amin_gerdiglani.jpgخەم دڵی خستوومه جەغزی ئاگری ژانێکەوە
هەرشەوەی دەخزێمەرووحی سەوزی گریانێكەوە

بۆیەشەوئەشکم دەبێتە گوڵ وشەی شێعری ئەوین
 ڕۆژ نیگام ده درووم به تیشکی نیو نیگای جوانێكەوە

گوندی ژینم بۆتە جاڕی خوێن و فرمێسک و برین
 بۆنی مەرگه و دێ له نێو هەر ماڵ و کۆڵانێکەوه

رۆژ فه لای بیرم له مه زرای دڵ دەچێنێ تۆوی ژین
 هەر کە شەودێ وێڵە بەدوای ڕەنگ و بۆی نانێكەوه

پێ له هەرجێگایه دانێم تیغ و پشکۆ و ئاگره
 بۆ پشوودان بچمه ژێر که پری چ ئاسمانێکەوه

ئەو مەلانەی ساڵەهایه لەم هەرێمه کۆچ ئەکەن
 ئێسته چوونه نێو ڕكەی قینی چ یەزدانێکەوه

زایەڵەی هاواری شێعری دڵ بەژانی ئەمشەوم
 چۆته شمشاڵی دڵی خنکاوی چ شوانێکه وه؟

دڵ ڕەگی تینووی درەختی ئەشقی ژینەبۆیه من
 سەر دەنێمه باوه شی گشت قەتره بارانێكەوه

ئەمین گەردیگلانی