کاکه
نهبى بهخێرهاتى. نووسینی: بێ بهش
ئهمشهو دروێشانى خانهقاى عیشق و ئازادى له دهورى بیرهوهریت زکرێ
دهکهن. سهرماوهزه و ئهمشهو سهرما له بهرانبهر تینى دڵى رێبوارانى
رێگهکهتدا بهچۆک داهاتوه و چى له دهست نایه. ئهمنیش ئهمشهو ههر له
ئێوارهوه که خۆر چهپکه تیشکهکانى کۆکردنهوه و له ئهنگۆرێ ئاوابوو،
بڕیارم دا به شانهى وهفادارى زوولفى کیژى ههست دابێنم و بۆ دهیهمین ساڵى
چاولێک نانت کۆڕى یادى پێبگرم. ئاخر تۆ بووى به پشتى نهوهستان سینگى رێى
خهباتت کوتا و تهختت کرد، ئاخر تۆ بووى به شمشیره تیژهکهى باوهڕ سینگى
بێباوهڕییت شهق کرد، به راسانت دژى کوردت ههراسان کرد، کوردستانت له ناوى
پیرۆزت پڕکرد.
ئهمشهو گهڕام و ههر گهڕام ههتا ناوێک بدۆزمهوه تیشکاوێژ بێ وهک چاوانت، به ههیبهت بێ وهکوو باڵات، روون بێ وهک بیروباوهڕت ههتا بڵێم ههر ئهو ناوه ناوى تۆیه. تهنیا یهک وشهم دۆزىیهوه و زانیم پڕ به باڵاى تۆیه، ئهویش وشهى پێشمهرگهیه.
تۆ پێشمهرگهى، تا کورد ههبێ تۆش نامرى و ههر دهمێنى. چهند رۆژى دى گهلهکهت جهژنى ههرمانت بۆ دهگرن، له "26ى سهرماوهز" دێیهوه کۆڕى یارانت؛ به چاوانى پڕ له تیشک و به قهندیلى باڵاتهوه، به پیرۆزى باوهڕى روون و به دونیایهک ئاواتهوه. کاکه نهبى بهخێرهاتى.
نووسینی: بێ بهش
8ى سهرماوهزى 85
ئهم وێنهیه له ماڵپهری پێشمهرگهکان وهرگیراوه
