reza_shwani.jpgمن کوردێکی بچووکم
رەسەنزادەی کەرکووکم
کەرکووکی کوردستانم*
زێدی شیرین و جوانم

بە هێز و بیر و هۆشم

بۆ کەرکووک تێ دەکۆشم

 کەرکووکەکەم پێناسەم

دڵ و خوێن و هەناسەم

باوە گوڕگوڕ مەشخەڵم

گڕی هەمیشەی دڵم

کەرکووک بێ تۆ هەڵناکەم

هەرگیز لە یادت ناکەم

نەرویج : ٢٠٠٠

 


سروودی من

کوردە گەلی قارەمانم

کوردستانە نیشتمانم

پێشمەرگەیە پاسەوانم

ئازادی یە هیوای ژیانم

 

کوردستانم سۆمای چاوم

دڵ و هەناسە و هەناوم

هێزی گوڕی تین و تاوم

هۆگری تۆم هەتا ماوم

 

کوردستانم بە یەزدانم

هەردەم وێردی سەر زمانم

دروشم و بەڵێن و پەیمانم

کوردستانم یا نەمانم

کەرکوک : ١٩٧٠

 


مەتەڵ

مەتەڵەکەم ئاسانە

خۆشترین شوێنی جیهانە

 

لە هەشت پيتی تەواوە

بێ دووبارە کراوە

 

ناوی لەسەر زارمانە

پیرۆزە و نیشتمانە

شوێنی نەتەوەی کوردە

لانەی شێری نەبەردە

 

زیرەکی خۆت بنوێنە

 چی یە ناوي ئەم شوێنە ؟

هاوارکە بێ راوەستان

ئاوەدان بی کوردستان

ئەڵمانیا :  ١٩٩٨

 


ئاڵا کەمان

ئاڵاکەی کوردستانم

ئاڵای رەنگین و جوانم

بشەکێوە لە ئاسمان

خۆشەویستر لە گیانم

 

 ئاڵای بەرز و پیرۆزم

رەنگ سوور و سپی و سەوزم

رۆژەکەت ئازادی یە

هێماشە بۆ نەورۆزم

 

ئاڵاکەم رێزت دەگرین

لە هەر شوێنێک دا بژین

لە دڵمان دا شیرینی

بە تۆوەیە سەربەرزین

نەرویج : ٢٠٠٠

شەهید پێشەوا قازی محەممەد

شەهید پێشەوا قازی محەممەد