rebwar_hassan.jpgبۆ پارتی ‌سەوز باشترە ماڵئاوایی لە ئیسلامیزمیەكان بكات و خۆی لە بیری ئیسلامیزم پا‌ك بكاتە‌وە و بگەڕێتەوە دیدی سەرەتای بزوتنەوەی سەوز. بۆ ئەوەی سەوزەكان بتوانن متمانەی

سیا‌سەتێكی سەوز دروست بكات، بۆ ئەوەی هۆشیاری گشتی خەڵك لە پرسی ژینگە و بەتایبەتی ئەندامانی پارتی سەوز بەرزتر بكاته‌وە و، پێویستە هەنگاوی خێراتر بنێت ، بەرەو ئاراستە‌ی خۆپارێزی لە ئیسلامیزم.
لە بارودۆخی مرۆڤدۆستی و مافی مرۆڤ و ئەو پێشكەوتوانەی وڵاتانی ئەوروپا بەدەستهاتوون، ئێستا بەهۆی ئیسلامیزمەوە بەرەو رووی مەترسی بوەتەوە، بەتایبەتی ‌لە سوید ئیسلامیەكان توانیویانە بچنە ناو بواری جیاوازی سیاسە‌‌تی پارتەكانەوە و دیارتر لە ناو پارتی سەوزی سوید، ئەمەش كاری كردۆتە سەر ئاراستەی پارتی سەوزی سویدی و توشی بەریەككەوتنی كردوە لەگەڵ بەرنا‌مەو ئاراستە بناغەییەكانیدا. لەراستیدا هەرچەندە ئیسلامیەكان كەمینەن، بەڵام هەوڵەكانیان زۆرن و زۆر دیار و ڕوون بۆ مەبەستی دیاریكراوی خۆیان كاردەكەن. ئەمەش وادەكات سنوری بۆ ئازادی دابنرێت. پێشتر زۆرمان گوێ لە گوتاری دوژمنكارانە و وتەی مزگەوتەكانی شاری (Gävle , örebro) بوە، لەو گوتارانەدا زۆر جار ئاماژە بەوە كراوە، كە ئەوانەی دەچنە سوریا بۆشەڕ و پشیوانی داعش بێتاوانن و بە‌هۆی پەوەوازەیی و بێكاری و هاڵودەیی وە ڕویان كردۆتە ئەو جەنگە ، ئەمەش جگە لەوەی پاساوە، لەهەمانكاتیشدا هاندانە بۆ پەیوەست بوون بە هێزیكی وەك داعشەوە. لە سوید تاكو ئێستا جیاكردنەوەی ئاین لە دەوڵە‌ت زۆر باش چووەتە پێشەوە، هەندێ جار خەڵك دەیانەوێت لە رێگەی ئاینەوە بەرنامەكانی خۆیان بسەپێنن، بە‌تایبەتی دینی كریستیان لەناو پارتی سەوز. لە‌وە دەچێت بەرنامەیان هەبێت و بیانەوێت ئاینی مەسیحی ببێتە بنەما بۆ هەمو پرسێكی سیاسی، بونمونە خواستێك هەیە تا ژنان بندەستی پیاوان بن، یان گوێ ڕایەڵی پیاوان و خزم و كە‌سوكاریان بن و خۆیان لە‌قوپاتەی قوماشەوە بپێچنەوە تاكو پیاوە مەسیحیەكانی تر توشی گوناح و ئارەزو نەبن. پرسیار ئەوەیە، ئایا كۆمەڵگا دەیەوێت هە‌ردو ڕەگەزی نێر ومێ جیابكاتەوە و مەسیح یش وەكو خوا چاودێری تەنها ژنان بكات؟. یان خواستێك هەیە تا باج و سوی بانكەكان، وەك ئەو ٧٠٠ یاسایەی ناو ئینجیلی كۆن هەیە رێكبخرێت و ئەوە ببێتە بڕیاردەر بۆ پرسەكانی تریش؟. دیارە یاسا ئاینییەكان ئە‌بەدین و ڕونن، ئەوان بەناوی خواوە فەرماندەكەن بۆیە زۆر بەئاسانی دەبێت مرۆڤ تەنها گوێڕایەڵیان بێت، دەنا دەكە‌وێتە خانەی دژایەتی كردنی خواوەو سزای قورسی ئاسمانی دەدرێت، ئەمەش تەنها بۆ ئاینی ئیسلام هەر راستە و نمونەی كارنامەكانی داعش بەرچاون. لای ئەوان ئاشتی گشتگیرو جیهانی كاتێك دروست دەبێت، هەموو مرڤایەتی ڕووبكە‌نە مەسیح و ببنە كریستیان، تۆش دەبێت ئەو فەرمایشتانە قبوڵ بكەیت تا ئاستی شەهید بوون بەچەكی مۆدیرن تا بەهەشتت بەنسیب ببێت.
لەراستیدا ئەمە تەنها بیردنەوەیەكی كۆمیدیانەی خۆم بوو لە جیاتی دینی مەسیحیە‌کە بیکە بە ئیسلامیزم، دەنا لەناو پارتی سەوز مەسیحیەكمان نیە بەم شێوەیە بیربكاتەوە، بەڵام ئەوەی كە هەمانە ئەو ئیسلامیانەن كە لەناو پارتی سەوزدا بونیان هەیە. كەسی دژ بە ڕەگەز پەرستی هەرگیز ناتوانێت بەئاسودەی دەست لەملی ئیسلامیزم و تێڕۆڕیزم بكا‌ت. ئێستا موسڵمانی مۆدێرن لەسوید هەیە كە دژ بە ڕەگەز پەرستی یە بەڵام كاتێك بەرپرسیارێتی وەردەگرێت، دەیەوێت یاسایی ئسیلامی شەریعەتی ئیسلام وردە وردەبخزێنێتە ناو یاساكانەوەو ئەو دیدەی خۆی بسەپێنێت. ئەمڕۆ هەندێك لەو كەسانەی پێشتر وەك دژ بەڕەگەز پەرستی دەردەكەوتن، ئێستا تۆمەتبارن بەبەشێك لە و كارە تیڕۆریستانەی جیهاندا روودەدەن، ئەوەش بەهۆی ئەوەی دەیانەوێت بەناوی ئیسلمۆفۆبی ڕەخنەی دژ بەئیسلامیزم بوەستێنن. پێویستە پارتی سەوز بە توندی پێ لە‌‌سەر بەها‌كانی دابگرێت بەتایبەتی لەبواری یەكسانی، ئازادی ئاین، ئازادی بیر وڕادەربڕین و چاپەمەنی، گرنگە هەموومان داكۆكی لە‌وە بكەیین كە یاسای هیچ دینێك لە پەیكەری كۆمەڵگای مۆدێرنی سویدا نەبێت. هەندێك لە مزگەوت و ڕێكخراوە ئیسلامیەكان دەیانەوێت بەشێكی كۆمەڵگا لە كۆمەڵگای سوید جیابكە‌نەوە. دەڵێن ئێمە دەمانەوێت بیان پارێزین لە خراپەكاری كۆمەڵگای سیكولاریزم، ئەوان نازانن ئەم وڵاتە بناغە‌كەی چۆن دروست بوە و چۆن خێرو بەرەكەتی كۆمەڵگای سیكولاریزم دەخۆن؟. لەهەموی سەیرتریش ئەوەیە بە‌هاریكاری پارەی باجی كاری خەڵكی سویدی سیكولار پەیامی ئیسلامیزمی خۆیان بڵاودەكەنەوە. لەناو پارتی سەوزدا نمونەی ئەم جۆرە ئیسلامیانە هەن، كار ئاڵۆزی دەكەن، بۆیە وادیارە تەم ومژەكان وردە وردە خەریكە دەرەونەوە باشتر دەبینرێن، مەترسیەكان دەردەكەون و كاریگەرییەكانیان لە ناو پارتی سەوزدا رۆشنتر بووەتەوە بەجۆرێك، تەنانە‌ت وەزیری خانوبەرەی سوید كەبە ڕەگەز توركە لەپەرلەمان دەنگی نەدا بە ناساندنی جینۆسایدی ئەرمەنیەكان. بەڵام ئەوان زۆر چالاك بوون لەگەڵ چەند كەسێكی تر بۆناردنی هاوكاری بە‌رە ئەو شوێنانەی توندوتیژی ئیسلامی تیا بەهێز بوو. ئە‌و موسڵمانانەی دێنە ئەم وڵاتە گرنگە قبوڵی ئەوەبكەن ئاین ودەوڵەت لەیەك جیا بكرێتەوە، پێویستە مەودای ئازادییەكان قبوڵ بكەن وكەسیش وەكو كافر سە‌یر نەكەن. ئازادی دەستەبەر كراو بۆ ژنان قبوڵ بكەن، دەستبەرداری خە‌تەنی كچان ببن. داعش لە جەنگدایە دەوڵەتی خیلافە‌تیان راگەیاندوە، لەبەهاری ٢٠١٤ زۆر شوێنیان لە سوریا و عێرا‌ق داگیر كروە، كورد بەگشتی لەدژی داعش لە جەنگدایە، بەڵام بەئاشكرا ئەردۆگان و پارتی( ئا. كە. پە ) زۆربەی ئەو ڕێكخراوە ئیسلامیانەی سوید دەجوڵێنن بۆیە داوا دەكەم چیدی ئەو ڕێكخراوە ئیسلامیانەی پشتگیری ئەردۆگان دەكەن راگریرێن و رێگە نەدەن لەوە زیاتر نفوزی خۆیان لە ئەوروپا بڵاوبكەنەوە.
ڕێبوار حسن ئەندامی پارێزگای ستۆكۆڵم / پارتی سەوزی سوید/ ئەم وتارەم بە زمانی سویدی بڵاوکردۆتەوە ، بۆ خوێنەری کوردی نوسیومە تاکو کەمێک زانیاریان لە‌ سەر گرفتی سیاسی سوید زیاد بکات.
ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.

0046736000681

009647507408616

شەهید پێشەوا قازی محەممەد

شەهید پێشەوا قازی محەممەد
شەهید پێشەوا قازی محەممەد یەکەم سەرۆک کۆماری کوردستان.