rahman_ebrahimzade.jpgدوای هەشتا ساڵ ، لەورۆژانە دا هەواڵێک وەک بروسکە لە ئاسمانەوە دەرکەوت ولە سەرزەوی دەنگی دایەوە، هەواڵی کوچی دوای باڵندیەکی خۆش خوان و شۆرەسوارێکی مەیدانی خەباتی ئازادیخوازی گەلی کورد و ‌

هەڵۆی بەرزە فەری کوێستان و شەپۆلی زەرێبارو کەوەی شەماڵی سەرشاخان و تەرغەی بۆکان و گیارەنگی سەردەشت و پەرەکۆرەی مەریوان و هەڵسوراوی شاروێران و قوتابی قوتابخانەکەی پێشەوا و پێشرەوی هاورییانی دێمۆکرات بوو.
هەواڵێک وەک بروسک لە ئاسمانەوە دەر کەوت و لە سەر زەوی دەنگی دایەوە.
کاتێک ئاوڕ لە مێژووی حیزب و ژیان وبە سەر هاتی کاک فەتاح دەدەینەوە ژیانێک لێوان لێو و پڕە لە لە خۆ بردویی ، چەرمەسەری لە هەمان کاتدا لێورێژە لە شانازی . کاتێک ئەو جەوانە هەڵگری بیری دێموکرات و هەڵسوراوێکی نێو دانیشگاو روناکبیرانە، کاتێک شاڵاوی ساواک تەوژم دێنێ ، ئەو بەندیەکی ناو بەندیخانەکان .کاتێک شۆڕش و هەستانەوەیەک لە رۆژهەلات بلێسە دەستێنێ ئەو تێکۆشەرێکی دیارو جەوانێکی بەبرشت و هاوڕێ و هاوسەنگەری شۆرشگێرانی دێمۆکراتە. .کاتێک کۆشکی پاشایەتی هەرەس دێنێ ئەو لەگەڵ هاورێکانی لە شاری مەهاباد کۆرو سیمیناری ئازادی خوازی پێک دێنی و لاوانی شۆرشگێر رێبەری دەکات. لەو سەردەمە دا دەگەڵ د. قاسملوو پێشەنگی کاروانی ئازادی دۆستایەتی پیدا دەکات و هەر لە هەورامانەوە تا سەر سنوری چۆمی ئاراس دەست بە کاری سیاسی و تەشکیلاتی دەکات. کاتێک شەم شەمە کوێرەکانی سەردەم چەنگیان لە کورسی تاران و جەماران گیر کرد ، میر ئاخوند فتوای جیهاد لە کورد دەدا ، ئەو فەرماندە و رێبەری چەوسانەوەکانە . کاتێک ناوچەی ناو دەشت و باڵەکایەتی سەراپا کراسی سپی زستانیان لە بەر کردبو. سەردەشتی سەر سەوزیش قژی ڕنی بوو. کاتێک ئاخۆندەکانی جەماران لە ئاستی خۆڕاگری و بیر و باوەری کاک فەتاح و حیزبەکەیدا بە چۆکدا هاتن و هیوا بڕاو بوون ، لە ژێر سێبەری عەمامە و عەبادە دەستی رەشی تاوانیان بۆ سەرکردەکان درێژ کرد. و چەند سەرکردەیان تیرۆرکرد ، کاتێک ویستی بۆ حەسانەوە و ئارامی مێشک چەند دێڕێک بنوسێتەوە ، دوکەڵی بۆمب وئاگری تۆپخانەی دژمن بە ڕوخساری چەند هاوری دا تەقیەوە و ، بوو بە باهۆز و گەردەلول و گڕ و بلیسە ، ئەو کات ئەو دەم مەلای ڕاستەقینە شەرم گرتی ، داوای لێبوردن و لە بەر دەم چیا دا کڕنۆشی برد و نەفرەتی لە بیری چەوتی بیرکەرەوانی جەماران کرد . هاوارێک لە سینگی چیادا بەرز بووە ، بەفر لە حەسرەتان بە وێنەی مومێ دەتوایەوە ، دلی زەوی قەلشی دا ، پێنووس گووتی کوا قامکەکانم ، تفەنگ گوتی کوا پەنجەکانم ، سەنگەر گوتی کوا بەرورەکانم ، ڕێگا گوتی کوا هەنگاوم، ئاسمان گوتی کوا ئەستێرەکانم ، کۆمەڵانی خەلک گوتیان کوا فەرماندە و ڕێبەری چەوساوەکانم .
b_300_220_16777215_00_images_KOMALAYATI_fetah_kawian2.jpgهەر چوار چرا بە سەر پێوە ، هاتە زمان و گوتی ، ئەگەر قین و کینی ئاخوند کاکۆڵم هەڵپڕۆزۆکێنێ ، دێوەزمەی زستان پەنجەکانم سڕ کا ،تەم و مژ بەر چاوم لێڵ بکات، کۆسپ و ئاستەنگەکان هانگاوم پێ شل بکەن . هەوری رەش بەری خۆرم لێ بگرێ ، هەرەس کانیاوەکانم کوێر کاتەوە باهۆز رێم لی هەتڵە کا . من هەر گیارەنگم و سەوزم و لە بن نایەم . لە بەرزاییەوە ، هەمو شەوێ بە سەر نیشتمانەکەم دا دەڕوانم، پەڵە هەورێکی سپیم و نمەوی بارانی رەحمەتم بۆ وەڕزێرەکان پێیە. لە هەر کوێ بم لە گەڵتانم .پێناسەی ڕووبارێکی بەردەوام و خوێناوی و شۆڕشی نەتەوەیەکم. دڕکی بەر پێ و چەقڵی چاوی دوژمن و نەیارانی کوردم، من هێز و ڕێی پێشاندەر و پێشمەرگەی گەلم. منیش لێرەوە دڕێژەدەری ڕێگا و ڕێبازتم. لە بەردەم فیداکاریت سەر رێز دادەنوێنم.
کاک فەتاح هۆ پیاوە قسە خۆش و مەدریس گەرمەکەی دێمۆکراتم، کاتێک بووی بە پێشمەرگە ، ئێستا بەفری سپی لە سەران نەباری بوو، ئێستا چاوەکان تیژبین بوون و پیویستیان بە چاوچاویلکە نەبوو، ئەو کات بۆ نوسینی مەقلەو دێرەکانی شێعر و وەرگێران لە کوردی بۆ ئینگلیسی و پێچەوانەکەی هەر لە سەر قۆندا‌غی تنفگ و ئاڵای کوردستانت دەنووسی ، ئەو کات بۆ خۆ پاراستن لە سەرماو گەرمای هاوین هەر رانکەو چوغە و گۆرێ زەنگاڵ و سەرکەڵاوی مەرەزت لە سەردەنا ئاخ چەندە شانازیت بە داب و نەریت و کولتووری کوردیەوە دەکەرد.
بەلام هاوری چەند ساڵێک بوو، وەکوو ماسی لە ئاو شێر لە بیشە و کۆتر لە لێرەوار و کوی دەنگ خۆش لە ئامێزی گەلەکەت دابرابووی و کەوتبوویە دەشت و پێ دەشتەکان و میوانی حاجی قادری کۆی بووی، لەوی کوێستانەکان خاڵ خاڵ بوون و چاوەکان کمبینا بوون و پێنجەکان لەرزۆک بوون و ئەژنۆکان لە تاقەت کەوتن و پشت وەکوو گۆچان چەمایەوە، بەڵام گەورەم من دڵنیام رۆژێ داێ و کوردستانە داگیرکراوەکەت ئازاد دەبێت و بە هەزاران جوانی کورد دێن وگەلکۆی پیرۆزت لە باوەش دەگرن.
‌هەزاران سڵاو لە گیانی نەمەرو هەمیشە زیندووی کاک فەتاحی کاویان. رەحمان ئیبراهیم زادە. سویس ٢٠١٧.١.٢١. میلادی

شەهید پێشەوا قازی محەممەد

شەهید پێشەوا قازی محەممەد
شەهید پێشەوا قازی محەممەد یەکەم سەرۆک کۆماری کوردستان.