ڕۆژی جیهانی منداڵاندایک و باوکانی ئازیز له‌ ڕۆژی جیهانی منداڵان دا به‌ پێویستمان زانی که‌ چه‌ند خاڵێکی تایبه‌ت به‌ مافه‌کانی منداڵان که‌ له‌ ئایین‌نامه‌ی جیهانی منداڵان دا هاتووه‌ بخه‌ینه‌ به‌ر چاوی ئێوه‌.

1 ـ له‌ به‌رامبه‌ر کرده‌وه‌ی ناپه‌سه‌ند و غه‌ڵه‌تی منداڵه‌کانتان دا له‌ کرده‌وه‌ی وه‌ک ته‌نبێ کردن و شکاندنی منداڵه‌که‌تان که‌ڵک وه‌ر مه‌گرن، دایک و باوک یه‌که‌مین که‌سن که‌ به‌رپرسی گه‌وره‌ کردن و به‌ره‌و پێشبردنی منداڵه‌کانن.

2 ـ منداڵان مافی خۆیانه‌ که‌ ئه‌و شتانه‌ی که‌ په‌یوه‌ندیان به‌ خۆیانه‌وه‌ هه‌یه‌، بیرو رای خۆیان به‌ ئازادانه‌ ده‌رببرن و بریاری له‌ سه‌ر بده‌ن.

3 ـ یاری کردن و پشوو دان و گه‌شت و چالاکی تایبه‌ت به‌ منداڵان مافی هه‌موو منداڵێکه‌.

4 ـ هیچ که‌س حه‌قی نییه‌ که‌ منداڵان به‌ زۆر ناچار به‌ کارێک بکات که‌ له‌ گه‌ڵ ته‌مه‌نی ئه‌و منداڵه‌ نایه‌ته‌وه‌.

5 ـ ده‌بێ هه‌ل‌ومه‌رجێک بۆ منداڵان بره‌خسێندرێ که‌ منداڵ بتوانێ ده‌وربه‌ر و سروشتی نێزیک به‌ ژیانی خۆێ بناسێ و هه‌وڵ بدات بۆ پاراستنی ژینگه‌ی ده‌وربه‌ری خۆی.

6 ـ منداڵان مافیان هه‌یه‌ که‌ شێوه‌کانی خۆپاراستن و پاک و خاوێنی فێر ببن.

7 ـ پاک و خاوێنی و ساخڵه‌می یه‌کێک له‌ مافه‌ سرووشتی‌یه‌کانی مندالانه‌ و ده‌بێ بۆ منداڵان پلان و به‌رنامه‌ی خۆپاراستن و چاوه‌دێری پاک و خاوێنی به‌ره‌و پێبدرێ و ... .

 

ده‌سپێک