت كه‌س مه‌لاكانی دژی كورد له‌ ئێران و توركه‌ به‌رچاوته‌نگه‌كان و له‌ كۆتایی دا ئامریكا خۆشحاڵ ده‌كا. ئێمه‌ ده‌زانین كه‌ هه‌ڵبژاردن به‌ڕێوه‌ ده‌چێ و ئاكامه‌كه‌شی تا ئه‌و جێگایه‌ی به‌ قازانجی ئامریكا بشكێته‌وه‌، ڕاده‌گه‌یه‌ندرێ. ئه‌گه‌ر ئێمه‌ به‌شداری نه‌كه‌ین گه‌وره‌ترین زه‌بر له‌ خۆ ده‌ده‌ین و ئه‌و كات بیانوو ده‌ده‌ینه‌ ده‌ست ئامریكای یه‌كان و ڕێژیمی ده‌ستنێژی ئه‌وان كه‌ به‌ هۆی به‌رچاو نه‌بوونی ئه‌ندامانی كورد له‌ پارلمان دا ناتوانین له‌ ویست و داوخوازه‌كان مان داكۆكی بكه‌ین. له‌و حاڵه‌دا دوو ڕێگا له‌ به‌رامبه‌رمان سه‌وز ده‌بێ: یان ده‌بێ مل كه‌چی هه‌موو داوایه‌ك بین یان دیسان جارێكی تر چه‌ك له‌ شان كه‌ین و چیاكان بمگره‌ هاتم. بۆیه‌ ئاواته‌خوازم ڕێگه‌ی سێهه‌مێكیش هه‌بێ و ئه‌ویش به‌شداری به‌رچاو له‌ هه‌ڵبژاردن و گرتنه‌ پێشی ڕه‌وتێكی دیموكراتیك بێ تا له‌ سه‌نگه‌رێكی به‌هێزه‌وه‌ داوخوازه‌ ڕه‌واكانی گه‌له‌كه‌مان بهێنینه‌ دی.

٢− ئه‌وه‌ی كه‌ تا ئه‌وڕۆ ده‌ستگیرم بووه‌، به‌شداری نه‌ته‌وه‌ بنده‌سته‌كان به‌ تایبه‌ت گه‌لی كورد وه‌ك دوویه‌مین هێزی چاره‌نووس ساز له‌ هه‌ڵبژاردن دا، نه‌ به‌ قازانجی ئامریكایی یه‌كانه‌ و نه‌ له‌ به‌رژه‌وه‌ندی شیعه‌كانه‌.  هۆكه‌شی ئه‌وه‌یه‌، ئه‌گه‌ر گشت نه‌ته‌وه‌ ژێرده‌سته‌كان چالاكانه‌ له‌ هه‌ڵبژاردن دا به‌شداری بكه‌ن، له‌ حكوومه‌تی داهاتوودا نه‌ شیعه‌كان ده‌توانن زۆرینه‌ی ڕه‌ها (اﮑﺜریت مطلق) به‌ ده‌ست بێنن و نه‌ لایه‌نه‌ به‌رچاوه‌كانی تر(عه‌ره‌بی سونی). كه‌واته‌ به‌ به‌شداری هه‌مه‌لایه‌نه‌ و به‌رچاو له‌ هه‌ڵبژاردن دا، بار و دۆخێك دێته‌ ئاراوه‌ كه‌ گه‌لانی عێراق بتوانن به‌ لانیكه‌می مافی خۆیان بگه‌ن. به‌لإم ئه‌گه‌ر ئێمه‌ وه‌ك كورد ئه‌و هه‌ڵبژاردنه‌ بایكۆت بكه‌ین، بێشك و گومان شیعه‌كانی لایه‌نگری ئێران و ئامریكا براوه‌ ده‌بن و له‌ گه‌ڵ ئه‌وه‌ش ده‌چینه‌ به‌ره‌ی جه‌نایه‌تكارێكی وه‌ك بن لادن و باڵی ئیسلامی توندڕه‌و له‌ نێو خۆمان دا به‌ هێز ده‌كه‌ین كه‌ ئه‌مه‌ ویست و داوخوازی هیچ كه‌س له‌ ئێمه‌ی تینووی ئازادی و دیموكراسی نی یه‌.

٣− ئه‌گه‌ر من به‌ شێوه‌یه‌ك داواكاری به‌شداریی به‌ربلإوی خه‌ڵك و به‌ تایبه‌ت كورده‌كانی عێراق له‌ هه‌ڵبژاردن ده‌كه‌م، ده‌گه‌ڕێته‌وه‌ بۆ ئه‌و باوه‌ڕه‌ قووڵه‌م به‌ دیموكراسی و دڵنیام ئه‌مه‌ هه‌لێكی زێڕین و ده‌گمه‌نه‌ كه‌ بۆته‌ نه‌سیبی نه‌ته‌وه‌ی كورد له‌ به‌شێكی كوردستان و (كورد) ده‌توانێ به‌ به‌شداری به‌رچاو، خۆی نیشان بدا و مافی زه‌وت كراوی كه‌ سالإنێكه‌ به‌ چه‌ك و قه‌ڵه‌م له‌ شار و دێ و ده‌شت و چیا خه‌باتی بۆ ده‌كا، ئێستا له‌ ڕێگای هه‌ڵبژاردنی ئازاده‌وه‌ وه‌ ده‌ستی بێنێ. 

له‌ ئه‌نجامی ئه‌م كاره‌دا، ده‌توانین دوو ئاكام وه‌ ده‌ست خه‌ین كه‌ له‌ هه‌ر دوویان دا زه‌ره‌رمه‌ند نابین. یه‌كه‌م: ئه‌گه‌ر سه‌ركه‌وتین و ده‌سه‌لإتدارانی ئامریكامان ناچار كرد كه‌ دان به‌ ماف و خواسته‌كان مان دا بنێن، بێگومان ئه‌م سه‌ركه‌وتنه‌ له‌ مێژوودا ده‌نووسرێ كه‌ ئێمه‌ی كورد له‌ وه‌ ده‌ست هێنانی مافی گه‌لی خۆمان دا ئه‌و لیاقه‌ته‌مان هه‌بووه‌ و هه‌یه‌.  دوویه‌م: ئه‌گه‌ر دوای ئه‌م هه‌ڵبژاردنه‌ش زلهێزه‌كان په‌نایان بۆ هه‌مان فێڵ و ته‌ڵه‌كه‌ی جاران برده‌وه‌ و له‌ به‌ر ڕازی كردنی دڵی هاوپه‌یمانانی خۆیان، واته‌ توركیه‌، ژماره‌یه‌ك له‌عه‌ره‌به‌ ڕه‌گه‌زپه‌رسته‌كان، شیعه‌كانی عێراق و سه‌ره‌نجام ئێران، ویستیان مافی ئێمه‌ پێشێل بكه‌ن، ئه‌وكات دنیا ده‌بینن و تێده‌گه‌ن كه‌ خه‌باتی ده‌یان ساڵه‌ی ئێمه‌ی كورد ڕه‌وا بووه‌ و ڕواڵه‌تی ناشیرینی سیستمی قازانج ویست و دژی كوردی ئه‌وان  باشتر ده‌رده‌كه‌وێ و له‌ لایه‌كی تره‌وه‌  ناوه‌رۆكی دژی گه‌لی و دژی كوردی ئامریكا بۆ ئه‌و گه‌نجانه‌ پتر ئاشكرا ده‌بێ كه‌ هێشتا وه‌ك ڕزگاریده‌ر چاو له‌ ئه‌و ولإته‌ ده‌كه‌ن. هیوادارم ئه‌م هه‌ڵبژاردنه‌ له‌ به‌رژه‌وه‌ندی هه‌موو نه‌ته‌وه‌ و پێكهاته‌كانی عێراق دا بێ.

 

        دکتر گلمراد مرادی

Dr.GolmoradMoradi@t-online.de