adebohoner1چاکە نابینم لە کەس کوان کۆڕی یارانم لە کوێن

خۆشەویستی بۆ بەسەر چوو خۆشەویستانم لە کوێن

ئاوی ژین وا لێڵ بووە کەس بۆی نیە گوێم لێ گرێ

کوانێ هاوڕێی رۆژی سارد ورێی هەوارانم لە کوێن

ئەو دەمەی من قیت وقنج بوم ئەسپی ژینم تاودەدا

ئێستە مات وکەسەرم ئەی شوڕە سوارانم لە کوێن

من لە بەحری ژیان نەوەستاوم مەلەم بووە ئارەزوو

ئەو ڕۆ پیل بەستەم نزانم ڕێ هەواڵانم لە کوێن

ژین وەکو کەکراوە دەفرەی تاقەتم لێو رێژ بووە

کوانی مەی ساقیش ونە مەست و ئەوینداران لە کوێن

زۆر لە مێژە چاوەڕوانم بۆی نەما سۆما لە چاو

ناگرن دەستم وەکو کوێران دەڕۆم دۆستان لە کوێن

پشت چەما پاردەش ڕما ئەوەند لێی هەڵتو تەکێم

باوی رۆیشتن چوو لە دەست دار دەست وگۆچانم لە کوێن

چوار تەنیشتم کۆ بە کۆ تۆزی ڕنوو لێی نیشتووە

کوا بەهار ؟ گەرمایی هاوین پاییز وزستانم لە کوێن

دەردە کوردیش باس مەکە ژانی لە هەموان زێدەتر

تان وپۆی جەستەی تەنیوم چارەسەر کاران لە کوێن

گەر بڵێم وادەی تەمەن خێرا وەکو تیری کەوان

دەرچوو قەت تاوێ نەحەسیام رێڕەوی جاران لە کوێن

ئێشو ئۆفیش وەک فرێزووراخوشاوە بێ ئیزن

مۆڵگە دەردە ئەو لەشە ساڕێژو دەرمانم لە کوێن

هەر لە منداڵی هەتا پیری هەموو وەزێک تراویلکەی وەرانم

من کە دونیای دی بە دی ناکەم خودای راستان لە کوێن ؟

( بۆ یادی تازە کۆچ کردوو مامۆستا ، هێرش چیڕە ، )

جەعفەر کەریمی/ ت/ فەنلاند

شەهید پێشەوا قازی محەممەد

شەهید پێشەوا قازی محەممەد
شەهید پێشەوا قازی محەممەد یەکەم سەرۆک کۆماری کوردستان.