b_300_220_16777215_00_images_HAWAL_poshper1396sardasht_2.jpgڕۆژی چوارشەممە ڕێکەوتی ٠٧ ـ ٠٤ ـ ١٣٩٦ ی هەتاوی منداڵ و مێرمنداڵ و گەنج و لاو و بە ساڵاچوانی سەردەشت بە ژن و پیاو و کچ و کوڕەوە بە هەموو توێژەکانی کۆمەڵگای شارەوە لە ناوەندی شاری سەردەشت، لە مەیدانی سەرچاوەی شار کۆبوونەوە و بە حەشیمەتێکی زۆرەوە بە ڕێپێوان و بە درووشم دان و خوێندنەوەی سروودی نیشتمانی و نەتەوەیی و هەڵگرتنی دەیان پلاکارد و نووسینی تایبەت بە شاری خنکێندراوی سەردەشت و نا بۆ کشتی کاسبکار و کۆڵبەران بەرەو گۆرستانی گردەسوور کەوتنە ڕێ.

 

b_300_220_16777215_00_images_HAWAL_poshper1396sardasht.jpgگەنج و لاوانی شاری سەردەشت لە ماوەی ڕێگادا بە گووتنەوەی چەندین سروودی نیشتمانی و نەتەوەیی سرنجی هەموو لایەکیان بۆ لای خۆیان راکێشا و لە ماوەی ڕێپێوانەکەدا خەڵکی گەڕەکەکانی دیکەی شاریش بە ڕێپێوانەکەوە زیادی دەکرد و تا دەهات ئاپۆرای خەڵک زیاد و زیادتر دەبوو، جێگای ئاماژەیە کە خەڵکێکی زۆر لە ناوچە جیاجیاکانی دیکەی ڕۆژهەڵاتی کوردستان و خەڵکی هەڵەبجە و چەندین کۆمەڵە و ڕێکخراوی مەدەنی جۆراوجۆر لە یادی ٣٠ ساڵەی ژینوسایدی سەردەشت دا بەشداریان کرد و یادو بیرەوەی ئەمساڵی شیمیابارانی سەردەشت ڕەنگ و بۆن و بەرامەی تایبەت بە خۆی هەبوو.

یادو بیرەوەری ئەمساڵ لە لایەن چالاکانی مه‌ده‌نی و فه‌رهه‌نگی و ژینگه‌پارێزانی کورد، پێک هاتبوو ، جێگای سرنجە کە خەڵک بە گشتی لە ئاست کەم تەرخەمی و پێرانەگەیشتن بە زامداران و قوربانیانی ئەم کارەساتە ڕوویان لە حکوومەت کرد کە ناکرێ ئەم هەموو زامدارە پشت گوێ بخرێن و پێویستە کە ئاوڕیان لێ بدرێتەوە و لە هەمان کاتدا هەر جۆرە کەمتەرخەمی‌یەک بەرامبەر بە زامداران و زیان بەرکەوتووانی شیمیابارانی سەردەشتیان بە تووندی شەرمەزار کرد و هاوکاتیش هاوخەمی و هاوپەیوەندی خۆیان لەگەڵ بنەماڵەی شەهیدان و زامداران دووپات کردەوە.

 

b_300_220_16777215_00_images_HAWAL_poshper1396sardasht_1.jpgبه‌شێکی دیکەی ئەم خۆپێشاندانە هێمنانەیە تەرخان کرا بوو بۆ پرسی کاسبکار و کۆڵبەرانی کورد و تەقەی هێزە بە ناو ئەمنییەتی‌یەکانی کۆماری ئیسلامی لە کۆڵبەران و کاسبکارانی بێ دیفاعی سەر سنوورەکان . لەو پەیوەندی‌یەدا بە دەیان درووشم و پلاکاردی ڕەنگی و بە نووسینی پڕ نێوەرۆکەوە بە دەستی خۆپێشاندەرانەوە دەبیندرا و ئەوەش نیگەرانی بۆ بەرپرسان و بۆ هێزە بە ناو ئەمنییەکان و لیباس شەخسی‌یەکان درووست کردبوو، هەر بۆیە چەندجار لە لایەن لیباس شەخسی‌یەکانەوە هەوڵ درا کە ئەو پلاکارد و نووسینانەی تایبەت بە کۆڵبەران بوو کۆ بکەنەوە، بەڵام بە هۆی راوەستاوی و یەکگرتوویی خەڵک نەیانوێرا کە زیاتر لەوە پێی خۆیان درێژ بکەن.

سروودی خوایە وەتەن ئاواکەی بە دەنگی خۆپێشاندەرانی شاری سەردەشت

سروودی بە تەنیا جێم مەهێڵن بە دەنگی خۆپێشاندەرانی شاری سەردەشت

شەهید پێشەوا قازی محەممەد

شەهید پێشەوا قازی محەممەد
سەرۆک کۆماری کوردستان شەهید پێشەوا قازی محەممەد