anfali_spi1.jpgله‌ چاوانی ئاوێنه‌ دا تۆ ده‌بتنم
ماندوو ماندوو
 به‌رد به‌ به‌ردی
ژیانی خۆت

 به‌ سه‌ر خۆت دا

 رووخاندوه‌

كه‌ نێزیكتر لێت ده‌روانم

 تێده‌گه‌م وا

 نه‌ بۆ چاوی نازدار

 سه‌رت هه‌ڵدێ

 نه‌ بۆ سبه‌ی مناڵه‌كه‌ت

 هیچت پێیه‌

له‌ بیرت نیه‌

بابت ده‌ی گوت ؟

پێم خۆشه‌ له‌ خۆم پیاوتر بی؟

 دایكت مه‌گه‌ر به‌ تۆی نه‌گوت ؟

 شیری مه‌مكمت حه‌لال نه‌بێ

 كه‌ له‌ رێگای نیشتیمانا سه‌رت نه‌ده‌ی؟

خوشكت نه‌بوو؟

 رۆژێ سه‌د جار

 ده‌ی كردیه‌ قاره‌مانی خۆی؟

برات دیگوت برا له‌ پشت برا بێت

بۆ وا رووخای؟

چیت به‌ سه‌ر هات؟

وه‌كو گه‌ڵای هه‌ڵوه‌روی

 وه‌رزی پاییز

 سیس و داماو

 هێزت نیه‌ سه‌ر هه‌لێنی

هه‌سته‌ به‌ خۆت داوه‌ره‌وه‌

 ئاخر مژی ئه‌و دووكه‌ڵه‌ت

 بكه‌ له‌ چاوی دووژمنت

 تا چیتر

 قا قا لێ نه‌دات

كامران شافێعی

19.05.2014

شەهید پێشەوا قازی محەممەد

شەهید پێشەوا قازی محەممەد
شەهید پێشەوا قازی محەممەد یەکەم سەرۆک کۆماری کوردستان.