adebohoner1هەزاران کانیاو
هەزاران زەمەندی بەر کانیاو
هەزاران وەنەوشەی قراخ جۆبارو


جوانترین سیمای پڕ لە بزە
رێکو پێک ترین هەیکەلی داتاشراو
دەنگی حەزرەتی خانی
تەواوی رەنگەکانی گوێی زەوی
دێنمە بەرچاو
هەموو ساڵێک کە لە نەورۆز نزیک دەبمەوە
بیر لە ڕێبوارانی رێگای نەورۆز دەکەمەوە
هەموو جارێک بڵێسەی ئاگری
بابا گوڕگوڕو بڵێسەی ئاگری
پڕ لە ورەت وەبیر دێنمەوە
دەبمە میوانی شەهیدو
هەنگاو بە بەنگاو دێمەوە لات
تۆ چرای شەوەزەنگی هەموو نەتەوەی کوردی
رێگوزەری سەراسەر مێژووی سەردەمی
لەهەموو کازیوەیەکدا دەنگی پڕ لە سۆزی
نیوەشەوانی چوار چراو
هەموو ڕستەکانی دووڕگەی تەنیایی
لە پانتایی وڵاتی رۆژو
نزیکترین لە خۆرە تاو
هۆ مەشغەڵی دەستی کاوەی ئاسنگەر
تۆ رمبی تیژی بۆ چاوی داگیرکەر
ئەو کات کە چل میلیون جووتیارت لە ئامێز گرتو
لاوێن لاوێن لاوێنی کۆرپەی کۆمارت لە چوارڕێیانی
هەموو وڵات کردە داری ئاوات
هاوڕێی لە گەڵ ئازارەکانت
دێم بەسەر دێم یا پاپەتی وبێ پێڵاو .
جەعفەر/ کەریمی

شەهید پێشەوا قازی محەممەد

شەهید پێشەوا قازی محەممەد
شەهید پێشەوا قازی محەممەد یەکەم سەرۆک کۆماری کوردستان.