ئارشیوی ڕۆژنامەی کوردستان

کۆچی دوایی کاک حاجی قادر حوسێنپوور ناسراو بە حاجی قادری بەسرێ باوکی دوو ئەندامی حدک

haji_qadir.jpgبەداخ و پەژارەیەکی زۆرەوە ئاگادار کراین کە ڕۆژی شەممە ڕێکەوتی  ٠٧ـ ٠٥ ـ ٢٠١٧ بەرێز حاجی قادر حوسێن‌پوور ناسراو بە حاجی قادری بەسرێ بە هۆی نەخۆشی شێرپەنجە

لە تەمەنی ٨٥ ساڵی دا کۆچی دوایی کرد.

حاجی قادر حوسێن پوور لە ساڵی ١٣١١ ی هەتاوی لە گوندی بەسرێ  لە ناوچەی ڕەبەت لە ئامێزی بنەماڵەیەکی کورد پەروەر و کاسبکار دا لە دایکبوو. کاک حاجی قادر وەک مرۆڤێکی جێگای باوەری خەڵک لە گوندی بەسرێ و ناوچەی ڕەبەت و سەردەشت بۆ خەڵک ناسراو بوو، مرۆڤێکی خۆشەویست و نیشتمان‌پەروەر بوو، ماڵەکەی ماڵی هەموو لایەک بوو، کاک حاجی کوڕ و کچەکانی فێری نیشتماندۆستی و کوردپەروەری کردووە و بۆ خۆشی هەمیشە یارمەتیدەری کەسانی هەژار و دەست کورت بووە و لە سەریەک مرۆڤێکی بە هەڵوێست و گەل دۆست بووە.

کاک حاجی قادر یەکێک لەو کەسانە بوو کە بە هۆی بۆمبی شیمیایی‌یەوە زامی هەڵگرتبوو و لە ریزی ئەو کەسانە دا بوو کە پێویستی بە دەرمان و پێراگەیشتنی تایبەت بە خۆی هەبوو. بەداخەوە بە هۆی کاری سیاسی و ئەندام بوونی کاک ڕەحمان لە حیزبی دێموکراتی کوردستان دا کاک حاجی لە بوونی کاک ڕەحمان لە تەنیشتی خۆی بێ بەری بوو و ئەوەش هەم کارتێکەری لە سەر ژیانی کاک حاجی هەبووە و هەمیش لە سەر کاک ڕەحمان . جیا لە کوڕی گەورەی دواتریش کوڕێکی دیکەی بە ناوی ڕەحیم خۆی لە ریزەکانی حیزب دا وەک ئەندام ناونووس کردوە و بەداخەوە ئەویش وەک کاک ڕەحمان هەر نەیتوانیوە کە لە تەنیشت کاک حاجی بمێنێتەوە.

بە بۆنەی کۆچی بەرێز حاجی قادر حوسێن‌پوور ئەندامانی بنەماڵەکەی کۆڕێکی پرسە و سەرەخۆشی لە شاری ستۆکهۆڵم (ئوپلاندس‌وێسبی) لە ڕۆژی شەممەدا بەرێوە دەبەن.

ڕۆژی شەممە ڕێکەوتی ١٣ ـ ٠٥ ـ ٢٠١٧

کاتژمێر ١٢ تا ١٦

Galoppgatan 77

Upplandsväsby

بۆ پەیوەندیگرتن دەتوان لە ڕێگای ئەم ژمارە تەلەفوونانەی خوارەوە پەیوەندی لەگەڵ کاک ڕەحمان و کاک ڕەحیم کوڕی کاک حاجی قادر بگرن.

 ٠٠٤٦٧٣٩٦٧٩٠٧٣ ڕەحمان حوسێن‌پوور لە سوئێد

٠٠٤١٧٧٩٠٣٠١٦٩ ڕەحیم حوسێن‌پوور لە سوئیس

........................................................

بە بۆنەی کۆچی دوایی کاک حاجی قادر حوسێن‌پوور لە ناخی دڵەوە سەرەخۆشی لە بنەماڵەی بەرێزیان و و هەموو خزم و دۆست و ئاشنایانی لە نێوخۆی وڵات و دەرەوەی وڵات بە تایبەت کاک رەحمان و هاوسەر و منداڵەکانی و کاک رەحیم دەکەم و خۆم بە شەریکی خەمی لە دەستدانی کاک حاجی قادر دەزانم. ڕووحی شاد و بەهەشتی بەرین جێگای بێ.

حەمەرەسووڵ کەریمی