cheko_baran.jpg' ‌کانی' یەک بووم
‌چاوم بە شیلەی
‌هەنگ دەڕشت
‌پێشمەرگەم ماچ باران دەکرد

 

 ‌شەرمە کیژان

 ‌شێعری تەڕمیان دەبەر دەکرد

 ‌ڕێبوارانی

 ‌کات و پەلە

 ‌ڕێی تینوێتیان بۆ دەشکاندم

 ‌باڵا باڵا باڵام دەکرد

 ‌کە باوەشم

 ‌دەبوو بە ژوانی...

 ‌ترێ ڕەشەی چاو و

 ‌نۆکە فەریکەی فرمێسک و

 ‌بەهێی بۆن زەردی سەرچۆپی!

.........
 b_300_220_16777215_00_images_cheko.jpg‌ڕۆژێک
 ‌نوێژێکی ڕیام درکاند

 ‌حوکمی بەردبارانیان سەپاند!

 ‌لە سەر خۆشەویستی قەڵەم

 ‌چیمەنتۆیان کردە قوڕگم‌

 ‌بیری ژیان

 ‌بەرەو ڕوبار هەڵی گرتم

 ‌دەریام ناسی...

 ‌لەم ڕۆژەوە

 ‌هەراسانم

 ‌گەڕانەوە دەمهەژێنێ

 ‌بۆنی ماچ و تامی دیدار

 ‌دەمتاسێنێ

 ‌بووم بە شەپۆل

 ‌دێمە کەنار بە هەڕەشە و

 ‌ڕوەو دەریام بە ئارامی 

 ‌ئەم ڕاژان و ڕاپسکانەم

 دوایی نایەت؟

باران وتی:‌

 ‌تۆ نازانی...

 ‌تازە نابیەوە بە 'کانی'!!

 ‌ڕ.پ.چەکۆ

شەهید پێشەوا قازی محەممەد

شەهید پێشەوا قازی محەممەد
شەهید پێشەوا قازی محەممەد یەکەم سەرۆک کۆماری کوردستان.